ARGIA.eus

2020ko uztailaren 11

Bizikletaren erabilerak motorrarena gainditu du EAEn

  • EAEn bizikletaren erabilerak gorakada handia izan du azken urteetan: 2011n bizikletaz eginiko ia 117.000 joan-etorri erregistratu ziren, motorren erabilera gaindituz.

Lide Hernando @lidehernando
2013ko maiatzaren 06a
Hirietako azpiegiturak bizikletaren erabilerara oraindik gehiago egokitu beharra dagoela azpimarratu du Oregik (argazkia: irekia.euskadi.net)

 Hala esan du Eusko Jaurlaritzako Ingurugiro eta Lurralde Politikako kontseilari Ana Oregik larunbatean emandako hitzaldi batean.

Hitzaldia Gasteizen izan da, Espainiako Estatuan egin ohi den Bizikleta eta Hiria kongresuaren hamargarren deialdian. Oregi Javier Maroto alkatearekin, Marta Ruiz Ingurumen eta Hirigintza Saileko diputatuarekin eta Bizikleteroak elkarteko zuzendari Ana Zugazagoitiarekin agertu da. “Krisi egoera baliatu behar dugu hiriko bizimoduan aurrerapauso bat emateko. Hirietan, izan ere, mugikortasun jasangarria ezinbestekoa da”.

“Gasteizen aurrerapauso asko egin ditugu, baita gainontzeko hiriburuetan ere. Gure hiriburuko Eraztun Berdea, Donostiako Sagüesetik Haize Orrazirainoko ibilbidea edota Bilboko Abaindoibarrakoa bezalakoak ugaritu beharko lirateke”, gehitu du kontseilariak.

EAEn garatu den kontzientzia berdea hein batean bizikletaren erabileragatik eman dela esan du Oregik. “Gure seme-alabak bizikletak euren bizitzaren parte izanik jaio dira, eta maiztasunez eta gogotsu erabiltzen dituzte”, gaineratu du. EAEko biztanle guztien bizitzaren parte izan daitezen, azpiegiturak oraindik gehiago egokitu beharra defendatu du.

“Bizikletaren erabilerak, oinez ibiltzeak eta garraio publikoak hiriko joan-etorrien oinarrian egon beharko lukete” esan du kontseilariak.

Igandean, bestalde, Bizikleteroak elkarteak antolatutako bizikleta martxa egin da Gasteizen, garraio horren erabilera sustatzeko. Oregik ere parte hartu du bertan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Bilbo  |  Ingurumena

Bilbo kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude