Denboraleak kalteak utzi ditu kostaldean
Kalte handiak eragin ditu Gipuzkoa eta Bizkaiko zenbait herritan, Donostia, Zarautz, Bermeo eta Ondarroan, besteak beste. Alarma gorria amaitu da jada, baina alerta laranjak jarraituko du bihar goizaldeko 6:00ak arte.
Gipuzkoa
Donostia. Pasealeku Berria, La Perla, Ondarreta eta Mundaiz eta Maria Kristina izan dira kaltetuenak, hiriburuko Udalak agiri batean adierazi duenez. Alde Zaharreko Abuztuak 31 kalean eta Zuloaga plazan ura sartu da, baina dendetan eta etxebizitzetan ez du kalte larririk eragin. Kontxa Pasealekuan, La Rotonda diskotekan ura sartu da, eta kalte handiak eragin ditu.
Itsasgora pasata, kalte materialak besterik ez dira gertatu. #olatu pic.twitter.com/ZXWbCE2VjG
— DYA Gipuzkoa (@DYAGipuzkoa) February 9, 2016
#olatu denboralearen egoera Donostian:Paseo Berria itxita jarraituko du bihar arte.Zubiak irekita .Kontxa Ibilbideko lokalak kaltetuenak
— SOS Deiak - 112 (@112_SOSDeiak) February 9, 2016
Zarautz. Olatuek gogor astindu dute, eta malekoiko erdialdean dauden bi tabernetara ura sartu da, Urola Kostako hitzak jakinarazi duenez. Arraun elkartea, Moro surf eta Galtzagorri elkarte gastronomikoa ere gogor kolpatu dituzte olatuek. Olatuek malekoia gainditu dute, eta ondoan dauden hainbat pasabideetara heldu da ura. Informazio gehiago Urola Kostako Hitzan.
Zarautz-Getaria arteko N-634 errepidea bi norabideetan itxita egon da, baina zabaldu dute jada.
#Zarautz #Alertagorria Olatuek Getariako bidean kalteak eragin dituzte. pic.twitter.com/YMEyQRVWoF
— Xabier Txurruka (@XabiTxurruka) February 9, 2016
#N634 zabalik Getaria eta Zarautz artean, txandakako zirkulazioa ezartzen da. #olatu #Trafikoa
— Trafiko Zuzendaritza (@trafikoaEJGV) February 9, 2016
Hondarribia. Butroi Pasealekuan kalteak egin dituzte olatuek eta haize ufada bortitzek: harrizko harresiaren zatiak askatu dira bi lekutan, eta hondakinak sakabanatu dira.
Itsaso kolpeak gauean - Golpes del mar esta noche en Hondarribia @Euskalmet @eguraldiaETB @eguraldia @112_SOSDeiak pic.twitter.com/SY7ARKMZWO
— Hondarribiko Udala (@HondarribiaUdal) February 9, 2016
Bizkaia
Bermeo. Olatu-hormaren 50 metro inguru apurtu dituzte olatuek, eta, ondorioz, Portu Zaharrera sartu da ura. Lau itsasontzi txiki hondoratu ditu urak.
Ondarroa. Alde zaharrean ura sartu da, eta lokalen bat eta autoren bat kaltetu ditu, Segurtasun Sailak baieztatu duenez. Portuan, ontziak lotzeko txikotak apurtu dira, eta urak portu erdia hartu du. Informazio gehiago Lea Artibai eta Mutrikuko Hitzan.
Getxo. Denboraleak kalteak eragin ditu Ereagako hondartzako barandako metro batzuetan, eta Portu Zaharreko estolda-estalki batzuk ere bere tokitik atera ditu urak.
Lekeitio. Isuntza elkartea txikitu dute olatuek. Pobeñan (Muskiz) itsasgorarekin batera uholdeak izan dira. Elantxoben, aterpetxeko teila batzuk eta teilatu-hodia apurtu dituzte olatuek, baita arraun elkartearen egoitzako horma zati bat ere. Ibarrangelun, bestalde, baranda bat apurtu du uraren indarrak, Laida hondartzan.
Alarma gorria amaituta, alerta laranja emana du Euskalmetek 07:00etatik asteazkeneko 06:00ak arte. Haize ufadengatik ere abisu horia dago 18:00ak arte.
6,0 graduko lurrikara bat eta hainbat erreplika izan dira igandetik astelehenerako gauean. Kalte oso larriak eragin ditu herrialdearen ekialdean. Ehunka etxe suntsitu ditu dardarak.
Gaztetape (Getaria) eta Muriola (Barrika) hondartzak 2050. urterako desager daitezke Greenpeaceren txostenaren arabera. Itzurun (Zumaia), Karraspio (Mendexa), Isuntza (Lekeitio) eta Azkorri (Getxo) hondartzek hedaduraren erdia gal dezakete.
Triskantzaren balantze humano eta ekonomiko ilunaren esperoan, galdera berehala bururatzen zaigu urrutiko begirale baino asko gehiago ezin izan garenoi: zer gertatuko da orain gerra zibil horretan? Nolako eragina izango du lurrikararen suntsiketak? “Nargis efektu”... [+]
Bost urte bete dira Zaldibarren 800.000 tona zabor maldan behera amildu eta Joaquín Beltrán eta Alberto Sololuze langileak aurretik eraman zituenetik. Ikerketa judiziala amaitu gabe dago oraindik, Verter Recycling enpresak ez du ezer ordaindu zigilatze lanengatik,... [+]
Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]
Valentziako tanta hotzaren ondoren hondamendiaren itzala beste leku batzuetara ere hedatu da: zer gertatuko litzateke horrelako denborale erraldoi batek Esako urtegi handitua kolpatuko balu? Eutsiko ote lioke presak? Urak gainezka egingo ote luke? Galderak hor daude eta... [+]
AEBko eta munduko hiri handienetakoa den Los Angeles sute ikaragarriek harrapatu dute eta jadanik 150.000 lagun lekuz aldatu behar izan dituzte agintariek. Alkateak larrialdi egoera ezarri du, garrek ehundaka etxe kiskali dituzte hainbat auzotan, eta haizete gogorrek ez dute... [+]
Ekaitz-erauntsia emana zegoen eta "hondamendia jazo da", Errusiako Gobernuak jakinarazi duenez. Ukrainak arduragabekeria egotzi dio.
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Azken asteotan, arkitekturan dihardugunontzat ez da posible izan Valentziako klima gertaera gure lan hizketaldira ez ekartzea. Uraren ibilbidea eraikinen estalkietan, estolderietan, plazetan eta parkeetan pentsatu eta diseinatu behar ditugulako. Ongi dakigu giza eskalako ur... [+]
Urriaren 25a. Valentziako Meteorologia Elkarteak iragarri duenez, hurrengo astean goi geruzetako tanta hotz batek euri-erauntsiak eragin ditzake Valentzian. Egunez egun, aurreikuspenak berresten dira, eta urriaren 29an, goizeko lehen orduan, Espainiako Estatuko Meteorologia... [+]
Mediterraneoan tanta hotz batek eragindako triskantzak erakutsi digu gizakiak noraino sartu dezakeen hanka. Klima larrialdia sortzeaz gain, bere kalte humanoak eta ekonomikoak anplifikatu ditugu. Copernicusen datuen arabera, 400 kilometro koadrotik gora lur geruza... [+]
Copernicus ingurumen behategiaren arabera 2024ak errekorra hautsiko du Lurreko tenperaturari dagokionez, eta hori bakarrik ez, industria aurreko garaiko batez bestekoa baino 1,5ºC altuagoa izango da lehen aldiz.
Valentziako Generalitateko presidentearen aurka salaketa jarri du CGT sindikatuak, heriotzak saihesteko neurriak hartu ez izana leporatuta. Hogei bat eragile sozial eta sindikalek berriz, haren dimisioa eskatzeko manifestazioa antolatu dute hiriburuan, datorren larunbaterako.
Hogeita hamaika suhiltzaile nafar joan dira Valentziara, uholdeen ondoko garbiketa lanetan laguntzen, Horietako bat da Iñaki Sexmilio. "Zenbait lekutan gurea izan da iritsi den lehen laguntza taldea, herritarrak oso eskertuta daude", azaldu du Metropoli Forala... [+]