Ustelkeria auziagatik kondenatuta dagoen Alfredo de Miguelek kartzela saihesteko alegazioak aurkeztu ditu, baina Arabako Probintzia Auzitegiak ez dizkio onartu, tramaren burua bera zela eta espetxean ez sartzeko aparteko arrazoirik ez dagoela argudiatuta, besteak beste. Erregu helegitea jartzeko hiru egun ditu orain De Miguelek.
Hamabi urte eta lau hilabeteko espetxe zigorra ezarri zioten Arabako EAJko bigarren buruzagi ohiari, baina gehienez bederatzi egingo ditu kartzelan. Espetxean sartu beharra bertan behera utzi nahi izan du De Miguelek, baina alarma sozial handia piztu duen kasua dela, egotzi zaizkion delituetako batek bakarrik dagoeneko bi urte baino gehiagoko kartzela zigorra duela, tramaren burua zela eta ez espetxeratzeko aparteko arrazoirik ez dagoela erantzun du epaileak. Horrez gain, De Miguelek indultu partzial bat du eskatuta.
Ustelkeria kasu berean inplikatuta dauden Koldo Ochandiano (zazpi urte eta sei hilabeteko kartzelaldira kondenatuta) eta Aitor Tellereria (bost urtera kondenatuta) EAJko kide ohiek berriz, osasun arazoak argudiatu dituzte kartzela ez zapaltzeko. Medikuaren analisiaren zain daude.
Bestalde, Iñaki San Juan Leioako EAJko zinegotzi ohiak lau urte eta bederatzi hilabeteko espetxe zigorra zuen, baina berari bai onartu zaio kartzelan sartu behar ez izatea. Komunitatearen aldeko lanak egin beharko ditu 347 egunez, edo bestela, 6.940 euroko isuna ordaindu beharko du.
Otxandiano asteazkenean sartu da, eta De Miguel ostegun goizean. 72 orduko epea eman zien Arabako Probintzia Auzitegiko 2. sekzioak beraien kabuz espetxean sartzeko. Hego Euskal Herrian epaitutako ustelkeria politiko sare handienean parte hartzeagatik zigortu zituzten.
Arabako Lurralde Auzitegiak zigorra eten die bost lagunei, bi urte baino gutxiagoko kondenak dituztelako eta ez dutelako aurrekaririk. Ainhoa Bilbao eta Iratxe Gaztelu-Urrutiaren kasuan fiskaltzaren iritziaren kontra hartu du erabakia auzitegiak.
Alfredo de Miguel, Koldo Otxandiano, Iñaki Telleria eta Xabier Sanchez EAJko buruzagi ohiei kartzela zigorra ezarri die Arabako Probintziako Auzitegiak. Era berean, 146.230,80 euro itzuli beharko dizkie Autonomia Erkidegoei.
Arabako Probintzia Auzitegiak Espainiako Auzitegi Gorenaren epai ofiziala jaso du. De Miguel eta Koldo Otxandiano burukide ohiak lanpostu publikoetan lanean jarraitu dute orain arte, eta Arantxa Tapiak adierazi du kaleratu egingo dituela.
Jaurlaritza legea betetzen ari dela eta kondenatuen lan kontratuak sententzia jaso bezain azkar etengo dituztela adierazi du Arantxa Tapiak. El Correo-k egun berean argitaratu duenez, urtarrilean ezagutu zenetik 53 egunera aurkeztu du Jaurlaritzak sententzia jasotzeko eskaera... [+]