Dirua bilduko du igandean Aire Garbia plataformak, erraustegiaren kutsaduraren ikerketa laguntzeko
Aire Garbia plataformak iragarri du mahaia jarriko duela igande honetan, Lasarte-Oriako Sagardotegi plazan, 10:00etatik 12:00etara. Dirua bilduko dute, Errausketaren Aurkako Mugimenduak martxan jarri duen crowdfunding kanpaina laguntzeko. 13.000 euro bildu behar ditu erakundeak; 3.000 baino gutxiago falta zaizkio.
ToxicoWatch fundazioak eta Euskal Herriko enpresa batek lagin ugari hartu dituzte berriki Zubietako erraustegiaren inguruan: arrautzak, hostoak, lurra... Zubieta Lantzen elkarteak sustatu du ikerketa. Erraustegia lanean hasiko balitz, kutsadura neurtzeko eta urtero-urtero konparatzeko datuak bildu nahi ditu.
Aire Garbia plataformako kideek herritarrak deitzen dituzte ekarpenak egitera, ekimen hori bultzatze aldera. Sagardotegi plazan jarriko dute mahaia, Jalgi Kafe Antzokiaren alboan.
Kontzentrazioa gaur arratsaldean
Errausketaren Aurkako Mugimenduak kontzentratzera deitzen ditu herritarrak gaur, 18:30ean, Donostiako Aquariumean. Klima ez da negozioa lelopean, Gipuzkoako Foru Aldundiaren "hipokrisia" salatu nahi du. Naturklima fundazioa sortu du diputazioak, eta Gipuzkoa klimaren alde jardunaldiak antolatu, gaur eta bihar. Horren helburua "Zubietako erraustegia zuritzea" dela salatu du EAMk.
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]
Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.
Donostiako suhiltzaileek jakinarazi dutenez, erraustegiko biolehortze-plantan gertatu da ezbeharra.