Bost euskal preso hurbilduko dituzte, horietako bi Euskal Herrira
Ondorengo presoak lekuz aldatu dituztela iragarri dute asteazkenean Espainiako espetxe erakundeek. Euskal Herrira bi ekarriko dituzte: Oier Andueza Basaurira eta Oskarbi Jauregi Martutenera; beste hiru Zuerara eramango dituzte, 250 bat kilometrora: Mikel Azurmendi, Maite Pedrosa eta Joseba Lerin Sanchez. Bost preso hauek Picassenten (Herrialde Katalanak), Teixeiro (Galizia), Murtzia II (Espainiako Estatua) eta Puerto I (Espainiako Estatua) espetxeetan daude orain. Euskal Herritik bereziki urrun dauden bost preso dira, eta beren senide eta lagunek batazbeste 1.456 kilometroko joan-etorriak egiten dituzte bisitan joatean. Azken hilabetean presoen lekualdatze ugari izan da, aurreko hilabeteetan baino gehiago eta zazpi lekualdatu dituzte, hiru hurbildu eta beste hiru aske geratu dira.
Bost euskal preso politiko hurbilduko dituzte Euskal Herrira datozen egunetan, nahiz eta batzuetan lekualdaketak egiten bi aste ere igaro izan diren.
Oier Andueza Murtzia II-n zegoen (820 km) eta Basaurira ekarriko dute. Oskarbi Jauregi Teixeiron zegoen (600 km) eta Martutenera. Zuerako espetxera eramango dituzte, 250 bat kilometrora, Mikel Azurmendi eta Maite Pedrosa Picassentetik (600 km) eta Joseba Lerin Sanchez, Puerto I espetxetik (1.020 km)..
ETAko kide gisa delitu larriak leporatutakoak dira bost presoak, Maddi Ane Txoperena Iribarrenek Berrian informatu duenez. Bertatik ondorengo informazioa:
"Mikel Azurmendiri 1998an Sevillako PPko zinegotzi Alberto Jimenez Becerril hiltzea egozten diote, eta Maite Pedrosari, horren konplize izatea. Azurmendiri, halaber, 36 urteko espetxe zigorra ezarri zioten 1994an Miguel Peralta Utera armadako tenientea hiltzeagatik, eta 1996an Kordobako armadaren aurka lehergaiak jartzeagatik ere zigortu zuten. Maite Pedrosak 230 urteko espetxe zigorra du ETArekin lotutako hainbat delitugatik, eta 1998tik dago preso. Espetxe Erakundeen arabera, espetxe legedia onartu du Pedrosak, eta ETArekiko deslotura adierazten duen idatzi bat aurkeztu du. Bigarren gradua ere eman diote Pedrosari. Lerin Sanchezi 2005ean Deniako hotel batean (Alacant, Herrialde Katalanak) egindako atentatua leporatzen diote.Oskarbi Jauregiri 2001an Mikel Uribe ertzainaren hilketarekin kolaboratzea leporatzen diote, baita Gorka Landaburu kazetariari 2001an bonba-liburu bat igortzea ere. Andueza ere ETArekin lotuta dago espetxean, hainbat hilketa saiakera leporatuta".
Oraindik dozenaka preso 1.000 kilometro baino urrunago
Naizen nabarmendu dutenez, nahiz eta AVT biktimen elkarteak esan arren ehun preso inguru hurbildu dituztela Euskal Herrira, hori ez dela horrela, eta gainera, oraindik espetxe horietan 80tik gora preso daude etxetik 600 kilometro baino urrunago dauden espetxeetan. Eta 1000 kilometroen bueltan 40 preso inguru daude.
Azpiko Etxeraten mapa ez dago eguneratuta, urriaren 6koa da azken eguneratzea, eta ordutik preso gehiago hurbildu dituzte azken hilabetean, baina informazio erabilgarria da begi kolpe batean ulertzeko nola dauden dispertsatuta euskal preso politikoak Espainiako eta Frantziako espetxeetan. Mapa hori eguneratu zutenetik, Etxeratek bere webgunean daukan albisteen zerrenda begiratuz gero, zazpi lekualdatu dituzte, hiru hurbildu eta beste hiru aske geratu dira.
.jpg)
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]