Bueltan da Bilboko Lautan Hiru antzerki jaialdia
Euskaltzaindiak, Cafe Bar Bilbaorekin, Zazpi Katu Gaztetxearekin eta Bira Kulturarekin batera antolatutako euskarazko antzerki txikia Bilboko Alde Zaharrera helduko da bigarrenez otsailaren 6tik 27ra.
Euskarazko antzerkia "hauspotzea" helburu, Lautan Hiru 'antzerki txikia, festibal handia' egitasmoa antolatu dute bigarrenez Alde Zaharreko Cafe Bar Bilbaok, Zazpi Katu Gaztetxeak eta Bira Kulturak, Euskaltzaindiarekin batera. Horrela, otsailaren 6tik aurrera, lau astez jarraian ikusleek ostegunero hiru antzerki ezberdin ikusteko aukera izango dute, lau eragile antolatzaileen egoitzetan.
2019an Euskaltzaindiaren mendeurrenean abiatutako egitasmoa da Lautan Hiru antzerki jaialdia. Aurreko urtean izan zuen arrakasta ikusita, aurten ere Bilboko Zazpikaleak euskarazko antzerkiz "blaitzea" erabaki dute antolatzaileek.
Jaialdian aurkeztuko diren lan gehienak formatu txikikoak izango dira, 20-30 minutuko lanak asko jota. Bestalde sarrerei dagokionez, ostegun bereko hiru piezak ikusi nahi dituenak laguntza bonoa erosteko aukera izango du, 5 eurotan. Laguntza bonuak BIRAn eta Euskaltzaindian egongo dira salgai jaialdia hasi baino astebete lehenago. Pieza bakarra ikusi nahi duenarentzat 2 euroko sarrerak salgai egongo dira gune esberdinetan.
EGITARAUA
Otsailak 6
19:00: Euskaltzaindia: Lolipop (Cecilia Paganini Clown)
20:00: Cafe Bar Bilbao: Salaketa (Cafe Bar Bilbao antzerki saria)
21:00: BIRA Kultura: Maixuaren edari miragarria (Ituiño magoa)
Otsailak 13
19:00: Cafe Bar Bilbao: Orbangabe —Iban Zalduaren ipuin batean oinarrituta— (Mikel
Martinez)
19:45: Euskaltzaindia: Amatxik dixit (Goitibera konpainia)
20:45: Zazpi Katu: Manifestu bat (Miren Tirapu)
Otsailak 20
19:00: Euskaltzaindia: Edipo eta Yokasta (Irati Agirreazkuenaga/ Arantzazu Sanz)
20:00: Zazpi Katu: Bakean dagoena bakean utzi (Idoia Torregarai/ Mirari Martiarena)
21:00: BIRA Kultura: ETAren agiri bulegoa (Galder Perez/ Ane Zabala)
Otsailak 27
19:00: Euskaltzaindia: Baubo (Beatriz Egizabal ipuin-kontalaria)
20:00: Zazpi Katu: Panpina (Erika Olaizola)
21:00: BIRA Kultura: Hiltzen zarenean (Telmo Irureta)
+ Yogurinha Borova
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Bigarrenez Aresti etorkizunaren aurrean
Nork: Ekida Arte Ekimena.
Noiz: ekainaren 20an.
Non: Azkoitiko Baztartxo antzokian.
------------------------------------------------------------------
50 urte dira Gabriel Aresti euskal idazle marxista hil zela, eta Ekida arte... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Ekainaren 5ean 50 urte beteko dira Gabriel Aresti zendu zela, jaio zen hirian bertan, Bilbon. Ziutatearen tristeziak bestelako kolore bat duen garaiotan, belaunaldi berri batzuek Arestiren hitzak goratzeaz aparte, haren esanak gaurko egunetik aztertu dituzte hiri horretan... [+]
Heriotzak Eduardo du izena
- Egilea: Formol konpainia (eta Ander Lipusen manifestua)
- Non: Modelo Aretoan, Zarautzen, Literaturia jaialdia
- Noiz: Maiatzaren 23an.
-------------------------------------------------------------
Bunker batean garatzen da antzezlana... [+]
Ziburuko Euskal Liburu eta Diskoen Azokak 6. edizioa izango du aurtengoa. Ekainaren 7an egingo da, ohi bezala larunbatez, Baltsan elkarteak eta ARGIA komunikabideak antolatuta. Atarian, sorkuntzaren gibelean dagoenaz mintzatzeko, maiz bistaratua ez den baina zorionez geroz eta... [+]