Ostiralean estreinatuko dute ‘Bizkarsoro’ filma Euskal Herriko zazpi lurraldeetan
Gasteizen, Durangon, Tolosan, Baionan, Donibane Garazin, Altsasun eta Maulen emango dute. XX. mendean fikziozko Bizkarsoro herrian euskaldunek jasandako jazarpena kontatzen du filmak.
aurre egingo dieten hedabide independenteak
Asteartean Durangon aurkeztu ostean, ostiralean estreinatuko dute Bizkarsoro filma Euskal Herriko zinema-aretoetan. Estreinaldia aldi berean izango da zazpi lurraldeetan: Gasteizen, Durangon, Tolosan, Baionan, Donibane Garazin, Altsasun eta Maulen.
XX. mendeko euskaldungoaren historia kontatzen du Josu Martinezek zuzendutako Bizkarsoro-k. Euskararen eta euskaldunen aurkako jazarpena eta zapalkuntza jorratzen ditu filmak, eta istorioa filmaren izenburua hartzen duen Bizkarsoro fikziozko herrian kokatzen da. Martinezek eta filmeko komunikazio arduradun Gotzon Barandiaranek adierazi dute “Euskal Herriko edozein herri” izan daitekeela Bizkarsoro: “Edonor identifikatuta sentitu daiteke pertsonaiaren batekin edo egoera batekin”.
2023ko irailaren 27an estreinatu zuten Donostiako Zinemaldian, Zinemira sailean Antzoki Zaharrean. Proiektua duela bost urte abiatu zen, eta urtero pelikularen zati bat grabatu dute. Filma ere bost zatitan banatzen da, Bizkarsoro herriaren bost garai ezberdinetan, alegia. Barandiaranek azpimarratu du filmaren helburua “euskaldunok gai honi buruz hitz egitea” dela, eta nabarmendu du “oso garrantzitsua” dela Euskal Herriko historiari eta orainari buruz hitz egitea, euskarak jasandako zapalkuntza ikustarazteko.
Horretarako, adierazi du filmaren emanaldi bakoitzean dinamizatutako solasaldiak eskaini nahi dituztela. Harremanetan jartzeko, formularioa betetzeko eskatu dute; informazio gehiago bizkarsoro.eus webgunean.
Zapalkuntza istorio bat
Irailean, Gorka Peñagarikanok ARGIAn filmari buruzko erreportajea egin zuen. Bertan, Manex Fuchs aktoreak adierazi zuen filmak kontatzen duen historia “trauma bat” dela: “Pelikulan kontatzen dena da herri honek bizi duen trauma horretatik nola izaten segitzen ahal dugun”. Martinez zuzendariak filmaren helburuak adierazi zituen: "Euskararen historia zapalkuntza istorio bat da, eta hori jakin behar da transmititzen. Beharbada, horretan asmatuko bagenu, eta fikzioak horretan lagundu badezake primeran, agian jende gehiagok ulertuko du zergatik merezi duen euskaldun izatea”.
ARGIAk azala eskaini zion Bizkarsoro pelikulari 2839. alean.
.jpg)
Euskarazko ekoizpenek presentzia nabaria izango dute aurtengo edizioan. Bestelakoen artean, espektatiba handiko lan eta gonbidatuak izango dira Donostian: George Clooney protagonista duen Jay Kelly pelikula; Angelina Jolie ere ikusiko dugu Couture-rekin; Julliete Binoche... [+]
Sail Ofizialean erakutsiko dira hiru: Maspalomas, Karmele eta Zeru ahoak. Lehia nagusitik kanpo, zuzendari onenaren saria irabazten ahaleginduko da Irati Gorostidi Aro berria pelikularekin. Beste zenbait lan ere aurkitu ahalko dira.
Zinemaldiaren atariko orokorra beste [+]
Astelehenean jakinaraziko dituzte ordutegiak, eta hilaren 14an, igandean, jarriko dituzte salgai lehen egunetako sarrerak. 254 film egongo dira ikusgai, 56 herrialdetakoak.
Zinemagile iruindarrak, ibilbide labur baina baliotsua egin zuen zinemagintzan 1970eko eta 1980ko hamarkadetan, zuzendari lanetan emakumerik apenas zebilenean. Irrintzi lanarekin garai hartako errepresioa islatu nahi izan zuen, eta Ikuska proiektuan euskal emakumeak erretratatu... [+]
Sara Fantova zinemagile bilbotarraren Jone, batzuetan filma zinema aretoetara helduko da irailaren 12an. Pelikula komunitarioa sortu du Kaskagorri eta Kranba konpartsekin, Bilboko Aste Nagusian girotuta baitago amodioa, jaia, gaixotasuna eta zaintza ardatz dituen istorioa.
Jose Manuel Gorospe Meagas aktore eta kultur ekoizle donostiarra zendu da, 81 urterekin, Madrilen. Bizitza osoa antzerkiarekin eta ikus-entzunezkoen munduarekin era batera edo bestera lotuta pasatu zuen Gorospek, eta, besteak beste, Euskadiko Filmategiaren sortzaileetako bat... [+]
IB3 telebista publikoaren neurria "katalanaren aurkako erasotzat" jo dute katalanaren normalizazioaren aldeko zenbait eragilek, eta "berehalako zuzenketa" eskatu dute. Zuzendaritza aldaketa izan da berriki kate publikoan, PP eta VOXen botoei... [+]
Chantal Akerman zinegile eta lankidea hil eta hamar urtera, haren ondarea zabaltzen buru-belarri jarraitzen du Claire Atherton muntatzaileak. Gaurkoan, ordea, Athertoni bere ibilbideaz galdetu nahi izan diot bereziki. Gasteizen, Artium museoko areto batean hartu gaitu,... [+]
30 urte baino gehiago daramatza Zero Chou zinemagile taiwandarrak istorioak kameraren atzetik kontatzen, bai zinemarako, bai telebistarako. Aurten, Zinegoak jaialdiaren 22. edizioko ohorezko saria jaso du.
Bilboko LGTBIQ+ zinema eta arte eszenikoen Zinegoak jaialdiak 2025eko edizioko sariak iragarri ditu. Between Goodbyes eta Alma del desierto dokumentalak izan dira palmaresaren irabazle nagusiak.
Zinema eta arte eszenikoen LGTBIQ+ jaialdia Bilbon ospatuko dute ekainaren 23tik 30era,50 jarduera baino gehiagorekin.
'Ehun metro', Zergatik panpox', 'Hamaseigarrenean aidanez' eta 'Oraingoz izen gabe' dira zaharberritzen ari diren lanak. Zinemaldiko Klasikoak sailean ikusi ahalko dira.
Iratxe Sorzabalek sufritutako torturen gaineko testigantzak jasotzen ditu dokumentalak. Maiatzaren 20an emango dute dokumentala, 23:40an. Iaztik dago Primeran plataforman ikusgai, baina lehen aldiz emango dute telebistan.
2024ko urtarrilaren eta uztailaren artean Gazan filmaturiko 22 film laburrez osatua da From Ground Zero filma. Rashid Masharawi palestinar zinegilea dugu egitasmoaren oinarrian, eta 2023ko urriaren 7az geroztik Gazari buruz entzuten diren zenbakiei aurpegiak jartzeko asmoz lotu... [+]
Asteazkenetik aitzina Ipar Euskal Herrian, eta ostiraletik Hego Euskal Herrian; film oso gutxi estreinatzen dira horrela zinema aretoetan. Halaxe egingo du asteon Faisaien Irla-k. Fikzioa baitira mugak, horrela dio Asier Urbieta (Errenteria, 1979) zuzendariak: ez dira... [+]