Greenpeaceko 55 kide epaitu dituzte Frantziako Colmar hiriko auzitegian, aurtengo martxoan Fessenheimeko zentral nuklearrean protesta ekintza bat egiteagatik. Bete beharko ez duten bi hilabeteko espetxe zigorra ezarri die epaileak denei.
Talde ekologistako militanteek instalazio nuklearren segurtasun falta salatu nahi izan zuten. Martxoaren 18an Frantziako Estatuko zentralik zaharrenean sartu ziren –1977tik dago zabalik–, eta euretako hogei erreaktoreetako baten gainera igo eta pankarta bat jarri zuten, Stop risking Europe! (Utzi Europa arriskuan jartzeari!) testuarekin.
Poliziak ekintzaile guztiak atxilotu zituen. Gehienak alemaniarrak ziren –Fessenheimeko zentrala Alemaniako mugatik oso gertu dago–, baina baziren beste hamazazpi herrialdetakoak ere. Epaiketan hiru besterik ez dira izan.
François Hollande Frantziako presidenteak hitz emana du 2016 amaieran itxiko duela zentrala. Greenpeacek berehala ixteko eskatzen du, ordea. Martxoaren 18ko ekintza azaltzeko kaleratutako agirian, talde ekologistak adierazi zuen “zentralek Europari zer nolako arriskua ekartzen dioten” agerian utzi nahi izan zutela.
“30 urte irauteko egindako zentralak dira, eta bada 40 urteak bete dituenik”. Fessenheimekoak, hain zuzen, 37 urte daramatza lanean. Bere kokapena dela-eta, inguruan lurrikara edota uholdea gertatzea bereziki arriskutsua izango litzateke; gainera, zalantzan jarri izan da diseinu egokia ote duen.
Hegazkinez bidaiatzeak trenean baino bi aldiz merkagoa izaten segitzen du, bataz bestean, Europan. Aldea are handiagoa da bidaia zehatz batzuentzat: Bartzelona-Londres 30 aldiz merkagoa da hegazkinez bidaiatzea; Londres-Bratislava 15,5 aldiz; Viena-Erroma 10 aldiz... [+]
Volkswagen, BMW eta Mercedes-Benz auto ekoizleen aurka egingo dute hainbat talde ekologistek. Krisi klimatikoa elikatzen dutela leporatuta, auzitara eramango dituzte, barne-errekuntzako motordun autoak 2030erako eraikitzeari utz diezaiotela eskatuz. Wintershall Dea... [+]
Lau talde ekologistek duela bi urte abiaturiko prozesua auzitegietara iritsi da: joan den ostegunetik, Frantziako Gobernua epaitzen ari dira Parisko Epaitegi Administratiboan, klima aldaketari aurre egiteko agindutako neurriak ez betetzea leporatuta. Epaia hilabete... [+]
Konfinamendu osteko egoerari begira, garraio publikoetan jende pilaketak saihesteko asmotan auto pribatuak aukera bat direla adierazi du José Luis Ábalos Espainiako garraio ministroak. Talde ekologistak horren aurka agertu dira, Europako beste herrialde batzuen... [+]
2018ko otsailean Bahri Tabuk itsasontzi saudi arabiarraren aurkako protestan parte hartu zuten Greenpeaceko 23 ekintzailek. 200 tona arma kargatzeko asmoa zuela salatu zuten ekintzaileek, eta horietako bederatzik itsasontziaren amarretatik zintzilikatzea lortu zuten. Orain,... [+]