Dietak bertan behera uztea eskatu du Iruñeko EH Bilduk
EH Bilduko udal taldeak Comiruñako batzordean egoteagatik, Navarra Sumak ezarritako 361,5 euroko dietak bertan behera uztea eskatu dio Enrique Maia alkateari. Ez badu egiten, udalbatzan, estatutoen aldaketa bultzatuko du Joseba Asironen taldeak, ordainketa hauek ekiditeko.
Pasa den asteko udal bilkuran Navarra Sumak, gehiengo faltsua baliatu zuen, pasa den legegintzaldian ezabatutako dieta polemikoak berreskuratzeko. Amaia Izko zinegotzi abertzaleak bere kargua utzi eta oraindik ere ordezkoa izendatzeko prozesurik egin gabe, Enrique Maiak egoera baliatu zuen Iruñeko Erdigune Historikoko udal elkartearen dietak berreskuratzeko. Navarra Sumak, duela lau urte UPNk zituen ordainketa berberak berreskuratu zituen horrela, aldaketaren legegintzaldian bertan behera utzitakoak. Oposizioko alderdi guztiek, EH Bildu, PSN eta Geroa Baik bat egin zuten dieta hauen kontra.
“Justifikaezina da” adierazi du EH Bilduk ohar baten bidez, “ordezkari publikoon soldatak egoera zailetara egokitu behar diren une hauetan, sistema garden eta garbi batera joan behar dugu”. Horregatik, dieta hauek bertan behera uztea exigitu diote Enrique Maia alkateari. Bestela, oposizioko gehiengoa baliatuz, Comiruñako estatutoak aldatuko dituela iragarri du EH Bilduk, dieten ordainketa sistema erabat ezabatzeko.
Foru Hobekuntzaren erreforma adostu dute Nafarroako eta Espainiako gobernuek, Trafikoa foru exekutiboaren eskuduntza historiko eta esklusiboa dela blindatzeko.
Eskuin muturreko taldeek eta funtzionario publikoek eragindako motibazio politikoko ekintzen biktimen lehen hamabi aitorpenak egin ditu Nafarroako Gobernuak. Beste hirurogei espediente aztertzen ari da.
Asteazkeneko gobernu bileran hartu zen erabakia eta horren ondorioz, Espainiako Gobernuko Trantsizio Ekologikorako Ministerioak Forestalia konpainiari emandako baimenen aurkako helegitea jarriko du foru gobernuak.
Iruñeko Erorien Monumentuarekin zer egingo da? Hori da legealdi honetako gai izarretakoa Hiri Buruzagian azken asteetan. Asteazken honetan, Joseba Asiron alkateak kazetarien aurrean jakinarazi duenez, legealdi honetan emango zaio irtenbidea gaiari eta herritarrek... [+]