Hiru egun buruari eragin eta akziora jauzi egiten. Horixe izan da Burutakzio gazte topaketen muina. Altsasun batutako 1.200 gazte inguruk gogotsu hartu dute parte bost ildoren baitan antolatutako tailer eta saio desberdinetan.
Mikropolitika, kanpo proiekzioa, desnormalizazioa, sormena eta komunikazio gerrilla ardatz, harremanak estutu eta lanketa eta ekarpen mamitsuak egin dituzte norbanakotik kolektibora jauzi eginez. Aurrera begira herrietan garatuko dituzten borroketarako baliogarria izango da bertan ikasi eta sentitutako guztia.
Aitzina eta Ernai gazte antolakundeetako kideek zoriondu egin dituzte gazteak oztopoak oztopo topaketak burutu izanagatik. Irudimenez eta sorkuntzaz herriaren eraikuntzan jarraituko dutela adierazi, eta sistema iraultzeko erantzukizunez jokatzeko deia luzatu dute. Mobilizaziorako data ere ezarri dute Altsasun: datorren maiatzaren 3an, Bilbon egingo duten gazte manifestazio nazionalera batzera deitu dute.
Ikusi topaketen argazkiak lotura honetan.
Ostirala
Larunbata
Igandea
Artikulu hau Topatu.info gunetik ekarria da lizentzia libreei esker. Originala hemen.
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.