Bost lagun atxilotu ditu poliziak Baionan, Lan Erreformaren kontrako protestan

  • Suprefeturaren blokeatzen ari ziren kideen kontra gasa eta borrak erabili dituzte agenteek. Baionako komisaldegiaren aurrean bildu dira atxilotuak askatu ditzatela eskatzeko.


2016ko ekainaren 23an - 13:00
(Argazkia: Bizi!)

Lan Erreformaren kontra sindikatuek eta Jusqu'au retrait kolektiboko kideek Baionan egindako ekintzari bortizki erantzun die poliziak eta kolektibo horretako bost lagun atxilo eraman ditu, Suprefektura barrura protesta egitera sartu direnean.

Iparraldeko Hitzak bideoz grabatu du atxiloketen unea:

Ekintzaileak goizeko 9etan suprefektura blokatzeko asmoz joan dira baina ateak itxita aurkitu dituzte. Zenbaitek hesia gurutzatu du protesta egiteko eta une horretan atxilotu ditu poliziak, Kazeta.eus-ek dioenez.

 

 

 

Mediabaskek Twitter bidez zabaldutako irudi honetan ere pertsona bat ageri da lurrean, negar-gasaren ondorioz:

 

Lan Legearen kontrako manifestazioan 1.000 lagun inguru bildu dituzte sindikatuek Lapurdiko hiriburuan. Bestalde, goizeko ekintzaren ondorioz atxilotutako lagunei sostengua emateko elkarretaratzea egin dute Baionako komisaldegian.

 

Txetx Etcheverry jipoitu du poliziak

Txetx Etcheverry Biziko militanteak atxiloketak izan diren unean poliziarengandik jipoia jasan duela salatu du kolektiboak ARGIAra bidalitako ohar batean.

Bizik azaldu duenez, Etcheverry lurrean zela birritan jo dute poliziek hanketan eta sorbaldan, eta aurpegia eta burua zapaldu diote, haietako batek bere kontrako oihuak jaurtitzen zaituen bitartean. Komisaldegian mediku batek Etcheverry hartatu behar izan du erasoaren ondorioz eta jasandako zaurien berri jaso du. 


Kanal honetatik interesatuko zaizu: Frantziako Lan Erreforma
Frantziako pentsio erreformaren aurkako grebak gero eta sektore gehiagoren babesa lortu du

Pentsioen erreforma kontserbadoreak eragindako herri mugimenduen grebak 44 egun bete ditu, eta milioitik gora pertsonako manifestazioak antolatu dituzte. Grebaren aldeko elkarretaratzeetan eta deialdietan izan den polizien indarkeria salatu dute.


2018-04-19
Ipar Euskal Herrian Macronen politikaren aurka protestan ari dira

Frantziako Estatuko presidente Emmanuel Macronek SNCF trenen enpresa publikoaren erreformaren aurka manifestazioak izan dira Ipar Euskal Herrian. Trenbideetako langileak, energiaren alorrekoak eta funtzionarioak atera dira kalera.


2017-09-26 | Mikel Asurmendi
Garraiolarien greba-txanda, traba handia Macronen martxan

Irailean, hainbat greba, manifestaldi eta mobilizazio iragarrita zeuden Frantzian, eta langileria erantzuten ari da. Atzo, garraiolariek gogor egin zuten Lan Kodearen erreformaren aurka. Garraiolariek erregaien geltokietan ondorio latzak eragin litzakete... [+]


2017-09-21 | Mikel Asurmendi
Mugarik gabeko ekimenak Santiago zubian Lan kodearen aurkako protestetan

Biriatuko autobideko ordainlekuan egindako protestekin abiatu dira Lan erreformaren aurkako ekimenak. Mobilizazio bateratua hasi aitzin, sindikatu batzuetako kideek ordainlekua blokeatu dute eskubide sozialak aldarrikatuz.


2017-09-21 | Mikel Asurmendi
Lan erreformaren aurkako mobilizazioek Hendaia eta Irun lotuko dituzte gaur goizean

Frantziako lehen ministroaren bisita iragarria bazen ere, Edouard Philippe ez da Hendaian izango. Haren ordez, estatu idazkari Julien Denormandie espero dute Herri txikien XX. Biltzarrean. Sindikatuek antolatutako mobilizazioek indarrean segitzen dute.


Eguneraketa berriak daude