Donostiako Piratak: “Konpontzeko borondatea daukagu, baina oraindik ez dago ezer itxita”
Gutun baten bitartez, La Flamenka gunea kaian muntatzeko baimenik ez dutela jakinarazi die Jaurlaritzak Donostiako Piratei. Info7 irratian hitz egin du Batiste Ezeiza mugimenduko bozeramaileak eta adierazi du "oraindik ez dugu konpondu". Jai herrikoien aldeko mugimendua Jaurlaritzarekin kontua argitzeko prest agertu da eta elkarlanerako borondatea erakutsi du. Jaurlaritzak esan du ez duela jaia debekatu, “osasun eta higiene baldintzen” inguruko informazioa eskatu duela.
Jaurlaritzatik bidali zaigun gutunaren hasiera.Hau ez al da debekua? Bihar 11:30ean La Flamenkan.RT #GoraPiratakKaian pic.twitter.com/2ScTnu932u
— Donostiako Piratak (@izanpirata) July 25, 2014
Larunbat goizean dozenaka piratek agerraldia egin zuten jasotako gutunaz euren irakurketa egiteko. Ehunka pertsona bildu ziren aurreko arratsaldean egindako deialdiari erantzunez.. Jaurlaritzarekin aurrez ere gorabeherak izan dituztela gogoratu zuten, baita Donostiako Udalarekin ere mugimenduaren hasierako urteetan. “Azkenean norbaitek sinistuko du aitzakiak direla mugimendua baldintzatzeko”, diote Piratek.
Jaurlaritzaren gutunak dio Aste Nagusirako Udalak “egitarau oparoa” antolatzen duela eta beraz jaia kaian egitea ez dela ulertzen. Piratek “jai herrikoien alde lan egiten duten boluntarioak” direla erantzun dute, eta euren baloreak transmititzen jarraitzeko lanean jarraituko dutela. “Ez gara turistentzat egindako postal horretako herritarrak”, diote.
Idoia Ortubia Eusko Jaurlaritzako Gipuzkoako portu eta kosta arduradunarekin biltzen ahalegindu diren arren, ez dutela erantzunik jaso adierazi dute.
“Ez dugu uste enfrentamendurik sortuko denik”
Erreakzioen ondoren, Jaurlaritzak ohar baten bidez jakinarazi du ez duela festa debekatu. “Portu ingurua okupatzeko baldintzak betetzen badituzte” arazorik ez dela esan du Ingurumen Sailak. Kaitik abiatuta Kontxako hondartzara egiten den "abordatzean" antolatzaileei eskatu die kontrola dezatela ateratzen diren guztiak igeri egiten dakitela eta larrialdiko antolakuntza prest izan dezatela.
Horren harira, Piratek larunbateko agerraldian esan zuten, azken urteetan elkarlanean aritutako eragileek antolakuntza-lanengatik zoriondu dituztela, besteak beste, suhiltzaileek, Gurutze Gorriak eta Donostiako Udalak.
Batiste Ezeiza Donostiako Piraten bozeramaileak Info7n adierazi du “herritarrei herria erabiltzeko erraztasunak” eman behar zaizkiela eta herri mugimendu bati ezin zaizkiola enpresa pribatu baten pareko baldintzak eskatu.
Piratek, borondaterik badago, akordioa lortuko dutela diote. “Ez dugu uste enfrentamendurik sortuko denik”, esan du Ezeizak. Kontua aste honetan argitzea espero dute eta bi aste barruko Aste Nagusi Piratak bere horretan jarraitzea.
Larunbatean kaian emandako prentsaurrekoa bideoz grabatu zuten Piratek:
Mugimendu handia sare sozialetan
Piratek Jaurlaritzarekin duten gatazka publiko egin izanak, sare sozialetan mugimendu handia eragin du. #GoraPiratakKaian traolaren bitartez babesa jaso dute eta Umap rankingaren arabera, euskarazko traolarik erabiliena izan da ia asteburu osoan.
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Euskal Herriko hainbat txosna eta jai batzordek deituta, elkarretaratzea egin dute larunbatean Bilboko Miribilla auzoan. Azpimarratu dute txosnak ez direla "edariak zerbitzatzeko barra hutsak", jai herrikoien "bihotza" baizik. Horregatik, Txosnak. Gureak, denonak... [+]
Eibarko San Juanetara begira, Eibarko jai batzordeak udal-gobernuaren eta alkatetzaren aldetik jasotzen ari duen jarrera salatu du. JHH Jaixak Herrixak Herrixandakoak batzordeak luzatu proposamenak "arrazoirik gabe" errefusatu dituztela deitoratzeaz gain, Udalak... [+]
Agerraldia egin dute Gasteizko GKS-k, Gasteizko Etxebizitza Sindikatuak eta Bilboko Luberri konpartsak. “Hainbat hilabetez” Bilboko Konpartsekin eta Gasteizko Txosna Batzordearekin “egoera bideratu” nahian aritu direla ziurtatu dute, emaitzarik gabe... [+]
Bilboko, Gasteizko eta Donostiako herri jaietako ordezkariek agerraldi bateratua egin dute maiatzaren 8 honetan, txosnei jarritako zailtasunak salatzeko eta jai eredu herrikoa "desagertzeko arriskuan" dagoela ohartarazteko.
Kondenatutako atzerritarren nazionalitateari buruzko datuak argitaratuko dituela adierazi du Erresuma Batuko Barne ministroak. Bide beretik, pasa den astean ezagutarazi zen Aste Nagusian atxilotutako 79 pertsonaren argazkiak filtratu zituela Ertzaintzak.
Behe bandako zutabea bezain erlojuaren aurka prestatzen ditut mozorroak, korrika, aztoratuta, zalantzaz, erretxin, estropezuka eta sarri arrakasta ez erabatekoarekin; adibidez, zutabe hau eta biharko mozorroa. Oraindik ez dakit bietako zein bukatuko dudan lehenago. Baina... [+]
Gizakunde (Inauteriak)
Noiz: otsailaren 15ean.
Non: Arizkun eta Erratzun. plazan.
------------------------------------------------
Amaitu dira inauteriak, sutan erre ditugu gaiztoak, gaizkiak, sardinak eta panpinak. Baina xomorroak esnatu dira eta badator... [+]
Lantzeko inauteri txikien kalejira ikusle guztien begietara urtero modukoa izan zen. Txatxoak, Zaldiko, Ziripot eta Miel Otxin herriko ostatuko ganbaratik jaitsi eta herritik barna bira egin zuten txistularien laguntzarekin. Askok, ordea, ez zekiten une historiko bat bizitzen... [+]
Martxoaren 2an igandea Iruinkokoak berriz ere Iruñeko karrikak hartu ditu.
Hamarkada batez lokarturik izan ondotik, otsailaren 22an iratzarriko dute hartza Miarritzen. Festilasaik, Arroka elkarteak, Maritzuli dantza konpainiak, Gaztetxeak eta Ikastolak bat egin dute, aurten, programazio berezi bat eskaintzeko.
Kaskarotak eta maskaradak urtarriletik dabiltza martxan, Malerrekakoak etorri dira segidan eta pixkanaka han eta hemen ospatu dira inauteri festak. Aurten, ordea, data nagusiak berandu datoz oso; Kandelaria egunean Hartza esnatu zen, baina ilargiari begiratu eta beste pixka... [+]
Lazkaon 1960-70ko hamarkadan galdu ziren inauteriak berreskuratzeko asmotan dabiltzala irakurri dugu azken asteetan. Festa haietatik abiatuta herriko hainbat talde elkartu eta otsailaren 28an plazaratuko dira inauteriak ospatzera. Xehetasun gehiago jakin nahian Oin Arin dantza... [+]
Bi asteburu direla atera dira lehen kaskarotak: Beskoitzekoak. Eta martxora arte larunbatez eta igandez astero ibiliko dira herriko auzoetan etxez etxe dantzan eta festan. Goiztiarrenak eta irteera gehiena egiten dituztenak dira Beskoitzeko kaskarotak, baina ez bakarrak... [+]