Usansolok hitz egin du: boto-emaileen %90 udalerri bihurtzearen alde

  • 3.000 herritarrek zuten boto eskubidea Usansolo udalerri bihurtzeari buruzko galdeketan eta %73k bozkatu dute, horietatik %90ek desanexioaren alde. Galdeketa Usansolo Herria plataformak antolatu du eta ez du balio juridikorik.


2014ko azaroaren 24an - 09:21
Azken eguneraketa: 2015-02-26 13:37:33
Herritarrak Usansolo Herria plataformak antolatutako galdeketan parte hartzen. (Argazkia: www.eitb.com)

Gaur egun Galdakaoko auzo dena udalerri bihurtzea nahi duten edo ez bozkatu dute, eta antolatzaileak “gustura” azaldu dira parte hartzearekin, haien hitzetan, aurreikuspenak gainditu dituztelako.

Orain, Bizkaiko Foru Aldundiari eskatuko diote herri berriak sortzea eragozten duen foru legea alda dezala, Usansoloko desanexio prozesua has dadin.

Galdakaoko Udalak 2015ean galdetu nahi du

Ibon Uribe Galdakaoko alkateak 2015eko otsailerako aurreikusten du gaiari buruzko galdeketa, behin aipatutako legea aldatuta.

Unai Rementeria Bizkaiko Foru Aldundiko bozeramailearen hitzetan, kontsultak ez dauka "ez balio juridikorik ez politikorik". Rementeriaren iritziz Ibon Uribek proposatutako bide-orria da jarraitu beharrekoa, beti ere “marko legal eta politikoen” barruan.

Hala ere, Aldundiko bozeramaileak esan du galdeketa ofiziala egin aurretik hainbat kontu argitu behar direla, udal berriaren mugak eta haren bideragarritasuna, esaterako.

Usansolo Herriako bozeramaile Monika Menaren esanetan, mugak ondo finkatuta daude 1991tik, Usansolo Galdakaotik bereizteko prozesua hasi eta gutxira sortutako Kudeaketa Batzorde batek ezarrita. Bideragarritasun ekonomikoa, berriz, hainbat ikerketak frogatu dute, Usansolo Herriak aldarrikatzen duenez; azkenekoa, EHUk egindakoa, urriaren 29an aurkeztu zuten. 

Bestalde, galdeketak balio politiko erabatekoa daukala adierazi du Usansolo Herriak. Plataformak bi zinegotzi ditu Galdakaoko Udaletxean, 2011ko udal hauteskundeetan Usansolon aise gailendu eta gero. "EAJk horren balioa ukatzen du, ordea", adierazi digu Monika Menak. 

Ukazio horri aurre egiteko deitu zuten, hain zuzen, desanexioari buruzko erreferenduma: "Galdakaon, eta Bilbon, herri honek zer izan gura duen entzun dezatela".

 

 

 


Kanal honetatik interesatuko zaizu: Usansoloren segregazioa
2023-06-30 | Ilargi Manzanares
Espainiako Gobernuak Usansolo Galdakaotik bereiztea errefusatu du

Lurralde Politikako Ministerioak ukatu egin du eskaera, ez duela gutxieneko biztanle kopurua (5.000) argudiatuta. Kudeaketa batzordeak, Galdakaoko Udalak eta Bizkaiko Aldundiak erabakiaren kontrako errekurtsoa jarriko dute.


Usansolo herri izateko legedia aldatzea eskatu dute EAJk, EH Bilduk eta Ahal Duguk Espainiako Kongresuan

Usansolotarrek 30 urte daramatzate herri izateko lanean, eta orain bide horren azken txanpan daude. Espainiako Legedian, aldiz, oztopoak egon daitezke eta horiek gainditzeko, asteazken honetan EAJk, EH Bilduk eta Ahal Duguk proposamen bateratua aurkeztu dute Madrilen.


2022-10-03 | ARGIA
Usansoloren desanexioa onartu daiteke Bizkaiko Batzar Nagusien hurrengo bileran

Larunbatean, desanexioaren aldeko aldarria berriz atera dute kalera Usansolon, eta urriaren 15erako mobilizazioa deitu dute. Bizkaiko Batzar Nagusietan beren borondatea bete dadila, hori lortu nahi dute ekimenokin. Izan ere, Bizkaiko Batzar Nagusien hurrengo bileran bozkatuko... [+]


2022-03-30 | ARGIA
Hirugarren aldiz, Usansolo udalerri bilakatzearen aldeko hautua nagusitu da herri-galdeketan

Igandean herri-galdeketa egin dute, eta Usansoloren desanexioaren aldeko postura nagusitu da. Bozka eman dutenen %81,54 Usansolo Galdakaotik bereizi eta udalerri bilakatzearen alde agertu da.


Eguneraketa berriak daude