Bilboko zamaketariek lanaldia eten dute azken heriotzagatik protestan
Otsailaren 19an modu bortitzean lanean ari zela hil zen lankidearen heriotza salatzeko lanuztea eta elkarretaratzea egin dute Bilbo Estibako zamaketariek.
Heriotza Bilboko portuko Nemas nasan gertatu zen asteartean, goizean 11:30etan, garabi batetik zintzilik zegoen zama bapatean mugitu eta langilea jo zuenean. Momentuan bertan hil zen 43 urteko portugaletetarra, ELAn afilatua. Bilbo Estibako enpresa batzordeak –UGT, ELA eta LABeko ordezkariz osatua– elkarretaratzea deitu du heriotza salatzeko.
Jadanik, hildako zazpigarren langilea da aurten Euskal Autonomia Erkidegoan, eta LABek gogorarazi duenez Bilboko portuaren instalazioetan 2015 urteaz geroztik gertatzen den bosgarren heriotza da honakoa. Sindikatuek prekarietate eta "enpresa logika bortitzarekin" lotu dituzte halako gertaerak, eta horren atzean dauden lan baldintza kaskarrekin eta erritmo azkarrekin.
Mobilizazioak ez dira Bilboko portura mugatu, hala Pasaiako zamaketariek ere elkarretaratzea egin dute beren lankideekiko elkartasunez.
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Marka historikoak hautsi dituzte bi enpresek 2023an: Mercadonak lehen aldiz lortu du 1.000 milioi euroko irabaziak gainditzea.
Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]
Astelehen arratsean gertatu da ezbeharra, Arrasaten, hiru metroko sakonerara erorita.