Burujabetza prozesu sozialari ekingo diote ELAk eta LABek

  • Bi sindikatuek ikuspegi sozialean oinarritutako prozesua aldarrikatu dute Bilbon elkarrekin aurkeztutako adierazpenean. Argi dute egungo estatutuek ez dutela horretarako balio eta Hego Euskal Herriak estatus politiko berria behar duela.

ARGIA @argia
2017ko irailaren 04a
Amaia Muñoa eta Txiki Muñoz ezkerrean, eta LABeko Garbiñe Aranburu eta Igor Arroyo eskuinean. (Arg.: LAB)

Ikuspegi sozialekoa, erabaki eskubidea jasoko duena eta aldebakarrez egin beharreko prozesua dela azpimarratu dute Garbiñe Aranburu eta Adolfo Muñozek, hurrenez hurren LABeko eta ELAko idazkari nagusiek. Azken hamar urteetako krisi sistemikoa “patronalaren eta bankaren zerbitzura jarritako ekonomia, jendarte naiz lan alorreko politikek” sortu dutela uste dute. Hori aldatu beharra dagoela iristen diote, badagoela horretarako masa kritikorik euskal gizartean eta ekin egin behar zaiola.

Lau puntutako diagnostiko bateratua egin dute:

- Lan-esparruaren, negoziazio kolektiboaren eta pentsioen erreformak: burujabetzarik ez eta prekarizazio zein pobretzea batera datoz. EAJk PPren aurrekontuak onartuko dituela eta horri esker PPk bere agenda antisozialarekin jarraitu ahal izango duela salatu dute. Aipatu alorretan oraindik erreforma gehiago etorriko direla iragarri dute.

- Hego Euskal Herrian indarrean jartzen diren aurrekontu eta zerga-politikak elite ekonomikoen onurarako dira.

- Espainiako Gobernuak egin ahalak egiten dituela euskal gizartearen autogobernua murrizteko eta bere erabaki eskubide txikitzeko, eta horren aurrean euskal instituzioek ez dituztela printzipio horiek behar bezala defenditzen. Beraz, ezin dela aldebikotasuna defenditu eta ezinbestez erabaki eskubidearen aldeko borroka aldebakarrekoa izan behar duela.

- Burujabetzarik ez dugu eta, beraz, eremu soziolaboralean nahiz soziopolitikoan erabateko eskumen legegilea izango duen estatus politiko berria behar dugu.

Hau lortzeko hiru proposamen egiten dituzte:

Estatu politiko berria. Aplikatzen diren politiken norabidea goitik behera aldatzea, jendartearen gehiengoaren zerbitzura jartzeko, bereziki, egoerarik kaskarrenean daudenen zerbitzura. Horretarako estatus politiko berria aldarrikatzen dute, bai EAEn bai Nafarroan.

Burujabetza  prozesu soziala. Eredu sozial alternatiboa izango duen burujabetza prozesua abian jarri behar da, lan eta bizi-baldintzak hobetuko dituena. Jendarteak ikusi egin behar du horrela dela.

 

Prozesu aldebakarrekoa. Espainiako Estatuarekiko hartu-emanen aldebikotasuna bertan behera utzi behar da eta geure marko politiko-instituzionala askatasunez finkatuko duen subjektu instituzionala behar dugu. Etorkizuneko marko juridikoa, beraz, ezin da neoestatutismoan oinarritu.

ELAk eta LABek burujabetza prozesu honi ekiteko konpromezu publikoa hartu dute Bilbon astelehen honetan.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Burujabetza  |  Sindikalgintza  |  ELA  |  LAB

Burujabetza kanaletik interesatuko zaizu...
2018-09-16 | Mikel Asurmendi
ANALISIA
Hainbat galdera sartzean

La rentrée terminoa gero eta erabiliagoa da Euskal Herrian. Iparraldean oso arrunta da, euskaldunek “sartzea” erabili ohi dute. Hitz “arrotz-arraro” samarra izan arren, emeki-emeki oihartzun eta lekua hartzen ari da Hegoaldean ere.

Sartzea arrunt erabilia da Iparraldean eskolarako itzulera adierazteko. Konparazione, Seaska Ikastolaren inguruan, bai iaz, bai aurten, eta erran dezagun beti eta betiko, euskaldunen eskola sartzea zalapartatsua izanen da. Eta bai... [+]


2018-09-02 | Karmelo Landa
Egitasmo bat, arren

Euskal herritarron nortasun kolektiboa gaur interrogazio zeinu bat da. Aniztasuna azpimarratu izaten dute statu quo horren defendatzaileek, oraingo epeltasunean eroso sentitzen direnek. Umorerik ez duen broma txar bat iruditzen zait hori. Ze ispilutan begiratu behar dugu euskaldunok geure burua ikusi eta ezagutzeko?

Demokrazia plantak egiten dituzten sistema politiko inposatzaile eta asimilatzaileen mende bizi gara, eta noraezean baino gehiago, kontrako norabidean goazen sentsazioa dugu... [+]


Burujabetza behetik gora eraikitzen da
MULTIMEDIA - solasaldia
Euskal Herriko Laborantza Ganbarako presidente ohi eta ELB sindikatuko kide Mixel Berhocoirigoin-en hitzaldia, ekainaren 16an Gasteizen, ELA sindikatuak antolatutako "Burujabetza nazionala eta auzi soziala" mintegian.

Burujabetza feminista
MULTIMEDIA - solasaldia

Bilgune Feministako Saioa Iraolaren hitzaldia "Ekonomia Sozial Eraldatzailea eta burujabetza(k)" mintegian, ekainaren 21ean Gasteizen. "Gaur egun deman dagoena da bizitza eta kapitalismoaren arteko gatazka. Hau horrela izanik, nondik eraikiko ditugu burujabetza prozesuak? Burujabetza feministaren lehen proposamena ildo horretatik doa. Enpleguarekin lotuta aferak beharrezkoak dira, baina ez nahikoa. Erresistentziak eta burujabetza prozesuak bizitzaren prozesu ezberdinetatik eraiki... [+]


2018-06-28 | ARGIA
Albertia Egunean oroimen historikoaren "izaera kritiko eta erreibindikatiboa" nabarmenduko dute

Datorren igandean ospatuko dute Albertia Eguna, izen bereko tontorrean, "Euskal Herrian ospatzen den oroimen historikoari buruzko ekitaldi beteranoena", Eusko Lurra Fundazioaren aburuz.


Burujabetza feministarantz
MULTIMEDIA - erreportajea
Gatamaula kolektibo feminista kataluniarraren 'Terra de ningú' proiektuaren harira, Bilgune Feministak mahai inguruak antolatu ditu eta bideo hau osatu dute Euskal Herriko, Kurdistango eta Herrialde Katalunetako partaideekin.
 

 


2018-06-14 | Plaza Hutsa
"Estatugintza eta herrigintza uztartuta joan behar dira"
MULTIMEDIA - Plaza Hutsa

Jule Goikoetxea militante eta intelektual feminista izan da Plaza Hutsa TBn Andoni Olariagak elkarrizketatuta. Euskal Errepublika eraikitzeko bidean, estatugintzatik eta herrigintzatik egin daitezkeenez jardun dute.


2018-06-10 | Iñaki Larrañaga
Angel Oiarbide, Gure Esku Dagoko bozeramailea
"Herritarren erabakitzeko arrazoiak erabakiguneetara eramatea jarri dugu helburu"

Gure Esku Dagok bere ibilbideari ekin zionetik da mugimenduko bozemaileetakoa. Donostia-Bilbo-Gasteiz lotuko dituen giza katea eratzearen atarian jardun dugu harekin. Bide batez, mugimenduaren egungo egoeraz ere aritu gara.


2018-05-09 | Plaza Hutsa
"Euskaldunok euskaraz funtzionatuko duen Estatua behar dugu"
MULTIMEDIA - elkarrizketa

Begirada arabarra ekarri dute aste honetako Plaza Hutsera saiora: Manex Agirre (Aramaio, 1982). Aro politiko eta sozial berriari euskaratik begiratu dio. Pello Otxandiano Sortuko Herrigintza idazkariak elkarrizketatu du.


'Kontzertismoa', beste behin

140 urte bete dira Kontzertu Ekonomikoa sortu zela Araba, Bizkaia eta Gipuzkoarentzat. Euskal erakundeek garrantzi handiz ospatu dute teorian porrot baten emaitza dena, foruen abolizioaren ondoren, gure burujabetzaren azken hondar gisa hartu izan da zerga sistema berezia.


Azkenak
EGILEA
Eguneraketa berriak daude