Ostiral honetan (19:00) konferentzia bat eta giza katea larunbatean antolatu dituzte Miarritzen. Helburua: euskal gatazkaren konponbide prozesuan aitzinatzea. Bake Bidea taldeak aditzera eman duenez elkarrizketak abiatu dira berriz ere Frantziako Gobernuarekin.
Bake Artisauek eta euskal instituzioetako ordezkariek harremanak berritu dituzte Macronen gobernuarekin. Biarritzeko Michel Veunac auzapezak ekainaren 7 eta 8rako antolatu diren ekimenen aurkezpenean esan duenez: “2019 urteak bake prozesurako erabakigarria izan behar du”.
Miarritzeko Konferentzian, hainbat biktima izanen dira –Iñaki Garcia Arrizabalaga; KAAk hil zuten bere aita. Asun Lasa; GALek hil zuen bere neba–. eta Frantziako Christiane Taubira ministro ohia –bideokonferentzia bidez–eta Michel Camdessus ekonomialaria mintzatuko dira elkarbizitzaz.
Larunbatean, berriz, elkarbizitzari buruzko konferentziaren ondoren, euskal presoen kaleratzeaz sentsibilizatzeko giza katea izanen da hiri berean, Miarritzen. Antolatzaileen esanetan hiri hau ez da kasualitatez hautatua izan.
G7 gailurra abuztuan izanen da eta hiria nazioartean ezagutuko da bereziki. Hartara, euskal jendarteak bakearen prozesuaren bidez euskal auziari konponbide duina eman diola erakutsiko nahi dute antolatzaileek estatuan eta munduan oro har.
Michel Berhokoirigoin bake artisauaren erranetan, giza kateak “presoen kateamendua islatzen du, baita kateatze morala ere, gainditu behar dugun sufrimendua”. Baionako Jean-René Etchegaray auzapezaren hitzetan, berriz, “armak isildu dira, baina kontzientziak ez dira bakean”.
Ostiral honetako topaketa mintzaldia 19:00etan hasiko da itsasbazterreko Bellevue eraikinean. Giza kateak Hotel du Palais eta Rocher de la Vierge lotuko ditu larunbatean.
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Xabier Atristain eta Juan Manuel Inziarte euskal presoak Martuteneko espetxera itzuli ziren joan den martxoaren 13an, Auzitegi Nazionaleko Espetxe Zaintzak haien hirugarren graduei fiskaltzak jarritako helegitea onartu ondoren.
Otsailaren 2an epaituko dituzte beste hamaika bakegile, uztailaren 23an autopista blokeatzeagatik. Elkarretaratzera deitu du Bake Bideak, datorren ostegunean 13:00tan jarriz hitzordua Baionako auzitegi aitzinean.
Etxera bidea gertu lelopean manifestazio bateratua egingo dute Sarek eta Bake Bidea-Bakegileek, pandemiagatik bi urtez mobilizazio jendetsu hori egin gabe egon ostean. “Duintasuna eta bizikidetza lortzeko itxaropena” ere izango dituzte aldarri, euskal presoen... [+]