Blagan euskara elkartea aurkeztuko dute Hondarribian ekainaren 10ean

  • Aurkezpena ekainaren 10ean egingo dute, Bertsorik gabeko bertso saioa izeneko ekitaldi umoretsuan.


2016ko ekainaren 09an - 09:51
Dagoeneko abian den elkartea ekainaren 10ean aurkeztuko dute jendaurrean.

Joxerra Garzia gai jartzaile izango da eta herriko hainbat pertsona bertsolari lanetan jarriko dituzte. Tartean izango dira baserritarrak, arrantzaleak, idazleak, margolariak, irakasleak, historialariak eta kirolariak. Kike Amonarriz luxuzko gonbidatua izango da.

Hitzordua ekainaren 10ean, 19:00etan, Itsas Etxeko auditorioan.

2015eko irailean egin zuten eratze batzarra. Aurreko hilabeteetan herriko 4-5 euskaltzalek Hondarribian euskararen erabileraren kezka agertu zuten eta euskaltzale gehiagorekin hainbat bilera egin ondoren elkartea sortzea erabaki zuten. Elkartea sortzeko prozesuan Euskaltzaleen Topagunearen laguntza izan dute.

Topaguneak urtarrilean antolatutako Topaldia jardunaldietan Mikeldi Zeberiok Blagan euskara elkarte sortu berriaz hitz egin zuen. PDFan dago bere hitzaldia eta ondoren duzue bideoan jasoa.

 


Kanal honetatik interesatuko zaizu: Euskalgintza
Hizkuntza politika "sendoak" eskatu dizkie euskalgintzak instituzioei

Baionan egin dute agerraldia euskalgintzako 25 bat eragilek maiatzaren 15 honetan. Erakunde publikoen interpelazioaz gain, datorren urteko maiatzaren 15etik 25era iraganen den Euskaraldiaren berri emateko unea ere izan da.


2024-05-10 | Antxeta Irratia
Udalerri euskaldunen eguna ospatuko dute Lesakan maiatzaren 18an

"Zubiak zeharka” lemapean, egun osoko egitaraua prestatu dute UEMA eguna ospatzeko. Herriko eragile guztiek hartu dute parte programaren prestaketan eta ekimen herrikoi eta partehartzailea izatea lortu dute horrela.


2024-05-09 | Hala Bedi
Gasteiz Antzokia babesteko plataforma sortu dute

Gasteiz Antzokia "lehenbailehen" martxan jartzeko eskatu dio udalari Gasteiz Antzokiaren Aldeko Plataformak, eta Lazarraga elkartearentzat zein euskalgintzarentzat "errespetua" galdegin dute.


Milaka lagun batuko dira Nafarroaren Egunaren kari Baigorrin igandean

Egitarau aberatsa muntatu du beste behin Basaizea elkarteak: bertsolariak, dantzariak, gaiteroak, txarangak, herri bazkaria, merkatua eta kontzertuak. "Folklorismotik haratago", euskararen zilegitasuna aldarrikatuko dute Baigorritik apirilaren 28an.


Oskar Zapata (Topagunea)
"Euskarak aurrera egin dezan aliatu berriak behar ditugu"

Nafarroa Garaian euskararen aldeko jarrera gero eta handiagoa izan dadin ildo diskurtsibo berriak proposatu ditu Euskaltzaleon Topaguneak


Eguneraketa berriak daude