Usansolo herri independente gisa eratzearen alde bozkatu du %81ek
Usansolon erroldatuta dauden 16 urtetik gorako 3.647 lagun zeuden deituak Galdakaoko Udalak antolatutako galdeketara, eta haietatik 2.302k (%63,12) eman dute bere iritzia. Herri independente gisa eratzearen alde agertu dira %81,54.
Galdeketaren emaitzak:
- Bai: 1.877 boto; botoen % 81,54
- Ez: 329 boto; guztien % 14,29
- Ez daki-ez du erantzuten: 47 boto; % 2,04
- Zuri: 21 boto; % 0,91
- Baliogabeak: 28 boto; % 1,22
Bozketa ez da loteslea. Galdakaoko Udalak, segregazio prozesuei buruzko Foru Araua jarraituta, Bizkaiko Foru Aldundiari igorriko dio galdeketaren emaitza, prozedura Bizkaiko Batzar Nagusien esku utzi dezan. Hark hartuko du Usansoloren etorkizunari buruzko erabakia.
Pasa den urtarrilean onartu zuen Galdakaoko Udalak galdeketa egitea, EH Bildu, Usansolo Herria, Auzoak eta Podemos-Equo taldeetako zinegotzien botoekin. PSEko bi ordezkariek aurka bozkatu zuten, eta EAJko seirak abstenitu egin ziren.
Lurralde Politikako Ministerioak ukatu egin du eskaera, ez duela gutxieneko biztanle kopurua (5.000) argudiatuta. Kudeaketa batzordeak, Galdakaoko Udalak eta Bizkaiko Aldundiak erabakiaren kontrako errekurtsoa jarriko dute.
Usansolotarrek 30 urte daramatzate herri izateko lanean, eta orain bide horren azken txanpan daude. Espainiako Legedian, aldiz, oztopoak egon daitezke eta horiek gainditzeko, asteazken honetan EAJk, EH Bilduk eta Ahal Duguk proposamen bateratua aurkeztu dute Madrilen.
Larunbatean, desanexioaren aldeko aldarria berriz atera dute kalera Usansolon, eta urriaren 15erako mobilizazioa deitu dute. Bizkaiko Batzar Nagusietan beren borondatea bete dadila, hori lortu nahi dute ekimenokin. Izan ere, Bizkaiko Batzar Nagusien hurrengo bileran bozkatuko... [+]
Igandean herri-galdeketa egin dute, eta Usansoloren desanexioaren aldeko postura nagusitu da. Bozka eman dutenen %81,54 Usansolo Galdakaotik bereizi eta udalerri bilakatzearen alde agertu da.