Confebaskek EAEko aurrekontu-akordioa txalotu du
Cebek, Adegi eta SEArekin batera argitaratu duen prentsa oharrean, Confebaskek dio hitzarmena “positiboa” eta “onuragarria” dela. Besteak beste, sozietate zerga %28tik %24ra murriztea adostu dute eta hori “onuragarria” dela dio patronalak.
Erabaki honek ekonomiari hazten laguntzeaz gain, lanpostuak sortzeko balioko duela adierazi du: “Aukera ekonomiko eta sozialak zabalduko dituen hitzarmena da”.
Aurrekontuak onartzeko hasierako negoziaketetan sozietate zergaren auzia bere horretan uzteko asmoa zuten EAJ eta PSEk. Legebiltzarraren proiektuak aurrera egiteko PPren babesa bilatu dute Jaurlaritzako bi kidek, aurrekontu akordioa popularren irizpideetara moldatuz.
Hiru aldeen arteko elkarlana eta elkar ulertu izana nabarmendu du Confebaskek: “Hemen elkarrizketarako, negoziaketetarako eta gizartean ongizatea berresteko eredu propioa dugu eta akordio honek azaleratu egin du”.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Araba, Bizkaia eta Gipuzkoako UGT sindikatuaren zuzendaritzak erabaki du elkarrizketa sozialerako mahaia uztea, CCOO sindikatuak ere beste hainbeste egin ostean. ELAk eta LABek hasieratik ez zuten parte hartu. Horrenbestez, sindikaturik gabe, kolokan geratu da organoa.
Emakume eta gizonen arteko soldata arrakalaz galdetuta Radio Euskadin egin ditu adierazpenak Araba, Bizkaia eta Gipuzkoako enpresarien elkarteko buruak. Soldatetan dagoen aldea eragiten duten faktoreen artean, "emakumeentzat enpresak erakargarriak ez izatea" adierazi du.
Confebaskek eta ELA, LAB, CCOO eta UGT sindikatuek adostu dute euskal itunak estatukoengandik babestea. Negoziazio kolektiboa desblokeatu ezean akordioak ez luke eraginik izango sektore eta enpresa askotan, baina patronalak ez du horretarako konpromisorik hartu nahi izan.
Sektore arteko akordioa lortzeko egindako bilerari garrantzia handia eman diote Confebaskek, hedabide handiek eta Jaurlaritzak. ELA eta LAB, aldiz, zuhurrago azaldu dira, zergatik?
Sektorearteko akordioa eztabaidatzen hasteko aurre-pausoa eman dute. ELAren esanetan, Confebaskek jarrera aldatu eta “bake sozialaren baldintza” kendu du.
Akordioak ahalik eta sektore gehienetan eragin mugatuko itunak sinatzea ahalbidetuko du. Gehiengo sindikala alboratu izana salatu dute sindikatu abertzaleek.
Eragin mugatuko akordioak lehenetsi nahi ditu patronalak, Berriak eskuratu duen agiri baten arabera. Jaurlaritzak asmo horrekin bat egiten duela-eta, Toñaren dimisioa eskatu dute sindikatu abertzaleek.
Enpresariek eta langileek elkarrekin arraun egiteko garaia dela uste du Confebaskek, lan erreforma berriaren aurrean langileek malgutasunez jokatzekoa. Sindikatuek, aldiz, Maiatzaren Lehena baliatu dute prekarietatea eta konfrontazioa kalera ateratzeko.
Confesbaskek bere lan harreman eredu berria egin zuen publiko ekitaldi batean. Eusko Jaurlaritzak eta ehunka enpresarik babestuta, lobby patronal horrek egungo errealitatera egokitzen saiatzen ari den eragile sozial modernoaren itxurak egin zituen. Ekitaldi hori, ordea, marketin operazio hutsa baino ez da izan, patronalaren propaganda. Lan harreman berria eskaintzen duela aditzera emanez, bere filosofia eta lan baldintza eskasak inposatu nahi ditu, etekinak pilatzen segitzeko. Patronalek... [+]
“Malgutasunean” oinarritutako lan harremanetarako eredu berria berretsi zuen Confebaskek astelehenean Bilbon, 400 enpresa-jaberekin egindako ekitaldian eta Arantza Tapia Eusko Jaurlaritzako Lehiakortasun sailburuaren babesarekin. Han izan ziren halaber SEA, Cebek eta Adegi, EAEko hiru probintzietako patronaletako buruak.
