Castejóngo zentrala ixteko epaia oraindik ez bete izana salatu dute

  • Joan den urrian eman zuen Espainiako Auzitegi Gorenak Elerebro enpresak Castejónen dituen bi zentral termikoetako bat ixteko epai irmoa, baina ez da oraindik bete, hainbat gizarte taldek eta gaia daramaten abokatuek prentsaurreko bidez salatu dutenez. Horrenbestez, lanean jarraitzen du zentralak. Ribera + Centrales No plataformak eta Sustrai Erakuntza fundazioak foru eta udal agintariei leporatu diete legez kanpoko egoera horren konplize izatea.


2017ko otsailaren 10an - 12:07
2016ko urrian eman zuen Espainiako Auzitegi Gorenak Castejóngo zentral termikoa ixteko agintzen duen epai irmoa. (Arg.: Miguel Angel Cueva-CC By)

Adierazi dutenez, Espainiako Gobernuak indarrean zegoen ingurumen legediari bizkarra emanda baimendu zen zentrala eraikitzea 2005ean. Herri-gunetik gutxieneko 2.000 metroko distantzia ez errespetatzeaz gain, proiektuaren ingurumen inpaktu azterketak hainbat akats zituela azpimarratu dute.

Itxi behar den zentrala Castejónen eraikitako hirugarrena da, eta Elerebro enpresaren bigarrena (Iberdrola da bestearen jabea). Ribera + Centrales No eta Sustrai Erakuntzaren esanetan, “Castejóngoa espainiar sistema elektrikoaren ‘desantolaketa antolatua’ ulertzeko adibide garbia da”. Espainiako Estatuan guztira 110.000 megawatteko potentzia ezarrita dagola gogorarazi dituzte, eskari handieneko uneetan 35.000 inguru erabiltzen ez badira ere.

Eskualdeko hainbat talde eta herritarrek borroka judiziala abiarazi zuten Castejóngo hirugarren zentrala eraikitzeko baimena emandakoan, eta horren azken emaitza izan zen urrian Auzitegi Gorenak emandako ixte-epaia. Hala ere, hiru hilabete eta erdi geroago bete gabe dago epai hori. Ribera + Centrales No eta Sustrai Erakuntzak zentrala berehala itxiarazteko eskatu diete Nafarroako eta Espainiako gobernuei, eta Castejónen lanean dauden beste zentralen baimenak berriz aztertzeko ere galdatu dute.   


Kanal honetatik interesatuko zaizu: Castejongo zentral termikoak
Castejongo zentral termikoak zuritzeko saiakera berria salatu du Sustrai Erakuntzak

Europako eskakizunei jarraituz, Nafarroako Gobernuak jendaurrean jarri du hiru zentral termikoen Ingurumen Baimen Bateratuaren berrikuspena. Sustrai Erakuntzaren ustez, gobernuak hori baliatu nahi du Castejongo zentral termikoak balioztatu eta martxan mantentzeko.


2019-04-12 | ARGIA
Castejongo zentral termikoa gelditzea eskatzen dutenei Auzitegi Gorenak berriro ere arrazoia eman die

Duela 14 urte Elerebro zentralaren bigarren taldea ezartzeko baimena eman zen. Oraindik ere Castejoneko bizilagunek, Sustrai Erakuntza Fundazioarekin batera, auzitan jarraitzen dute justizia egin dadin, Nafarroako administrazioen laguntzarik gabe. Madrilgo Auzitegi Gorenak... [+]


2017-07-11 | Xalba Ramirez
Nafarroako Plan Energetikoaren barruan Castejóngo zentralak eraistea eskatu du Sustrai Erakuntzak

Nafar Gobernuak energia plan berria aurkeztu du “2030 Ikusmuga Plan Energetikoa” zirriborroan. Energia berriztagarrien erabilpena %21etik %51ra handitzeko asmoa duen arren, planak Castejóngo zentral termikoak ixteari buruz ez duela ezer esaten salatu du... [+]


Castejongo bigarren zentrala ixteko epaia eman du Espainiako Auzitegi Gorenak

Zentrala hirigunetik 2.000 metro baino gutxiagora dagoela eta ilegala dela berretsi du epaileak. 2007an eraiki zuten ziklo konbinatuko zentral termikoa itxi egin beharko du Elerebro enpresak.


Eskari falta Castejongo zentral termikoak kolpatzen ari da

Aurreikusitakotik oso behera dago Castejongo zentral termikoen funtzionamendua. Eskari falta dela eta, apenas ari diren erabilera orduak pilatzen.


Eguneraketa berriak daude