Bilboko Mujika Eskolak kalejira egingo du, Udalak haien eskaerak aintzat har ditzala eskatzeko

  • Bilboko Alde Zaharreko ikastetxeak dituen hainbat arazoren aurrean Udala luzamendutan ari dela diote gurasoek. Hori horrela, “Mujika Eskolaren alde, Udala entzun” lelopean kalejira egingo dute asteazkenean, 16:15ean, ikastetxetik Udaletxeraino. Eskolan bertan entseatzen duten txistulariek eta batukadak girotuko dute ibilbidea.

ARGIA @argia
2018ko ekainaren 13a
Mujika Eskolako mendeurrenaren ospakizuna (Argazkia: Borja Guerrero)

Arazoei bide emateko batzorde bat sortu dute, eta horren izenean gutun bat helarazi diete alkate eta zinegotziei. Erantzunik jaso ez dutenez, gurasoek, banan-banan, gutuna erregistratu dute Udalean.

Udalarekin bilkuretan ere badabiltza. Urrutira joan barik, ekainaren 6an Koldo Narbaiza Euskara eta Hezkuntza Saileko zinegotziarekin eta Jone Unzueta Bilboko Udaleko Euskara eta Hezkuntzako zuzendariarekin bildu ziren Udaletxean. Hainbat arazoren artean, espazio falta konpontzeko ikastetxe ondoko eraikinaren beheko solairua ikastetxeari berari uzteko aukeraz aritu ziren. Gurasoek katastroan frogatu zutenez, beheko solairuko lokala Udalarena eta Eusko Jaurlaritzarena da, eta urteak daramatza hutsik. Iaz Juan Mari Aburto alkateak kontuan hartzeko aukeratzat jo zuen lokala ikastetxeak erabiltzea, baina erabilera horri ezezkoa eman dio Unzuetak, “prozesu judizialean” dagoela argudiatuz. 

Beste hainbat arazo ere badituzte Mujika Eskolan. Batetik, kanpoko patiorik ez daukate, eta eskolara sartzeko ordua denean, Udaltzainen presentziarik ez bada, ibilgailuak pasatzen dira bertatik, umeak arriskuan jarriz. Bestetik, itokinak dituzte, eta euria ari duenean putzuak sortzen dira. Beroa egiten duenean berriz, sabaia uralitazkoa denez, 37 gradutan egotera heltzen dira; haurrak ureztatzen aritu behar izaten dute irakasleek. Espazioari dagokionez, matrikulazio kopuruak gora egin du eta estu dabiltza; haurrak geletan eta jantokian sartzeko arazoak dituzte. Jantokian, berez bi txanda egin beharko liratekeen arren, hiru txanda egiten dituzte, ikasleei jateko denbora nabarmen murriztuz eta “lauren tokian sei ume sartuz”.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Hezkuntza  |  Bilbo

Hezkuntza kanaletik interesatuko zaizu...
Eskola jantokiak, noren ardura?

Sukaldeak errekuperatu, elikadura egokia bermatu, balio hezitzaileak transmititu. Asko dira hezkuntzako eragileek jantokietako zerbitzuak hobetzeko dituzten eskariak. Ez daude konforme catering enpresa handiek kudeatutako orain arteko ereduarekin, baina ezta Eusko Jaurlaritzako Hezkuntza Sailak urtarrilean egindako proposamenarekin ere: 2019-2020 ikasturtetik aurrera, hala nahi duten EAEko guraso elkarteek aukera izango dute ikastetxeko jantoki zerbitzua zuzenean kudeatzeko.


Lorea Argarate. Egin eta ekin
"Roomba xurgagailuak zure etxeko planoa eskaneatzen omen du eta Ikeari saldu"

Lerro paraleloak, elkarrengandik gertu-gertu joan arren, ez dira inoiz elkar gurutzatzen, eta lerro elkarzutek, berriz, behin ukitzen dute elkar, eta betiko banatzen dira gero. Lorea Argaratek, ordea, ezinezko geometrikoa lortu du. Bere bizitza ardazten duten lerro paraleloak batu ditu, bere hiru pasioak uztartu: musika, teknologia eta hezkuntza.


2019-02-21 | Zero Zabor
Zubietako '0 eremuan' dagoen Landaberri ikastolak ere GuraSOSen manifestaziora joateko deia egin du

Zubietan eraikitzen ari diren erraustegi berritik 500 metrotara dagoen Landaberri ikastolako guraso, ikasle eta irakasleek bat egin dute larunbat arratsalderako –otsailak 23– GuraSOSek antolatu duten manifestazioarekin, ikastolako atarian egindako argazi masibo bat zabalduz.


Zorionak, Seaska!

Elkarlanetik sortu eta bizi da Seaska, Ipar Euskal Herriko ikastolen elkartea. Ospakizunetan da: 50 urte bete ditu aurten. Larunbateko ekitaldiak Euskal Herriko hainbat txokotako jendea erakarri zuen Miarritzera. Ia 5.000 lagun inguru bildu ginen Iraty Aretoan, eta bigarrenez zorionak Seaskari, antolakuntza paregabea izan zelako.


2019-02-17 | Edu Zelaieta Anta
Eskatologiaren argitan

Amari zor diot pasartea. Gaztelaniaz. Gasteiz erdialdeko familia batean gertatua omen zen; zehazkiago, ama baten eta alaba baten artean. Kontua da, halako batean, ama hura etxeko komun batean sartu zela eta bertako tapa altxatzean kaka arrasto nabarmena aurkitu zuela. Hogeitaka urteko alaba sartua omen zen komunean minutu batzuk lehenago eta, beraz, harena omen zen obra. Nolatan ez zuen garbitu galdetu zion amak alabari, eta gazteak erantzun omen zuen ea zertarako kontratatua zuten garbitzaile... [+]


Autoerregulazioa, autogobernua, autodeterminazioa

Autorregulazioa eta direktibismoa, haurtzaroa zaintzeko eta heziketa ulertzeko existitzen diren bi paradigma nagusiak dira. Heziketari loturik ezagutzen ditugu batez ere bi kontzeptuak, baina bizitzeko modu gisa ere uler litezke, heziketa ez baita haurrak egoki hezitzeko hautatzen dugun teknika bat, haurrekin erlazionatzeko helduok dugun harremana baizik. Nik bizitzearen sinonimo gisa irudikatzen dut heziketa, bizitzeko gure moduak inguruko haurrengan duen efektuaren zentzuan. Hori baino ez,... [+]


2019-02-15 | Hala Bedi
Gasteizko Herri Unibertsitateko itxialdia debekatu du EHU-k

Gasteizko Errektoreordetzak eta Dekanotza taldeak Herri Unibertsitatean aurrera eraman ohi diren itxialdiak debekatu ditu. 1.700 sinadura bildu dituzte eta astelehenean mobilizazioa egingo dute debekua salatzeko.


Otsailaren 22an euskal langileria Tolosara!

Duela hilabete, Tolosaldeako Autodefensa Sareak (TAS) Tolosako Orixeko Institutuan ikasleen intereseko ebaluazio irizpideen aldeko borroka abiarazi zuen; historia zein euskarako irakasgaien ebaluazio metodologiari dagozkion zenbait irizpide aldatzea helburu duena. Denbora honetan zehar ordea, zuzendaritza zein irakasleen partetik mehatxu, zigor eta oztopoak jasan behar izan dituzte bertako ikasleek, dinamika hau martxan jartzearen ondorioz.


2019-02-14 | ARGIA
Euroligako lauko finala Gasteizen
Prekarietatea salatzeko EHUren aurkako ekintza

Ernai erakundeak Gasteizko EHUren campuseko Errektoreordetzaren aurkako ekintza burutu du, salatzeko unibertsitateak Gasteizko Lauko Finalean doan lan egitera animatu dituela ikasleak. Ekintzaren bidez, larunbatean prekarietatearen kontra Bilbon egingo den manifestaziorako deia egin du Ernaik.


Azkenak
EGILEA
Eguneraketa berriak daude