CAFeko zuzendaritzari eskatu diote utz dezala amiantoaren biktimen kontrako "borroka judiziala"

  • Irungo CAFeko langile ohi bat hil da amiantoak sorturiko mesoteliomaren eraginez, Felix Vázquez. Gizarte Segurantzak aitortua zion ezintasun absolutua, mineral kantzerijenoak gaixotu zuela onartuta. Bere lankideek geldialdia egingo dute ostegunean, senideei elkartasuna adierazi eta CAFeko zuzendaritzaren jarrera salatzeko.


2019ko maiatzaren 22an - 16:29
(Argazkia: Juanjo Basterra Twitter bidez)

Amiantoak hiltzen duen hirugarren langile ohia da CAFek Irunen duen lantegian, beste 37 hil dira Beasaingoan, eta Zaragozakoan 49, gehienak azken hogei urtetan. Egoera horren aurrean, trenak egiten dituzten enpresan etengabeko mobilizazioan ari dira, euren eskakizunak entzun ditzaten. Amiantoa oso erabili izan zen sektorean, eta langileek kaltegarria zela jakin gabe manipulatu zuten asbestoa.

Felix Vázquezen heriotzak berriz ere aterarazi ditu kalera bere lankideak. Asteazkenean beilatokira abiatu dira, bi ilaratan jarrita, Vázquezi azken agurra egiteko, eta Oarso Bidasoako Hitzak LABeko iturriak aipatuz jaso duenez, ostegunean bi orduko etenaldia egingo dute heriotza salatzeko.

Enpresa Batzordeak CAFeko zuzendaritzari eskatu dio utz diezaiola biktimen indemnizazioak eta beharrezko laguntza jasotzeko oztopo legalak jartzeari eta albora dezala "borroka judiziala". Izan ere, amiantoak, minbizia ez ezik, kasu askotan auzitegiz auztegiko gurutzebidea dakarkie langileei, enpresak eta administrazio publikoak bere gaixotasuna onar dezaten.

Juanjo Basterra kazetariak bere Twitter kontuan daraman zenbaketaren arabera, aurten 12 lagun hil dira amiantoagatik Hego Euskal Herrian, eta 2.412 azkeneko 25 urtetan.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
Azoka
Kanal honetatik interesatuko zaizu: Lan-osasuna
Azken zazpi urteetan bikoiztu egin dira buru osasunagatik hartutako bajak Espainiako Estatuan

Gazteen artean izan da nabarmenena igoera: 2019tik %91 hazi da baja kopurua. Emakumezkoen bajak, berriz, ia bikoitza izan dira gizonezkoekin alderatuta. Konfinamenduan jo zuen goia buru osasunagatiko baja kopuruak, baina aurtengo maiatzean kopuru hori gainditu egin da.


Amiantoagatik gaixotutako langile baten osasun arazoengatik Petronor eta Iberdrola zigortu dituzte

Legazpiko Patricio Echeverria enpresako langile ohi baten alargunari ere pentsioa onartu diote, senarra amiantoak eragindako gaixotasun batengatik hil zela onartuta.


2.829 laneko gaixotasunetatik seitan ireki zituen espedienteak Lan Ikuskaritzak 2022an EAEn

Mutualitateek identifikatzen dituzte gaixotasun profesionalak, eta gero gehienak gizarte segurantzara bideratu. LABek salatu du bide horretan enpleguarekin duten lotura ezkutatu nahi izaten dutela. Europar Batasuneko lan-istripuen eta lan-gaixotasunen portaeraren datuek... [+]


2022-10-11 | ARGIA
Amiantoak kutsatuta hil zen langile baten alargunari %40ko errekargua ordaindu beharko dio Fagor Ederlanek

Iruñeko Lan Arloko Epaitegiak frogatutzat eman du hildakoak amiantotik babesteko baliabiderik gabe lan egiten zuela. Aurretik ere antzeko kasu bategatik epaitu zuten Fagor Ederlan Tafalla enpresa.


2022-09-27 | ARGIA
Oñatiko Autlán EMD enpresa auzitegira eraman dute, langileek azido sulfuriko maila altuak jasan dituztelako

ELA sindikatuak jakitera eman duenez, berak sortutako Bidelagun fundazioak salaketa jarri du Oñatiko Autlán EMD (lehengo CEGASA) enpresaren aurka, "bere langileak behartu dituelako azido sulfurikoaren hodei azidoen eta manganeso hautsaren esposizio maila... [+]


Eguneraketa berriak daude