Coviteren sari bat jaso du ‘La Infiltrada’-k
Maria Luisa Gutierrez produktoreak jaso du Coviteren XXIV. Nazioarteko Saria, eta "terrorismoaren biktima guztiei" eskaini die.
Covite erakundeak aurreko larunbatean egin zuen ekitaldi bat Donostiako Kursaalean, bere XXIV. Nazioarteko Saria banatzeko. Edizio honetan, La Infiltrada filmaren lan-taldea saritu du, eta larunbatean jaso zuten saria ikus-entzunezkoan parte hartu duten hainbat pertsonak; tartean, Maria Luisa Gutierrez produktureak eta Carolina Yuste aktoreak.
Coviteko presidenteak, Consuelo Ordoñezek, ekitaldian adierazi zuen La Infiltrada "nahitaezko momentu" batean iritsi dela, "egia gailentzeko eta terrorismoa tresna politiko gisa legitimatu dadila ekiditeko". Gaineratu zuen filma "opari bat" dela "biktimentzat", eta ekarpena egin diola "ETAren terrorismoa izan zenari buruzko memoria kolektiboari". Bestalde, polizia-indarrei ere eman zizkien eskerrak Ordoñezek, beste behin ere.
Gutierrez produktoreak ere hartu zuen hitza larunbatean, eta "terrorismoaren biktima guztiei" eskaini zien saria. Aldarrikatu egin zuen, gainera, "damua exijitzearen" aldeko borroka, "elkarbizitza duin bat hasteko lehen urrats politiko eta publiko bakar" gisa. Goya Saria ere eman zioten pelikulari urtarrilean, eta, sari-banaketaren galan Covite goraipatu zuen Gutierrezek, aitortza erakunde horri eskainiz.
Joan den larunbateko ekitaldian izan ziren hainbat politikari, esaterako, PSE-EEko Jose Ignacio Asensio eta Arritxu Marañon, Eusko Jaurlaritzako Giza Eskubide, Memoria eta Bizikidetzako sailburuordea; Voxeko Amaia Martinez, eta PPko Javier de Andres eta Muriel Larrea.
Infiltrazio polizialen, errepresioaren eta torturaren zuriketa
Benetako gertakarietan oinarritutako film bat da La infiltrada. Bertan erakusten da Espainiako Poliziako buru batek nola eskatzen dion heroi gisa aurkezten den Elena Tejadari (Yustek antzeztua) ETA taldean infiltratzeko, eta nola egiten dion horri jarraipena Poliziak. Luis Tosar aktoreak hezurmamitzen duen polizia-buru hori da, hain zuzen ere, Fernando Sainz Merino komisarioa, ezaguna torturatzailea izateagatik.
1980an, gutxienez hiru pertsona torturatu zituzten Bartzelonan bere agintaritzapean, eta Gipuzkoako buru izan zenean, 1992tik 1999ra bitartean, Espainiako Poliziak gutxienez 100 laguni egin zizkien torturak Gipuzkoan bertan.
Diskrezioa edo zuhurtzia hitzak entzuten dizkiedanean buruzagi politikoei kezka sortzen zait. “Hobe izango da zuhurtziaz jokatzea”, esaten digute. Horixe izaten da estalkia jakiteko, era publikoan egin izan balitz, onargarria ez zatekeen operazioa era sekretuan... [+]
Ekainaren 5ean 50 urte beteko dira Gabriel Aresti zendu zela, jaio zen hirian bertan, Bilbon. Ziutatearen tristeziak bestelako kolore bat duen garaiotan, belaunaldi berri batzuek Arestiren hitzak goratzeaz aparte, haren esanak gaurko egunetik aztertu dituzte hiri horretan... [+]
BiziLagunEkin desazkunde turistikoaren aldeko Donostiako plataformak ekainaren 15erako deitu du manifestazioa, Europa Hegoaldeko beste hainbat hiritako eragileek bezala. Turistifikazioa salatu eta hiri eredu alternatiboa aldarrikatuko dute.
11:30ean burutu du Poliziak desalojoa, atea rotaflexarekin ireki eta barruan zeuden pertsonak aterarazi ondoren. Ertzaintzak pertsona bat zauritu du buruan eta furgoneta batean eraman du. Herritarren "babes itzela" eta Ertzaintzak erabilitako "biolentzia handia"... [+]
Faltan Botatzen Dugu plataformak eman du gertakariaren berri, eta zaintza aringarrien zerbitzuaren "egoera kritikoa" salatu du. Medikuak haren kontakizuna argitaratu du sare sozialetan, eta jakinarazi du lana utzi duela denbora batez: "Ezinezkoa zait baldintza... [+]
Urteroko oroimen eta sari banaketa ekitaldia egin du Ertzaintzak Arkautin, Eusko Jaurlaritzako agintarien parte hartzearekin. Duela bi urteko kronikatik aurtengora auziek edota gaiek berdintsuak izaten segitzen badute ere, nabarmena da begiratzeko moduak nola aldatu diren.
PPk ezarritako helegiteari erantzunez, legearen testua ia bere osotasunean konstituzionala dela dio auzitegiaren ebazpen proposamenak. Hala ere, legea pertsona gutxi batzuentzat dela dioen argudioan arrazoia eman dio eta herritar guztiei aplikatzea proposatu du.
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Dozenaka eragilek babestutako agerraldi jendetsuan, kezka agertu du auzoetan mezu xenofobo eta baztertzaileak indartzen ari direlako herritarren artean. Herrigintzak “zailtasun eta erreminta falta handia” duela uste dute, baina gatazkei elkartasunetik eta saretuz... [+]
1991n atxilotua izan zenean Espainiako Poliziak Bilboko Komisarian torturatu egin zuela salatu zuen Raul Fuentesek. Espainiako auzitegiek ez zuten salaketa aintzat hartu, besteak beste delitua preskribituta zegoelako. Orain, Nazio Batuen Erakundeko Torturaren Aurkako Batzordeak... [+]
EHUk, aldiz, azaldu du ezinezkoa dela hitz emandako 40 plaza berriak eskaintzea, ez baitute horretarako baliabiderik. Plaza berrien kopurua pixkanaka areagotzeko asmoa erakutsi du EHUk.
Espainiako Osasun Ministerioa kerik gabeko eremu berriak ezarriko lituzkeen lege aurreproiektua eratzen ari da eta Hego Euskal Herriko lau lurraldeetan izango luke eragina. Eremu berri horien artean, tabernetako terrazak, unibertsitateetako campusak edo autobus-markesinak ageri... [+]