Cabacas hil zuten piloten erregistrorik ez dago
Iñigo Cabacas hil zuen karga polizialeko materialaren erregistrorik ez dago, Garak jakinarazi duenez. Ertzaintzak derrigorrezko protokolo zorrotzak bete behar ditu, agente bakoitzari ematen zaizkion tresnak dokumentatuz, eta erabiliz gero arrazoiak zehaztuz.
Baldintza horiek Ertzaintzaren “Polizia Eskuliburuan” argiak badira ere, 2012ko apirilaren 5ean Iñigo Cabacas hil zuen kargaren erregistrorik ez da inon agertzen. Informazio horrek gertatutakoa argitzeko balioko luke, gomazko pilotak nork eta zergatik erabili zituen azalduko lukeelako.
Poliziaren arautegiaren arabera, gomazko pilotek eta eskopetek berezko zenbakia dute, eta erregistroan ageri behar da zein agenteri ematen zaizkion. Halaber, pilotak zigilatutako poltsetatik ateratzen badira, patruila arduradunak arrazoiak zehaztu behar ditu.
6 ertzain alboratuta
Cabacas auzia dela eta, 6 ertzain alboratu ditu Eusko Jaurlaritzako segurtasun sailburu Estefania Beltran de Herediak. Naizek eta Info7k argitaratutako grabazioak direla eta, inplikatutako agenteen “ohiko lana baldintzatuko dela” argudiatu du Ertzaintzak zabaldutako prentsa oharrak.
Azpimarratu du Ertzaintzak bere “ekintza protokoloak berrikusi, baliabide materialak aldatu eta ekintza hezitzaileak birdiseinatuko dituela”, Cabacasen “akats konponezinarengatik”. Dena den, nabarmendu du epaileak bakarrik zehaztu dezakeela gertatutakoa eta haren esku daudela etor litezkeen inputazioak.
Omenaldia egin diote Iñigo Cabacasi, bere heriotzaren hamargarren urteurrenean. Iñigo Cabacas Lizeranzu plaza izendatu dute Ertzaintzaren pilotakada batek hil zuen kantoia. Antolatzaileek eta gurasoek herritarren babesa eskertu dute, eta erakundeen... [+]
Apirilaren 5ean hamar urte bete dira Ertzaintzak jaurtitako gomazko pilota batek Iñigo Cabacas larriki zauritu zuenetik. Apirilaren 9an, ostera, Cabacasen heriotzaren hamargarren urteurrena beteko da, pilotakadaren ondorioz hil egin baitzen gaztea. Data seinalatu... [+]
Abenduaren 15ean Ertzaintzak artxibatu egin zuen Cabacasen hilketari buruzko barne ikerketa, eta gurasoek gutun batean adierazi dute “harridura eta atsekabea” eragin ziela erabakiak. Josu Erkoreka Jaurlaritzako Segurtasun sailburuari leporatu diote euren samina... [+]
Eusko Jaurlaritzako Segurtasun sailburu Josu Erkorekak azaldu duenez, sei auzipetuei ezin zaie ardura diziplinariorik eskatu, haietako bost (Juan José de Pablo 'Ugarteko' ertzainburua tartean) jada ez direlako funtzionarioak, eta seigarrenak, tiro egiteko agindua... [+]
Bizkaiko Auzitegiak erabaki du bi urtez bertan behera uztea Iñigo Cabacas hiltzea kondenatutako Ertzaintzako agenteari ezarritako bi urteko kartzela zigorraren gauzatzea. Ebazpenaren arabera, espetxe zigorra betearaziko diote, baldin eta Juan Jose de Pablo ertzain... [+]