Bost urteko espetxe zigorra eskatu diete Covid garaian Donostian atxilotutako sei gazteri
2021eko urtarrilaren 20eko istiluetan atxilotutako sei gazteek epailearen aurretik pasatu beharko dute urriaren 22an.
Guztira 30 urteko espetxe zigor eskaera jaso dute 2021eko urtarrilaren 20ean, Parte Zaharrean atxilotu zituzten sei gazteek. Covid garai betean, jende multzoak saihestu nahi izan zituzten politikariek, eta San Sebastian bezperan, Parte Zaharra husteko polizia operazioa jarri zuten martxan. Ertzainek hainbatetan jaurti zituzten pilotak eta herritar batzuek objektuak jaurti zizkieten agenteei. Gazte bati masail hezurra hautsi zioten eta horrez gain, sei atxilotu eta zortzi ertzain zauritu izan ziren istiluotan. Bada, orain, Parte Zaharra Aske! plataformak jakinarazi duenez, orduan atxilotutako sei lagunek urriaren 22an deklaratu beharko dute epailearen aurrean. Gazteei desordena publikoa, autoritateari atentatua, kalteak eta lesioak egotzi dizkiete.
Plataformaren arabera, “espetxe zigor eskaera larriak dituen muntai polizial bat” sortu dute orduko istiluen harira. Zabaldutako oharrean gogoratu dute, halaber, San Sebastian bezperako istiluak ez zirela kasu isolatua izan, eta geroztik, gazte ugari epaituak izan direla pandemian zehar emandako “jazarpen errepresiboaren” ondorioz: “Behin eta berriz salatu dugu osasun larrialdiaren aitzakia baliatuz oinarrizko eskubide sozial eta politiko guztiak debekatu zituztela agintari politikoek, gazteriaren kontrako kriminalizazio kanpaina politikoa abiatzearekin batera”.
Parte Zaharra Aske! Plataformak auziperatutako gazteen “absoluzioa” eskatu ez ezik, “errepresioari modu kolektiboan” erantzuteko deia luzatu du: “Epaiketa berri honen aurrean antolatuko ditugun ekimen eta jaialdi ezberdinetan parte hartzeko deia luzatzen dugu”, adierazi dute kideek.
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
2023an Zaballako espetxean euskal presoen alde egindako martxarengatik ezarri zizkieten isunak. Helegiteen ezeztapenaren aurrean epaitegietara joko dutela adierazi du antolakundeak, eta Poliziaren inpunitatea salatu du.
49 urte eta gero Espainiako Poliziak Gasteizko Maria Sortzez Garbiaren katedralean eraildako bost langileak oroitu dituzte beste behin astelehen arratsaldean. Milaka pertsona batu dira Zaramagatik abiatutako eta katedralean amaitutako manifestazioan. Manifestari guztiek ez dute... [+]
Iñigo Cabacas Herri Harmaila taldea eta Athleticen arteko harremana nahaspilatuta dago azkenaldian. Iñigo Cabacas Herri Harmailako Iñigorekin hitz egiteko aukera izan dugu astelehenean.
Asiak jarraitzen du izaten kazetari gehien atxilo dituen kontinentea: 2024an atxilotutako kazetarien %30 baino gehiagorekin. Txina, Israel eta Myanmar izan ziren berriemaile gehien espetxeratu zituzten estatuak iaz. Osotara, 200 kazetari baino gehiago hil eta ehunka zauritu eta... [+]
Gasteizko Auzitegiko laugarren aretoak ebatzi du Gasteizko isunak bertan behera uztea, eta Bilboko isun batzuk 2.500 eurotik 1.800era murriztea, "gehiegikeria" egon zela argudiatuta. Ernairen arabera, Segurtasun Sailak "arbitrariotasunez" eta... [+]
Isunak baliogabetzeko helegitea jarri zuten Ernaiko gazteek eta arrazoi eman die epaileak. Naiz-ek eman du epaiaren berri eta ostegun honetan 10:30ean eginen du prentsaurrekoa Ernaik, zehaztapen guztiak plazaratzeko.
Mexiko Hiria, 1968ko urriaren 2a. Hilabete batzuk lehenago, ekainaren 22an abiatutako ikasle mugimenduak mitin bat antolatu zuen Hiru Kulturen Plazan, hiriko Nonoalco-Tlatelolco unitatean. Mexikoko ejertzitoak eta Batallón Olimpia talde paramilitarrak bildutako ikasleei... [+]
Bizkaiko Probintzia Auzitegiak amnistia aplikatu die Kataluniako prozesu independentistarekin lotutako mobilizazio batengatik kondenatutako lau gazteri. Kataluniarekin elkartasun ekimenengatik herritar gehiago ere zigortu zituzten Euskal Herrian 2011 eta 2023 artean, bide... [+]
Aroztegia proiektuaren kontrako protesta baketsuetan parte hartzeagatik ezarritako zigorrari aurre egiteko diru-bilketa abiaraziko dutela iragarri du herri kolektiboak.
Otsailean atxilotu zuten Iturmendiko pertsona bat, eta bi urte eta erdiko espetxe-zigorra eskatzen dute bere kontra, sare sozialetako zenbait mezu direla-eta. Uztailaren 16an epaituko du Espainiako Auzitegi Nazionalak.
2022ko uztailaren 14an jazotakoaren harira Peñako bazkide guztien datuak exijitu dizkio Sanduzelaiko zuzendaritzari, gertakarietan parte hartu zuen peñakidea dagoeneko identifikatuta zuten arren. Milioi euroko isuna jartzeko mehatxua jaso zuten Sanduzelai... [+]