Bilboko Udaltzaingoak etxekaleratze ilegala gauzatu duela salatu du AZET Etxebizitza Sindikatuak
Bilboko Udaltzaingoak legea hautsiz eta indarkeria erabiliz auzokide bat kale gorrian utzi duela salatu du Bilboko AZET Etxebizitza Sindikatuak, Blackstone funts putrearen jabetzako etxebizitza hustu ostean. Ostiralean jazo ziren gertakariak, San Frantzisko kalean, eta toki berean egin zuen agerraldia AZETek biharamunean. Blackstone funts putrearen erantzukizuna seinalatzeaz harago, erantzule politikoa Bilboko Udala dela adierazi du sindikatuak, eta hortaz, berari exijitu diote beren kidearentzat alternatiba eta aterabidea.
Bilboko Alde Zaharreko AZET Etxebizitza Sindikatuak agerraldia egin zuen larunbat goizean San Frantzisko kalean, bezperako gertakariak salatu eta erantzuleak seinalatzeko. Izan ere, azaroaren 25ean, 17:00ak aldera, Bilboko Udaltzaingoak hustea gauzatu zuen kale horretako 18. zenbakian. AZETek jakinarazi duenez, hustea biolentzia erabiliz eta modu ilegalean burutu zuten. Emandako azalpenen arabera, "uniformez jantzitako matoi talde batek gure kidearen etxeko atea bota zuen, Bilboko Udalaren aginduz; kidea identifikatu eta kale gorrian utzi zuten".
Kaleratutako auzokidea sindikatuko kidea da, eta Blackstone funts putrearen jabetzako etxebizitzatik kanporatua izan da. Zentzu horretan, ostiraleko kaleratzea inbertitzaile handiak eta funts putreak auzoan eragiten ari diren arazoaren baitan kokatu du sindikatuak, adieraziz auzo horretan aurkitu dutela "urrezko arrautzak erruten dituen oiloa". "Duela urte batzuetatik hona, ikusten ari gara nola pasatzen diren geroz eta etxebizitza gehiago subjektu hauen jabetza izatera, eta ondorioz, nola uzten dituzten geroz eta bizilagun gehiago kalean. Soilik azken hilabeteak kontutan hartuta, badakigu gutxienez hiru etxegabetze eman direla San Frantzisko auzoan, eta dozenaka pertsona beren bizitokitik kanporatu dituztela Global Pantelaria edo Blackstone bezalako funts putreek", jakinarazi dute.
Etxekaleratzearen lehen erantzuletzat jo dute "gure auzoak erosten eta gure miseriarekin irabaziak ateratzen ari den putre sarraskijalea". Alabaina, azpimarratu dute Bilboko Udala dela gertakarien erantzule politikoa, bere Poliziaren esku-hartzearen ondorio izanik kaleratzea. Bilboko Udalak aurrera daraman "pobreen aurkako gerraren baitan" kokatu dituzte gertakariak, "zehazki, egoera zaurgarrienean aurkitzen diren horien aurkako gerraren baitan", egoera irregularrean dauden gazteei erreferentzia eginez. Izan ere, beren kidea arabiar gaztea izan ez balitz, Poliziak beste modutara jardungo zukeela seinalatu dute, hainbesteko segurtasunik eta zigorgabetasunik gabe. "Beraiek izan ziren, aurrean zeukatena pertsona gazte eta migratzailea zela ikustean, gure kidea kaleratzeko legeak nahieran hautsi zituztenak; nazi koadrila baten biolentzia berarekin. Beraiek izan ziren agindu judizialik gabe, irekitako prozedurarik gabe, modu biolento eta kriminalean atea ostikadaka botatzea erabaki zutenak". Hori esanda, arrazakeria instituzional eta Poliziaren supremazismo adierazletzat jo dituzte gertakariak.
Agerraldia itxi zuten Bilboko Udalari exijituz ostiraletik kale gorrian aurkitzen den auzokidearentzat aterabidea eta alternatiba bat.
https://twitter.com/AlertaIrratia/status/1596493307638874115?s=20&t=ySnRTOuVcXDqCnUJNxDK9Q https://twitter.com/AlertaIrratia/status/1596493307638874115?s=20&t=ySnRTOuVcXDqCnUJNxDK9Q
??Bilboko herritar bat agindu judizialik gabe eta indarkeriaz etxegabetu dutela salatu du.
AZET Sindikatua @AzTaldea pic.twitter.com/UgZDP2FlLR
— Alerta Gorria Irratia (@AlertaIrratia) November 26, 2022
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
10:00etan etxegabetzea gauzatzeko agindua zuen Poliziak, baina lehenago bertaratu dira sei patruila emakumearen etxera eta inguruko kale guztiak moztu dituzte. Haritu Elkarlaguntzako Sareak eginiko deiari erantzunez, dozenaka lagun elkartu dira etxearen aurrean etxegabetzea... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.