Usansoloren desanexioa bideratu behar duen batzordearen osaketari helegitea aurkeztuko diote

  • Usansolo Herria (UH) elkarteak agerraldia egin du Galdakaoko Udaletxearen aurrean. Usansoloren desanexio prozesuan Galdakaoko alkateak izandako jarrera salatu du bertan, hala nola Batzorde Parekidearen eraketa.  


2016ko azaroaren 15an - 12:39
Usansolo Herriak agerraldia egin du Galdakaoko udaletxearen aurrean (Arg: Usansolo Herria)

2016ko ekainean Usansoloko desanexio prozesua bideratuko duen bide orria onartu zen. Bertan sinatutakoaren arabera, Usansolo eta Galdakaoko sei pertsonak osatuko lukete Batzorde Parekidea, bakoitzetik hiruna kide. Usansoloko aldeko kideak azken udal hauteskundeetan emandako emaitzen arabera aukeratu ziren. Galdakaoko aldeari dagokionez, alkateak eta bi zinegotzik osatuko dutela zehaztu zen.  

Galdakaoko alkateak Bozeramaile Batzordea antolatu zuen irailean, eta bertako zinegotzi ordezkari biak EAJkoak izango direla esan zuen. Horren aurrean desadostasuna erakutsi dute Usansolo Herriko (UH) kideek. Izan ere, “gai publikoak osoko bilkuretan jorratu behar” direla azaldu dute, herritarrak bertara daitezkeen guneetan.

Adostasunen bila jardun arren, alkateak eta bere taldeak prozesua “modu demokratikoan garatzeko borondaterik ez dutela” azaldu du UHk. Hori dela eta, lege-bideetara jotzea “beste aukerarik izan ez dutela” adierazi dute.

Hortaz, Usansoloko Batzorde Parekideko kideak izendatzeko alkatetza-dekretuaren gaineko errekurtsoa aurkeztu du UHk. Bertan, bi gauza eskatu dizkio alkatetzari. Lehenik eta behin, baliorik gabe uzteko Batzorde Parekidearen kideen izendapena, “alkatetzaren eskumena ez delako”. Eta bigarrenik, 1.462. alkatetza-dekretua ere baliorik gabe uzteko, “ez duelako errespetatzen proportzionaltasun politikoaren legezko oinarria”.


Kanal honetatik interesatuko zaizu: Usansoloren segregazioa
2023-06-30 | Ilargi Manzanares
Espainiako Gobernuak Usansolo Galdakaotik bereiztea errefusatu du

Lurralde Politikako Ministerioak ukatu egin du eskaera, ez duela gutxieneko biztanle kopurua (5.000) argudiatuta. Kudeaketa batzordeak, Galdakaoko Udalak eta Bizkaiko Aldundiak erabakiaren kontrako errekurtsoa jarriko dute.


Usansolo herri izateko legedia aldatzea eskatu dute EAJk, EH Bilduk eta Ahal Duguk Espainiako Kongresuan

Usansolotarrek 30 urte daramatzate herri izateko lanean, eta orain bide horren azken txanpan daude. Espainiako Legedian, aldiz, oztopoak egon daitezke eta horiek gainditzeko, asteazken honetan EAJk, EH Bilduk eta Ahal Duguk proposamen bateratua aurkeztu dute Madrilen.


2022-10-03 | ARGIA
Usansoloren desanexioa onartu daiteke Bizkaiko Batzar Nagusien hurrengo bileran

Larunbatean, desanexioaren aldeko aldarria berriz atera dute kalera Usansolon, eta urriaren 15erako mobilizazioa deitu dute. Bizkaiko Batzar Nagusietan beren borondatea bete dadila, hori lortu nahi dute ekimenokin. Izan ere, Bizkaiko Batzar Nagusien hurrengo bileran bozkatuko... [+]


2022-03-30 | ARGIA
Hirugarren aldiz, Usansolo udalerri bilakatzearen aldeko hautua nagusitu da herri-galdeketan

Igandean herri-galdeketa egin dute, eta Usansoloren desanexioaren aldeko postura nagusitu da. Bozka eman dutenen %81,54 Usansolo Galdakaotik bereizi eta udalerri bilakatzearen alde agertu da.


Eguneraketa berriak daude