Euskara “hizkuntza zailenetakoa” zela argudiatu zuen epailearen ebazpena berretsi du EAEko Auzitegi Nagusiak
Ana María Martínez Navas Gasteizko epailearen sententziak bazterrak astindu zituen 2021ean, esan baitzuen "euskara munduko hizkuntza zailenen artean bosgarren" zegoela. Hizkuntza eskakizuna egiaztatzetik salbuetsi zuen Laudioko Udaleko bitarteko langile bat, 45 urtetik gora zituela argudiatuta. Auzitegi Nagusiak epaia berretsi du.
Laudioko Udalak bitarteko langile bat kargugabetu zuen hizkuntza eskakizuna ez zuelako egiaztatu. Ana María Martínez Navas Gasteizko epaileak langilea kargugabetu izana bertan behera utzi zuen 2021eko abenduan. Ebazpen hori emateko argudioa zen langileak ez zeukala zertan hizkuntza eskakizuna egiaztatu, 45 urtetik gora zituelako. Legearen arabera, langile publikoek ez daukate hizkuntza eskakizuna bete beharrik 45 urte baino gehiago badituzte. Kargutik at gelditu zen langilea, ordea, ez zen funtzionarioa, bitartekoa baizik. Epaileak ebatzi zuen, langile bitartekoei ere, eragiten diela hizkuntza eskakizunen salbuespenak.
Epailearen ebazpenak haserrea eragin zuen emandako epaiagatik eta horretarako erabilitako argudioengatik. Esan zuen "euskara munduko hizkuntza zailenen artean bosgarren" zegoela eta zenbait zerrendatan lehen postuan. Ondoko lerroetan dituzue orduko hartan Gasteizko 3. Epaitegiko epaile Martínez Navasek epaian esandakoak:
“Pertsona honek bere atsedeneko eta aisialdiko 1.295 ordu inbertitu izanaren eta esfortzu horren ostean 1. hizkuntza eskakizuna soilik lortu izanaren aurrean, badirudi Administrazioari ahaztu egin zaiola euskara munduko bosgarren hizkuntzarik zailena dela (zerrenda batzuetan lehena ageri da). Hizkuntza horren zailtasun nagusia da ez duela inongo loturarik beste hizkuntzekin, bilakaera isolatua izan baitu denboran. Horri gehitzen zaio egituraren konplexutasuna: hiztegiari dagokionez, hitzen esanahia aldatzen da ehunka atzizki, aurrizki eta artizki gehitzen direnean. Laudioko Udalak esan du 1.295 orduren ostean SOILIK lehen hizkuntza eskakizuna lortu duela eta kontratua eten ziola. Horrek hizkuntza hori ikasteko ezohiko zailtasunekiko sentsibilitate falta erakusten du eta guztiaren gainetik nabarmendu behar da lehen hizkuntza eskakizuna lortu zuela”.
Laudioko Udalak helegitea jar dezake
Laudioko Udalak helegitea jarri zuen eta azaroaren 2an ebatzi, eta abenduaren 15ean ofizialki jakinarazi denez, EAEko Justizia Auzitegi Nagusiak ez du onartu helegitea. Bitarteko langilea kargugabetzea ez du ontzat hartu. Honela argudiatu du EAEko auzitegiko José Antonio Gónzalez Saíz epaileak: “Ez luke zentzurik karrerako funtzionarioak 45 urte betetzean lanpostua bete ahal izateak, eta bitarteko funtzionarioak ezin izango balu bete, arrazoi objektibo batek ere ez luke hori justifikatuko salbuespena arautu eta objektiboki parekagarriak diren bi egoera izatean”.
Ebazpena ez da irmoa, Laudioko Udalak kasazio-errekurtsoa jar baitezake Auzitegi Goreneko Administrazioarekiko Auzien Salan.
UEMAren zuzendaritza batzordeko kideek hedabideen aurrean agerraldia egin dute ostegun eguerdian Zarautzen, Espainiako Auzitegi Gorenaren azken epai euskarafoboa salatzeko. Epaia "larria" dela adierazi dute, eta batez ere udalerri euskaldunei eta euskaraz aritzen... [+]
Nerea Kortajarena EH Bilduko legebiltzakideak prentsa agerraldi batean esan du Eusko Legebiltzarrean dauden "gehiengoak" baliatu beharko liratekeela "hizkuntza politika berri bat ahalbidetzeko".
Maria Ubarretxena Eusko Jaurlaritzako bozeramailearen esanetan, “indar politiko batzuk erabaki politikoak judizializatzen ari dira”.
Vox alderdi ultraeskuindarraren eskariz EAEko Auzitegi Nagusiak 2023ko irailean baliogabetu zituen EAEKo Udal Legearen hainbat artikulu, euskararen normalizazioaren ingurukoak. Erabaki hura berretsi du orain Espainiako Auzitegi Gorenak, eta ez dago helegiterako aukerarik... [+]
Lapurdiko eskola batetik saiatu dira datorren ikasturterako Ganbara Hostel Bilbaon aterpea lotzen, baina Behatokian salatu dutenez, idatzizko komunikazioan euskaraz aritzeagatik zera esan diete azkenean: “Espainolez mintzatzen ez ginenez, ez gintuztela beren hotelean... [+]
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Epaiak legez kanpokotzat jotzen du hizkuntza eskakizun egiaztagiria ez duten pertsonak Lan Eskaintza Publikotik kanpo geratzea. Gipuzkoako Foru Aldundiak jarritako helegitearen kontrako epaia izan da. CCOOk eman du epaiaren berri eta garaipen gisa hartu du.
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
2023an B1 maila eskatu zuen udalak kale garbitzailea posturako, baina horren kontrako epaiak eman zituten Donostiako Administrazioarekiko Auzien 2. eta 3. zenbakiko epaitegiek. Epai horien aurkako helegiteak atzera bota dituzte orain. Hizkuntza eskubideen urraketei... [+]
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]
Osakidetzan egun, ez dago bermatuta euskarazko zerbitzua. Zerbitzu gehienetan ez dago hizkuntza irizpiderik eta herritar euskaldunek bere burua nabarmendu beharra daukate, egoera oso zaurgarrian, euskarazko zerbitzua jaso ahal izateko.
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]