ARGIA.eus

2021eko azaroaren 30a

Bizikletak birziklatzeko eta konpontzeko tailerra zabaldu dute Irunen, mugikortasun jasangarria aldarri

  • Oinezkoak, txirrindulariak eta garraio publikoa lehen lerroan jartzeko borrokan bost urte daramatzan Irun-Hondarribiko Balazta elkarteak urrats berri bat eman du: lokala lortu eta bizikleta zaharrak berritzeko eta norberak berea konpontzeko tailerra ireki du, bazkide sistema oinarri eta “mugikortasun jasangarrirako trantsizioan" aurrerapauso.

Mikel Garcia Idiakez @mikelgi
2021eko azaroaren 09a
Argazkia: Balazta

“Txirrindularien segurtasuna defendatuz eta bizikletaren erabilera sustatuz” 2016tik darama Balazta Bidasoako bizikletaren aldeko elkarteak. Hiri ereduek autoaren nagusitasuna alboratu eta bestelako mugikortasun bat bultzatu dezaten borrokatzen eta udalekin eztabaidatzen segitzen du, Hendaia, Irun eta Hondarribia Txingudi badiako hiru herrien arteko bizikletazko lotura egunen batean ikusteko esperantzaz.

Ehun bizikleta

Orain, Irungo Udalak utzitako egoitza baliatuz, bizikleta zaharrak berritzeko proiektua eta bizikletak konpontzeko tailerra jarri dute martxan, baita piezak merke eskuratzeko edota bigarren eskuko bizikletak lortzeko aukera ere. Ehun bizikleta zahar inguru dituzte jada, handik eta hemendik lortuak, birziklatzeko eta bizitza berri bat emateko.

Bazkidetza sistema du oinarri Balaztak, eta urtean 20 euro ordainduta baliatuko du txirrindulariak tailerra (urtean 10 euro langabea edo ikaslea izanez gero).

Ez da Irungoa mota honetako proiektu bakarra. Hainbat herritan abiatu dituzte bizikletak autonomoki edo beste bazkideen laguntzaz konpontzeko eta elkarren artean ikasteko tailerrak. Esaterako, bigarren eskuko bizikletak berreskuratzen esperientzia badu Hendaiako Recy’clarte elkarteak, eta harekin hartu-emana indartu nahi du Balaztak.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Mugikortasuna  |  Txirrindularitza  |  Hondarribia  |  Hirigintza  |  Irun  |  Hendaia

Mugikortasuna kanaletik interesatuko zaizu...
2021-10-21 | Jon Torner Zabala
Eskolara 'bizikleta-autobusean', Bartzelonan haur eta heldu ugari erakarri duen ekimena

"Gauza berezia ari da gertatzen Bartzelonan [Eixamplen]. Pasa den hilean hasi ziren eskolara bizikleta-txangoak antolatzen, bost umerekin. Egun, auzo osoak ari dira batzen. Bicibús deitzen diote".


2021-10-10 | Ula Iruretagoiena
Lurraldea eta arkitektura
Autorik ez, eskerrik asko

Urtero bezala, Nazioarteko Mugikortasun Astea ospatu berri da Europako hirigune askotan. Aurten mugikortasun eredu jasangarria izateko aldarrikapen leloari osasungarri hitza gehitu zaio: “Zure osasunaren alde, autorik gabeko eguna”. Azken urtean nagusitu den etxearen... [+]


Bilbo puntatik puntara oinez eta oztoporik gabe zeharkatzeko oinezkoen sarea eratu dute

Bilbo irisgarriagoa oztoporik gabea. Oinezkoentzako Bilbo, dibertsitate funtzionala duten pertsonentzat egokitutako ibilbideekin. Hiri berdeago bat, hobeto konektatua. Hiri bat, azken batean, hiri gehiago.


2021-06-24 | ARGIA
3.000 sinadura hamar egunetan, kamioiak N-121-A errepidetik atera ditzatela eskatzeko

Belateko tunela igarotzen duen N-121-A errepidearen inguruan sorturiko herri plataformak Nafarroako Gobernuari eskatu du kamioien trafikoa Leitzarango autobiatik desbideratu dezala. ikerketa bat egin du eta 2020an istripu hilgarrien %25 errepide horretan gertatu zen.


2021-06-15 | Argia
Txirringudariak, festa giroan mugikortasun eredu jasangarria aldarri

Hilero, arratsez bizikleta, patin eta patinete gainean ateratzen da herritar talde bat Iruñean, hiriarentzako bestelako mugikortasun eredu baten alde. Musika eta dantza lagun dutela egiten dute protesta, baina isunak eta identifikazioak jaso izan dituzte, kalea... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude