Lan erreformaren aurkako mobilizazioek Hendaia eta Irun lotuko dituzte gaur goizean

  • Frantziako lehen ministroaren bisita iragarria bazen ere, Edouard Philippe ez da Hendaian izango. Haren ordez, estatu idazkari Julien Denormandie espero dute Herri txikien XX. Biltzarrean. Sindikatuek antolatutako mobilizazioek indarrean segitzen dute.


2017ko irailaren 21an - 08:00

Lan Kodearen erreforma salatzeko manifestazioak ez dira Estatu osoan geratu. CGT, FSU eta Solidaires, CFDT, baita LAB euskal sindikatuaren ekimenak espero dira gaur Hendaia eta Irun artean.

Lapurdi eta Gipuzkoa lotuko dituen manifestazioek goizeko 11.30etan abiatuko dira Joncaux industria eremutik. CGTren helburua, hil honen 12an Baionako jende kopurua gainditzea da. Orain arteko mobilizazioen balorazio baikorra egin du CGT sindikatu frantziarrak, alabaina, tentuz eta arduraz manifestatzera deitu du .

LAB sindikatu abertzaleak bere alde, tokiko aldarrikapenak eginen ditu ordu bat lehenago abiapuntu berean. CFDT sindikatuak bere alde, Santiago zubian deitu ditu bere jarraitzaileak 12:00etan.

Herri txikien XX. Biltzarra Irungo Ficoba azokan eginen da ordu horretan. Frantziako 300 hautetsik Frantziako “metropoliaren eta gainerako lurraldearen arteko harremana” gaia landuko dute. Lurraldeen arteko kohesioa hobeto koordinatzea da Frantziako Gobernuaren xedea. Julien Denormandie hainbat diputatuk lagundua izanen da. Hauekin batera, Frantziako auzapezen elkarteko François Baroin, Hendaiako Kotte Ecenarro auzapeza eta Akitania Berriko lehendakari Alain Rousset izanen dira.


Kanal honetatik interesatuko zaizu: Frantziako Lan Erreforma
Frantziako pentsio erreformaren aurkako grebak gero eta sektore gehiagoren babesa lortu du

Pentsioen erreforma kontserbadoreak eragindako herri mugimenduen grebak 44 egun bete ditu, eta milioitik gora pertsonako manifestazioak antolatu dituzte. Grebaren aldeko elkarretaratzeetan eta deialdietan izan den polizien indarkeria salatu dute.


2018-04-19
Ipar Euskal Herrian Macronen politikaren aurka protestan ari dira

Frantziako Estatuko presidente Emmanuel Macronek SNCF trenen enpresa publikoaren erreformaren aurka manifestazioak izan dira Ipar Euskal Herrian. Trenbideetako langileak, energiaren alorrekoak eta funtzionarioak atera dira kalera.


2017-09-26 | Mikel Asurmendi
Garraiolarien greba-txanda, traba handia Macronen martxan

Irailean, hainbat greba, manifestaldi eta mobilizazio iragarrita zeuden Frantzian, eta langileria erantzuten ari da. Atzo, garraiolariek gogor egin zuten Lan Kodearen erreformaren aurka. Garraiolariek erregaien geltokietan ondorio latzak eragin litzakete... [+]


2017-09-24 | Juan Mari Arregi
"Munduko alferrok, batu zaitezte"

Milaka langile, frantziar zein euskaldun, kalean erakusten ari dira greba eta manifestazioekin Macronek Frantziako Estatu osoan inposatu nahi duen lan erreformaren kontra daudela.


2017-09-21 | Mikel Asurmendi
Mugarik gabeko ekimenak Santiago zubian Lan kodearen aurkako protestetan

Biriatuko autobideko ordainlekuan egindako protestekin abiatu dira Lan erreformaren aurkako ekimenak. Mobilizazio bateratua hasi aitzin, sindikatu batzuetako kideek ordainlekua blokeatu dute eskubide sozialak aldarrikatuz.


Eguneraketa berriak daude