Eskari falta Castejongo zentral termikoak kolpatzen ari da

  • Aurreikusitakotik oso behera dago Castejongo zentral termikoen funtzionamendua. Eskari falta dela eta, apenas ari diren erabilera orduak pilatzen.


2016ko urtarrilaren 12an - 12:14
Hidrocantabricok Castejonen duen zentral termikoetako bat.

Espainiako Sare Elektrikoak emandako datuen arabera, 2014an Iberdrolaren Castejon 1 zentrala ez zen ordu bakar batez ere funtzionamenduan egon. Hidrocantabricorenak diren bi zentralei dagokienez, Castejon 1ek %21eko jaitsiera izan zuen –901 orduz izan zen jardunean–, eta Castejon 3k %43ko igoera, guztira 969 ordu emanez funtzionamenduan. Kontuan hartzekoa da ziklo konbinatuko zentral termikoek, errentagarriak izan daitezen, 3.500 eta 4.000 ordu inguruko funtzionamendua behar dutela izan.

Gainera, Castejon 3k 2014an aurreko urtearekiko hazkunde nabarmena izan bazuen ere, hau azken urteetan izandako beherakadaren ostean iritsi zen. Horren lekuko zentral honen produkzio datuak: 2011n 1.350 Gwh produzitu bazituen, hiru urte geroago 198 besterik ez zituen ekoiztu. Castejon 1en kasuan hiru urte horietan produkzioa 1.454 Gwh-koa izatetik 192koa izatera igaro zen. Castejon 2, bere aldetik, 704 Gwh ekoiztetik Gwh bakarra ere ez ekoiztera igaro zen.

Fermin Perez-Nievasek Diario de Noticiasen  azaldu duenez, gaur egungo egoera ekonomiko eta elektrikoa dela eta zentral hauen bidez sorturiko energiaren kontsumoak Espainiako Estatu osoan egin du behera. Energia beste bide batzuetatik ekoiztea merkeagoa da, eta horrek eragina izan du produkzio modu honengan. Horrela, 2010ean Espainiako Estatuko zentral termikoek 64.604 Gwh produzitu zituzten bitartean, lau urte geroago produkzioa 22.060 Gwh-ra jaitsi zen.


Kanal honetatik interesatuko zaizu: Castejongo zentral termikoak
Castejongo zentral termikoak zuritzeko saiakera berria salatu du Sustrai Erakuntzak

Europako eskakizunei jarraituz, Nafarroako Gobernuak jendaurrean jarri du hiru zentral termikoen Ingurumen Baimen Bateratuaren berrikuspena. Sustrai Erakuntzaren ustez, gobernuak hori baliatu nahi du Castejongo zentral termikoak balioztatu eta martxan mantentzeko.


2019-04-12 | ARGIA
Castejongo zentral termikoa gelditzea eskatzen dutenei Auzitegi Gorenak berriro ere arrazoia eman die

Duela 14 urte Elerebro zentralaren bigarren taldea ezartzeko baimena eman zen. Oraindik ere Castejoneko bizilagunek, Sustrai Erakuntza Fundazioarekin batera, auzitan jarraitzen dute justizia egin dadin, Nafarroako administrazioen laguntzarik gabe. Madrilgo Auzitegi Gorenak... [+]


2017-07-11 | Xalba Ramirez
Nafarroako Plan Energetikoaren barruan Castejóngo zentralak eraistea eskatu du Sustrai Erakuntzak

Nafar Gobernuak energia plan berria aurkeztu du “2030 Ikusmuga Plan Energetikoa” zirriborroan. Energia berriztagarrien erabilpena %21etik %51ra handitzeko asmoa duen arren, planak Castejóngo zentral termikoak ixteari buruz ez duela ezer esaten salatu du... [+]


2017-02-10 | Unai Brea
Castejóngo zentrala ixteko epaia oraindik ez bete izana salatu dute

Joan den urrian eman zuen Espainiako Auzitegi Gorenak Elerebro enpresak Castejónen dituen bi zentral termikoetako bat ixteko epai irmoa, baina ez da oraindik bete, hainbat gizarte taldek eta gaia daramaten abokatuek prentsaurreko bidez salatu dutenez. Horrenbestez, lanean... [+]


Castejongo bigarren zentrala ixteko epaia eman du Espainiako Auzitegi Gorenak

Zentrala hirigunetik 2.000 metro baino gutxiagora dagoela eta ilegala dela berretsi du epaileak. 2007an eraiki zuten ziklo konbinatuko zentral termikoa itxi egin beharko du Elerebro enpresak.


Eguneraketa berriak daude