Batallon Vasco Español talde paramilitar espainiarrak 1980. urteko otsailaren 1ean Yolanda Gonzalez deustuarra bahitu eta erail zuen Madrilen. Erailketaren 40. urteurrenean Deustuibarrako Auzo Elkarteak, Bekoerri Kultur Elkarteak eta Bizinahi Auzo guneak omenaldia antolatu dute urtarrilaren 31n, ostirala, Deustuko Erriberan.
Datorren otsailaren 1ean 40 urte beteko dira Batallon Vasco Español erakunde paramilitarrak Yolanda Gonzalez, 19 urteko deustuarra, bahitu eta erail zuenetik. Urtarrilaren 31n Yolanda eta bere familia omentzeaz gain, otsaila osoan zehar ikusgai egongo den "1980-2020 Yolanda Gonzalez gogoan" erakusketa antolatu dute Deustuko Erribera eta Zorrotzaurreko Auzo Elkarteak eta Bekoerri eta Bizinahi kultura elkarteek.
Egitarauari dagokionean, ostiralean arratsaldeko 18:00etan omenaldia egingo da Deustuko Erriberako Yolanda Gonzalez plazatxoan. Horrekin batera Yolandari eskainitako mural berria ere inauguratuko dute. Ondoren, 18:30ean Bizinahi Auzo Guneko bigarren pisuko erakusketa aretoan hilketaren inguruko hamaika panelez osatutako erakusketa aurkeztuko dute.
Hamaika panel horiek osatu ahal izateko, garaiko prentsak argitaratutako (Egunkaria, Gara, Deia, El Correo...) eta Lazkaoko Beneditarren liburutegian artxibatutako esku-orriak erabili dituzte. Omenaldiarekin amaitzeko, "Yolanda en el pais de los estudiantes" bideo emanaldia eskainiko dute Bizinahin baita amaitzean, askari bat ere.
Duela hamabost urte desagertu zen euskal militantea. Baionan Tolosarako (Okzitania) trena hartu eta ez zen berriz agertu. Hortik hamaika hilabeteetara atzeman zuten bere gorpua Tolosako (Okzitania) gorputegian. "Egia jakiteko eskubidea" aldarrikatu dute Anza zenaren... [+]
Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.
Gaur 30 urte Espainiako Poliziaren eskuetan hil zen Xabier Kalparsoro Golmaio militante zumaiarra. Anuk.eus webgunea zabaltzearekin batera ekitaldia egingo dute gaur, irailak 26 . Ekimena bultzatu duen Hegiak elkarteak dioenez, urteak beste zalantza daude Anuken heriotza... [+]
1993an Barne Ministro ere izendatu zuten Juan Alberto Belloch ordura arteko Justizia Ministroa zena. Orduan Guardia Zibilaren buruzagia deitu zuela esaten du El Periódico de Aragón-en egindako elkarrizketan, eta agindu zuela “sarera ihes egitea” bukatu... [+]