2 urte, 4 hilabete film dokumentalak Hego Euskal Herrian derrigorrezko soldaduskaren kontra borrokatu zuten sei lagunen historia jasoko du. Lander Garrok zuzendutako lana Berlingo zinema jaialdian aurkeztuko dute Basque Audiovisual katalogoaren barruan eta burututa dagoenean zinema aretoetan estreinatuko da.
Gaztetan soldaduskaren kontrako borrokan konprometitu ziren sei lagunen historia jasoko du Lander Garro zuzendari oreretarrak. Mugimendu hartan parte hartzeko bakoitzak izan zituen motibazioak bilduko ditu dokumentalak 2 urte, 4 hilabete filmean, zerbitzu militarraren kontra agertzeko arrazoi ugari izan zirela gogora ekarriz, bakezaletasunetik hasi eta joera politiko anarkistetaraino, abertzaletasuna, sinesmen erlijiosoak eta desobedientziaren aldeko jarreratik pasaz.
Izar films arduratu da filmaren ekoizpenaz eta prentsari bidalitako informazioan gogora ekarri dutenez, intsumisoek euren borroka irabaztea lortu zuten arren, garaipen hark ez du sekula ospakizunik izan. “Mugarri historikoa izan zen ordea, ordutik gazteek ez baitute derrigorrezko zerbitzu militarra egin beharrik. Dokumental honek ospakizun hori helarazi nahi die egungo ikusleei”, ekoiztetxearen arabera.
Horretarako, intsumisoen garaipenak mende laurdena bete duen urte hau aukeratu dute: orduko gazteek 50 urte inguru dauzkate gaur egun eta ikuspegi horretatik jardungo dute atzera begira.
Filmak irudi esklusiboak erakutsiko dituela ere aurreratu dute: 2012an eraitsi zuten Iruñeko kartzela zaharrean sartu ahal izan zuten Labrit Multimediako kideek filmeko protagonistekin batera eraikina bota baino ordu batzuk lehenago –barruko irudiak jaso ahal izan zituen ekoiztetxe bakarra izan zen–. Preso sartu zituzten edifizio horrek eragingo dizkien sentsazio kontrajarriak ere erakutsiko ditu filmak.
Bidasoa 2018-2023 dokumentalaren proiekzioa
Non: Martuteneko espetxean, Donostian
Noiz: Abenduaren 22an, ostirala, 16:00etan
Sarean ikusgai: Primeran plataforman
------------------------------------------------
Gabonak dira. Ostiral bazkalostea. Martuteneko... [+]
FIPADOC Nazioarteko dokumental jaialdia berriz heldu da Miarritzera. Urtarrilaren 19tik 27ra ospatuko dute, eta seigarren edizio honetan «Italia eta Afrika» izanen dira protagonistak.
En el nombre de ellas dokumentalean agertzen diren biktimek eta ekoiztetxeak eskerrak eman dizkie plataformari "ausardiagatik" eta beren historia kontatzeagatik. Disney+ 2022ko azaroan zen dokumentala estreinatzekoa, baina atzera egin zuen.
Hilabete gutxiko tartean hil zitzaien ama Irati Gorostidiri (Eguesibar, 1988) eta Mirari Echavarriri (Iruñea, 1988), biak 1978an Lizason egonkortutako Arco Iris komunitate tantrikotik igarotakoak. Lehendik ere esperientzia hari buruzko interesa bazuten, dolu prozesuan... [+]