CAFen filial batek 120 autobus saldu dizkio Giza Eskubideen Kontseiluak salatu duen Israelgo enpresa bati
Solaris enpresa poloniarrak, CAFek 2018an erosi zuenak, 120 autobus eraikiko ditu Egged enpresa israeldarrarentzat. Nazio Batuen Giza Eskubideen Kontseiluak aurten salatu dituen 112 enpresetako bat da Egged, Palestinako okupazioa etekinak lortzeko baliatzeagatik. Hau ez da Beasaingo enpresak Israelgo Apartheidarekin duen negozio bakarra, Jerusalemgo tranbia polemikoaren eraikuntzan parte hartzen jarraitzen baitu CAFek, Palestinako lurralde okupatuetan.
aurre egingo dieten hedabide independenteak
Azken asteetan, CAFek erositako Solaris Bus & Coach filialak Egged enpresa israeldarrari 120 autobus saldu dizkio. Autobus horiek garraio publikorako erabiliko dituzte Jerusalemen. Israelgo garraio publikoaren operadore nagusia da Egged, eta bere lanen artean dago kolonia sionistak elkarren artean komunikatzea, baita Israelen menpeko beste lurralde batzuekin ere. Hori dela eta, Egged da Nazio Batuen Giza Eskubideen Kontseiluak salatutako 112 enpresetako bat, Palestinako eta Siriako Golango okupazioan parte hartzeagatik eta horri esker etekin ekonomikoak lortzeagatik.
Beasaindik Poloniara, Castejondik pasatuz, Jerusalemerantz
CAFek Solaris enpresa poloniarraren akzio guztiak erosi zituen 2018ko irailean. Ondoren, Andres Arizkorretaren enpresak Poloniako inbertsio funts bati akzioen % 35 saldu zion. 2018an, CAFek Solaris erosi zuenean, enpresak 450 milioi fakturatu zituen eta 2.500 langile zeuzkan. Andres Arizkorretak orduan adierazi zuen "hazkunde errentagarrirako eta merkatu estrategiko berrietara zabaltzeko CAFek duen konpromisoari" jarraiki erosi zutela Solaris.
Solarisen autobusek 32 herrialdetako 700 bat hiritan daude eta Egged israeldarrari egindako salmenta bideratu ostean, 600 baino gehiago izango dira 2012tik Solarisek Israelentzat eraikitako autobusak.
.jpg)
2019ko ekainean Nafarroako Garapen Ekonomikoko lehendakariorde Manu Ayerdik bisita egin zuen Solarisek Poloniako Poznan hirian duen fabrikara, Sodena enpresa publikoak bidalitako ordezkaritzan. Castejonen egoitza nagusia duen Vectia, hiri garraio hibrido eta elektrikoko autobusen enpresa, Solaris Bus & Coachen integratuta geratu zen, CAF Vectiaren parte ere badelako.
Zientzia-dibulgazioa saritzeko erreferentziazko sariak izan dira CAF-Elhuyarrekoak. Antolatzaileek 31. edizioa martxan zegoela etetea erabaki dute, "sariketa behar bezala egiteko baldintzarik ez dagoelako".
Beasaingo enpresak 1.695 milioi euroko kontratua lortu du Belgikako SNCB-NMBS tren konpainia publikoarentzat 54.000 plaza dituzten bagoiak egiteko. Baina aurretik, belgikar konpainiak eskatu dio bere jarduerek nazioarteko zuzenbidea eta giza eskubideak errespetatzen dituztela... [+]
Carrefour, CAF, Crédit Agricole, BlackRock... Francesca Albanese Palestinar Lurraldeentzako NBEko errelatore bereziak enpresa sare handi bat egin du Israel burutzen ari den Gazako genozidioaren konplize bere azken txostenean, eta horien arduradunak ikertzeko eskatu du... [+]
Bi gai mahai gainean, ezinbestean.Batetik, CAF eta Palestina. Bestetik, PSOEren bueltako ustelkeria sarea. Nondik hasi eta non bukatu ere ez dakit, bulkadez betetako artikulua izango dela jakinda.
Nazio Batuen Erakundeak 40 enpresa salatu ditu, CAF tartean, eta Gazako... [+]
NBEren txosten batek azaldu du Beasaingo enpresak lagundu egiten duela Israelgo legez kanpoko kolonien hedapenean. Amnistia Internazionalek deialdia egin die gobernuei “urgentziaz” esku hartu dezaten txostenaren ondorioekiko.
Carrefour, CAF, Crédit Agricole, BlackRock... Francesca Albanese Palestinar Lurraldeentzako NBEko errelatore bereziak enpresa sare handi bat egin du Israel burutzen ari den Gazako genozidioaren konplize, eta horien arduradunak eta goi karguak ikertzeko eskatu du.
Beasaingo enpresaren akzioen %3ren jabe da Eusko Jaurlaritza, eta adierazi du CAFek nazioarteko legedia errespetatzen duela. BDZ Euskal Herriak gogorarazi dio gobernuak derrigortuta daudela okupazioa bultzatzen duten proiektuen aurka egitera.
Mundu guztia Gazari begira ari da orain. Baina Palestina ez da lur hori bakarrik. Bada beste lurralde bat, izen bera duena, ostutako lurren atzean, moztutako gorputz adarra nola begiratzen diona galdutako lurrari: Zisjordania, eta, egoera are bereziagoan, Jerusalem. Lurralde... [+]
CAFek urteroko akziodunen batzarra egin duen egun berean, Jerusalemgo trenaren martxan duen tren proiektua bertan behera uztea exijitu diote Donostian eginiko manifestazioan. Amnesty Internationalek hitza hartu du tren ekoizlearen akziodunen batzarrean, eta Israelen "legez... [+]
Okupatutako Jerusalemgo Ekintza Nazional eta Zibileko batzordeak jakinarazi du trenaren bigarren fasearen hasiera, eta gaitzetsi egin du kokalekuen arteko komunikazioa indartzea duelako helburu. Zisjordanian 22 kokaleku berri ezarriko dituela adierazi du Israelek.
Larunbatean egindako prentsaurrekoan adierazi dute manifestazioa ekainak 14an Donostian egingo dutela. 130 kolektibo, alderdi politiko eta sindikatu batu zaizkie eta "atxikimendu kanpaina oraindik zabalik dagoela" gogorarazi dute.
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]