Emakumeak borrokan

Durangoko Hizkuntza Eskolak barkamena eskatu du kontseilua gaztelera hutsean egiteagatik

  • Hizkuntza Eskola Ofizialeko azken kontseilua gaztelaniaz bakarrik egin zela kritikatu du Marina Ealo ikasleen ordezkariak sare sozialetan. EHEk bat egin du salaketan eta babesa agertu dio Ealori; Berbarok espazio guztietan "euskaldunon hizkuntza eskubideak errespetatzea" eskatu du. Hizkuntza Eskolako zuzendaritzak erantzuna eman du: "Argi dago ez genuela behar bezala jokatu".

Anboto @anboto
2017ko uztailaren 05a
Durangoko EHEko kideek pankarta ipini zuten astelehenean Hizkuntza Eskolan. (Anboto)

Marina Ealo harrituta agertu da egunotan bere kritikak eduki duen eraginagaz, baina joan zen asteko batzarraren ostean, isilik ez geratzea erabaki zuen. Bere arabera, ez da lehen aldia izan; otsailean ere gaztelania hutsean egin zuten eskola kontseilua. "Ekainean berriro gauza bera gertatu da. Ez zait normala iruditzen, larria baizik", uste du ikasleen ordezkariak. Alemana ikasten dabil, eta beste zentro bateko irakasle da. Batzarraren amaieran berba egin zuen euskararen erabilera defendatuz, eta "atentzioa deitu" ziotela dio, gaztelaniaz jarraitzeko esanez.

Ealoren esanetan, 25 lagunek osatzen dute kontseilua, eta bakarrak ez zekien euskaraz. Antza, irakasle horrek "jarrera zalapartaria" eduki zuen bere hitzartzearen unean. Beste kontseilukideak isilik geratu zirela-eta, harrituta dagoela gaineratu du. "Eskola kontseiluan gauzek horrela jarraitzen badute, ez noa gehiago parte hartzen", iragarri du Ealok.

Zuzendaritzaren barkamena

Hizkuntza Eskolako zuzendaritzak oharra bidali du ANBOTOra, egunotako eztabaidaren ostean. "Gaztelaniaz jardun genuela aitortu behar dugu bileran geundenetako hamasei lagunetik bik euskara ez dakitelako eta hirugarren batek A1 maila gainditu berri duelako. Horrekin ez dugu geure burua ezelan ere zuritu nahi, argi dago ez genuela behar bezala jokatu". Minduta sentitu direnei barkamena eskatu die zuzendaritzak. "Hau guzti hau, hemendik aurrera, kontuan hartuko dugu eskolako funtzionamendurako", esan dute oharrean.

Ohar horren erreakzio lez, Berbaro elkarteak akatsa onartu eta neurriak hartzea "aurrerapausoa" dela dio. "Durangoko Hizkuntza Eskola bidelagun dugu euskararen hedapen eta sustapenean eta hemendik aurrera ere, horrela izan dadin lanean jarraituko dugu".

Albiste hau Anbotok argitaratu du eta CC-by-sa lizentziari esker ekarri dugu ARGIAra

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Euskalgintza kanaletik interesatuko zaizu...
2019-05-14 | ARGIA
Korrikak eta AEK-k elkartasuna adierazi diete presoen argazkiak eramateagatik atxilotutako lagunei

“Alderdien arteko tirabiren jokoan” eragiteko nahia ikusten dute atxiloketen atzean Korrikak eta AEK-k. Sortuk eta Amnistiaren Aldeko eta Errepresioaren Aurkako Mugimenduek ere kritikatu dute polizia operazioa.


2019-05-14 | Ahotsa.info
Nafarroan euskararen etorkizuna bermatzeko hamabost proposamen aurkeztu ditu Kontseiluak

Iruñean egindako ez-ohiko ekitaldia batean Euskararen Gizarte Erakundeen Kontseiluko idazkari nagusi Paul Bilbaok “oraindik UPNren Gobernuko inertzietan oinarritzen diren neurriak hartzen jarraitzen” dela ziurtatu zuen, eta hurrengo legegintzaldian “inertzia horiei amaiera” emateko hamabost proposamen aurkeztu zituen.


Euskara Sistema Eragilean

Aplikazio bat izatetik Sistema Eragilean txertatzera igaro behar du euskarak, Maialen Lujanbioren esanetan. Ados! Euskararen premia gizartearen elementu periferikoetara mugatzen bada, jai dugu epe ertain-luzean.

Zein da, bada, gure sistemaren zutabea? Zalantzarik gabe, ekonomia. Horrek ezartzen ditu gure bizi baldintzak maila profesionalean eta horretara bideratutako hezkuntza sisteman. Baita, arlo pribatuan ere, kontsumitzaile bezala. Heziketa-Ondasun-Kontsumo hirukoaren arabera dugu... [+]


2019-04-26 | Iņigo Gandarias
KORRIKA edo oinez?

Egun batzuk pasa dira Euskal Herrian burutzen den ekitaldirik berezi, hunkigarri, zabal eta politena bukatu zenetik, KORRIKA, alegia. Hamaika egunez gure geografia osoa zeharkatu du, muga guztien gainetik, izan ere euskararen herriari ezin baitzaizkio mugak jarri.


Dylan Inglis: "Euskaldun kontzeptua ederra da"
MULTIMEDIA - elkarrizketa

Dylan Inglis Devonen, Ingalaterran, jaio zen. Euskal Herrira egindako oporraldi batean egin zuen topo euskararekin eta ikasteari ekin zion; gaur egun, batuaz bezain ongi mintzo da zubereraz. KORRIKAn parte hartzeko egin digun bisita baliatu dugu elkarrizketa txiki hau egiteko.

Hemen duzue orain dela hilabete batzuk Mikel Asurmendi kazetariak egin zion idatzizko elkarrizketa: https://www.argia.eus/argia-astekaria/2631/dylan-inglis


2019-04-16 | dantzan.eus
Oņatiko dantzarien Korrika

Aurrena luzaidarrak eta ondoren oñatiarrak, korrika dantzan. Larunbat goizean igaro da korrika Oñatitik eta Oñatz dantza taldeko dantzariek dantzan eraman dute lekukoa. Oñatzeko bi kidek lekukoa hartu duten momentuan, dantza taldeko gainerako kideek ere aurrealdean sartu dira kaskainetekin.


2019-04-15 | Amaia Fernández
Klika! 21. Korrika 2019
MULTIMEDIA - ekitaldia

Hamaika egun eta 2.500 kilometro baino gehiago egin eta gero, 21. Korrika Gasteiza iritsi zen atzo. Milaka lagun elkartu ziren euskararen alde.


2019-04-15 | ARGIA
Kilka! sistema eragilean

Gasteizko Andra Maria Zuriaren plazan milaka lagunen aurrean Maialen Lujanbio bertsolariak irakurri du Korrikan eskuz esku pasatako mezua.


2019-04-15 | Hala Bedi
Argazki bilduma
Aro berri bati 'Klika' Gasteizen

11 egun, 2.500 kilometro baino gehiago eta Euskal Herriko ia bazter guztiak zeharkatu ostean, 21. Korrika Gasteiza iritsi da. Garesen hasi zen euskararen aldeko lasterketak Gasteizko kaleak bete ditu kolore anitzetako irudiak utziz. Andra Maria Zuriaren plazan, Maialen Lujanbio bertsolariak irakurri du sekretupean zaindutako mezua.


Azkenak
EGILEA
Eguneraketa berriak daude