"De Miguel" auzia lehertu zuen Miñaoko Parke Teknologikoa orain 'low cost' alokairua eskaintzen
Arabako Parke Teknologikoak alokairu merkeen kanpaina jarri du martxan enpresak erakartzeko, eraikin huts ugari baitaude egun. EAJko hainbat buruk parke teknologiko horren eraikuntza baliatu zuten komisioak kobratzeko “De Miguel” kasuan.
Miñaon dagoen Arabako Parke Teknologikoak iragarri du enpresa berriak erakarri nahi dituela eraikinak alokairu merkeetan eskainiz. Datozen lau urteetarako plan estrategikoan prezio “lehiakorragoak” eskainiko dituela iragarri du. Hain zuzen, orain erdi hutsik dagoen Miñaoko parke teknologikoaren eraikuntzako obretako komisioekin lehertu zen “De Miguel” kasua.
2009ko abenduan Ainhoa Alberdi enpresariak salatu zuen Alfredo de Miguel Arabako Diputatu nagusi ohi jeltzaleak eta Aitor Telleria EAJko buru ohiak estortsionatu zutela 100.000 euroko komisio bat eman ziezaien kontratu baten adjudikazioaren ostean. Alberdik zuzentzen zuen Miñaoko obrak kudeatzeko espresuki sortutako enpresa; enpresa hori bere kide Jon Iñaki Etxaburuk sortu zuen, eta hark praktika horiek onartuta zituen, El Mundo-ren arabera.
Hala azaleratu zen De Miguelek eta Telleriak, beste batzuekin batera, halako komisioak kobratzeko enpresa faltsu bat sortua zutela, Kataia Consulting. De Miguelen enpresa sareak 600.000 euro inguru jaso dituela uste du El Mundo egunkariak. Tartean orain erdi hutsik dagoen Arabako Parke Teknologikoaren eraikuntza obretatik jasotakoa, esaterako.
.jpg)
Otxandiano asteazkenean sartu da, eta De Miguel ostegun goizean. 72 orduko epea eman zien Arabako Probintzia Auzitegiko 2. sekzioak beraien kabuz espetxean sartzeko. Hego Euskal Herrian epaitutako ustelkeria politiko sare handienean parte hartzeagatik zigortu zituzten.
Ustelkeria auziagatik kondenatuta dagoen Alfredo de Miguelek kartzela saihesteko alegazioak aurkeztu ditu, baina Arabako Probintzia Auzitegiak ez dizkio onartu, tramaren burua bera zela eta espetxean ez sartzeko aparteko arrazoirik ez dagoela argudiatuta, besteak beste. Erregu... [+]
Arabako Lurralde Auzitegiak zigorra eten die bost lagunei, bi urte baino gutxiagoko kondenak dituztelako eta ez dutelako aurrekaririk. Ainhoa Bilbao eta Iratxe Gaztelu-Urrutiaren kasuan fiskaltzaren iritziaren kontra hartu du erabakia auzitegiak.
Alfredo de Miguel, Koldo Otxandiano, Iñaki Telleria eta Xabier Sanchez EAJko buruzagi ohiei kartzela zigorra ezarri die Arabako Probintziako Auzitegiak. Era berean, 146.230,80 euro itzuli beharko dizkie Autonomia Erkidegoei.
Arabako Probintzia Auzitegiak Espainiako Auzitegi Gorenaren epai ofiziala jaso du. De Miguel eta Koldo Otxandiano burukide ohiak lanpostu publikoetan lanean jarraitu dute orain arte, eta Arantxa Tapiak adierazi du kaleratu egingo dituela.