ARGIA.eus

2022ko maiatzaren 18a

EAJ nagusi Gipuzkoan, EH Bildurekin lehia estuan

2015eko maiatzaren 22a

2015eko Gipuzkoako udal hauteskundeen emaitzen mapa interaktiboa.

Emaitzak ohi baino mantsoago ezagutzen ari gara, beraz, artean botoen ehuneko ehun zenbatu gabe, Gipuzkoan EAJ nagusitu dela baieztatu daiteke.

EAJ Donostian garaile atera da 9 eserlekurekin. EH Bilduk 7 izan ditzake, zeukanak baino bi gutxiago. PSE-EEk 7, eserleku berdinak. PPk 2 eta Irabazik 2. PPk bi eserleku galdu ditu, bera da alderdi galtzailea. Agian, PPren hainbat boto EAJra lerratu dira. Herritarrek ez dute babestu EH Bilduren lana eta Eneko Goia jeltzalea aurreikusten da alkate berria.

Gipuzkoako udalerrietan oro har, EAJk hainbat plaza berreskuratu ditu, aspaldi galdu zituenak horietako batzuk. Zarautz, Arrasate, Beasain edo Azkoitiko udalerriak, besteak beste. EH Bilduren kaltetan eman diren emaitzen aldaketen arrazoiak aztergarriak izanen dira datozen egunotan. EH Bilduk udalen kudeaketan nolabaiteko higatze bat jasan du.

PSE-EEk Eibar eta Irunen irabazi du, alkatetza horiek atxikiko ditu. Halaber, Lasarte-Oria edota Andoainen emaitza onak lortu ditu. Bere ohiko plazetan sendo samar agertu dela dirudi.

PP izan da guztietan galtzaileena. Alderdi gutxitua izatera iragan da Gipuzkoan. Halaber, Podemosen eta Irabazi inguruko indarren eragina neurtu eta zehaztu beharko da, baita tokian toki egin beharko diren itunek agertuko dute euren politikaren norabidea.

EH Bilduk plaza inportanteak galdu baditu ere, Hernani, Azpeitia, Errenteria edo Usurbilen berretsi dute alkate kargua. Edonola ere, beherakadak zer esana eta aztertua emanen du datozen hilabeteetan.

Markel Olano ahaldun nagusi izan liteke berriz ere

EH Bildu eta EAJren arteko lehia arras hertsia izan da. 17-18 eserlekuren inguruan dabiltza biak. PSE-EEk zortzi, Podemosek 6 eta PPk 1.

EAJk lau batzarkide irabaziko lituzke eta EH Bilduk 4 galdu ditzake. PPk hiru galduko lituzke. Aldundiaren gobernagarritasuna PSE-EEren eta Podemosen esku legoke neurri batean.

Itxura batez, PSE-EEren sostenguak Markel Olano jeltzalea jar dezake berriz ere Gipuzkoako ahaldun nagusiaren karguan.   

Kanal honetan artxibatua: Udal eta foru hauteskundeak 2015

Udal eta foru hauteskundeak 2015 kanaletik interesatuko zaizu...
Uxue Barkos
"Nafar gizartean aldaketa sakona gertatu da"

Nafarroako Parlamentuko zarata politikotik at, Uxue Barkos lehendakariak gizartea lasai dakusa. “Kalera ateratzen bazara, jendea lasai ikusten duzu, lasaitasunez hartzen dute azken lau urteotan  gizartean gertatu den aldaketa sakona”, adierazi du Barkosek,... [+]


2018-12-14 | Mikel Asurmendi
Aldaketaren aldeko politika gauzatzen jarrai liteke Nafarroa Garaian

Nafarroako Foru hauteskundeak maiatzean izanen dira. EiTB Focusek egindako inkesta baikorra da oro har, gaur egun, Nafarroako Gobernuan ari den koalizioarentzat. Iruñeko Udalean ordea, egungo gobernuaren jarraipena kolokan liteke.


Ahal Duguko zuzendaritzaren kontrako bide legalak hartuko dituela iragarri du Laura Perez parlamentariak

Nafarroako Ahal Duguko bozeramaile ohiak bere kontra abiatutako prozesua salatu, eta aldaketa arriskuan ez dagoela azpimarratu du.


2017-10-12 | Andoni Mikelarena
'Euskara Ofiziala Nafarroa Osoan' kanpaina abiatu du Kontseiluak

Eremu mistoko hainbat herritan egingo dute kanpaina. Herritarrak instituzioei zonifikazioarekin amaitzeko eskabidea egitera bultzatu nahi dituzte.


2017-09-06 | Guaixe .eus
Nafarroako Parlamentuak Altsasuko auziko fiskaltzaren eskaerarekin "erabateko desadostasuna" azaldu du

Nafarroako Parlamentuko Bozeramaileen Batzordeak ferietako liskarragatik auzipetutako gazteen kontra fiskaltzak egindako zigor eskaeren aurka egin du.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude