EAJ-PSE bikotea beste lau urtez eta indartuta, EH Bilduk bere markarik onena hautsi du

  • EAJk eta PSEk ehunekoetan eta eserlekuetan 2016ko emaitzak hobetu dituzte eta hala helburua erraz eskuratu dute: Legebiltzarrean gehiengo absolutua.


2020ko uztailaren 12an - 23:12

Boto kupuru absolutuetan ezin da alderaketa egokirik egin, hauteskunde hauetan garaile nagusia abstentzioa izan delako. Inoizko handiena izan da. Abstentzioak 7 puntu gora egin du, %47. Alegia, EAEko ia biztanleen erdia etxean geratu da hauteskunde hauetan. EH Bildu eta Vox alderdiak izan dira boto kopuruetan gora egin duten alderdi bakarrak.

Orain lau urte EAJk botoen %37,60 (28) lortu zuen eta PSE-k %11,94 (9), eta oraingoan biek gora egin dute. Jeltzaleek 3 eserleku gehiago (31) lortu dituzte eta 2 puntu eta erdi gora (%39,12) eta sozialistek bi puntu gora (%13,64) egin dute eserleku bat gehiago lortuz (10). Bien artean erraz eskuratu dute beren helburu nagusia, Legebiltzarrean gehiengo absolutua izatea.

Ehunekoei erreparatuta igoerarik handiena izan duen alderdia, herrialde guztietan, EH Bildu izan da. 2016an boz-emaleen %21,26ren babesa lortu zuten, eta oraingoan %27,84, 6 puntu eta erdiz hobeto dituzte emaitzak. Igoera nabarmen horrek ez du eserlekuetan maila bereko gorakada ekarri, lau gehiago lortu dituzte eta, 22 orotara.

Galtzaile nagusia Miren Gorrotxategik gidatutako Podemos-Elkarrekin izan da ezbairik gabe. 11 eserleku izatetik 6ra pasa dira eta botoetan 6 puntu eta erdi galdu dituzte (%8,03). Galera ere, eta ez edonolakoa izan da, Carlos Iturgaitzen PP eta Ciudadanos alderdien baturak jaso duena. 4 eserleku galdu dituzte (5) eta ehunekoetan 6 puntu egin dute behera (%6,75).

Ultraeskuindarrek ere lortu dute haien helburu nagusia, VOXek Araban ordezkari bat izatea. 2016an Voxek 771 boto lortu zituen eta gaurko hauteskundeetan 17.517 (%1,96). Equok ez du lortu eserlekutik, 11.616 boto eta %1,30 lortuta.


Kanal honetatik interesatuko zaizu: EAEko hauteskundeak 2020
2020-09-01 | Ramón Grosfoguel
Juan Carlos Monederori erantzuna: Podemos alderdiaren jokabide kolonialista

AEBetako Berkeley Unibertsitateko irakaslea eta pentsamendu dekolonialean aditua da Ramón Grosfoguel. Artikulu honetan, Galiziako BNGren eta Euskal Autonomia Erkidegoko EH Bilduren azken hauteskundeetako emaitzez iritzia ematen du, Podemos alderdiko Juan Carlos... [+]


2020-07-26 | Karmelo Landa
Non dago, baina, zure garaipena

Hauteskundeak izan dira oraingoan Euskal Herriaren mendebalde honetan, eta horien ondoren gerta ohi denez, erabateko garaipen loriatsua (auto)aldarrikatzera abiatu da prestu irabazten lar ohituta dugun EAJ.

Luza dakioke gaur EAJri esaldi klasikoan egiten den galdera: Non dago... [+]


2020-07-20 | Z. Oleaga
"Penko" kolektiboa EAEko hauteskundeetan

Demokrazian penko, suspentso, kate, gutxiegi. Politika egiteko oinarritzat hauteskundeak eta bozak dituen jendarte batek hori esan beharko lioke bere buruari herritarren erdiak "festan" parte hartu ere egiten ez duenean, ezta?


2020-07-19 | Aritz Galarraga
HUMANITATEAREN UNE GORENAK
Bozkaleku baten agortze saiakera

Data: 2020ko uztailaren 12a (igandea). Ordua: 13:00. Tokia: H. herriko bozkaleku nagusiko kanpoaldean dagoen banku bat. Eguraldia: orduak iraun dituen euri jasa baten azken tantak. Jende mugimendu etengabea atarian. Talde handirik ez. Gehienak banaka, binaka, trioren bat... [+]


2020-07-19 | Juan Mari Arregi
Eskuineko eta ezkerreko politikak daude

Iñigo Urkullu jarduneko lehendakariak eta bere alderdiak hauteskunde kanpainan esan dutenez, “ezkerrekoak eta eskuinekoak jada ez dira existitzen”. Gaur egun EAEn nagusi den politikaren alternatibarik existituko ez balitz bezala, hau da, ez balego bezala... [+]


Eguneraketa berriak daude