Bi abertzale Pauen
EH Bairen ordezkari, Annie Poveda urruñarra eta Iker Elizalde hendaiarra sartu dira Pirinio Atlantikoetako departamenduko kontseilura, Hendaia-Euskal Kostaldea kantonamenduan gailendurik. Ezkerreko abertzaleen koalizioa, botoen %52,9 lorturik, garaile atera da hauteskundeen bigarren itzulian, orain artean Pauen egondako sozialistei lekua harturik.
Ipar Euskal Herriko hamabi kantonamenduetarik zazpitan egon dira abertzaleak bigarren itzulian eta Hendaia, Urruña, Biriatu biltzen dituen Hendaia-Euskal Kostaldean dira soilik irabazle atera, nahiz eta guztietan lehen itzulian baino boto anitzez gehiago bildu. Duela sei urte Alain Iriart Hiriburuko auzapez abertzaleak bigarren aldikoz irabazi zuen kantonamendua ez du bere eskuetan atxiki aldi honetan EH Baik: Maider Behotegi eta Marc Saint-Esteven zentro-eskuindarrak atera dira garaile botoen %60,66 bilduz. Orokorrean, lortu emaitzak baikorki baloratu ditu EH Baik: "Urte luzeetan kolektiboki eramandako lanaren emaitza da".
Beste behin ere, eskuinak eta zentro-eskuinak osaturiko taldea atera da garaile departamendu mailan bezala Zuberoa, Nafarroa Beherea eta Lapurdin. Ipar Euskal Herriko 24 kontseilarietatik 22 izanen dituzte, sozialistek azken kargualdian zituzten sei aulkiak galdu dituztelarik eta ezkerreko ordezkaritza bakarra abertzaleena bilakatzen denean. Paueko 54 hautetsietatik 38 dira eskuinaren eta zentro-eskuinaren artean osaturiko Forces 64 aldekoak. Alderdi Sozialistaren porrot aipagarriena Baiona 3koa izan da, Henri Etcheto departamenduko oposizioko buruak Florence Dupreuilhenkin batera osatu hautagaitzak galdu duelako bigarren itzuliko lehia, 29 bozengatik bakarrik. Haatik, Jean-Jacques Lasserre departamenduko gaur egungo buruak errazki irabazi du Bidaxune-Amikuze-Oztibarre kantonamenduan, Anne Marie Brutherekin batera, bozen %63,49 lorturik, parean zituelarik EH Baiko Emilie Dubois eta Xabi Larralde bikotea, 2.659 boz lorturik –lehen itzulian baino 968 gehiago–. Hori horrela, ezustekorik ez bada behintzat, hirugarren aldiz lotuko zaio presidente kargualdiari.
Lehen itzulian baino parte-hartze pixka bat handiagoa izan bada ere, abstentzioa izan da garaile nagusia bigarren itzulian ere: %40,13koa izan da.
Lehen itzulitik bigarrenera, auzapezgotzara jauzi egin zuen Ramuntxo Labat-Aramendi abertzalearen zerrendak. Erdiespena "xinaurri lanari esker" egin zela uste du Labat-Aramendik. Ahetzen zerrendak bozen %44,39 lortu zuen urtarrilaren 12an eginiko behin betiko bozketan... [+]
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Pantxoa Bimboire Haritxelar, Ipar Euskal Herriko Eusko Alderdi Jeltzaleko arduradun berria da azarotik. Ipar Euskal Herriko ekonomia munduko pertsona ezaguna da.
EHBaik Autonomia estatutu baterako proposamena prestatu du, gure nazioaren burujabetza osorako bidean etapa gisa.
.jpeg)
«Argizko idazkun digitalak debekatu» lelopean, Aturri aldeko Stop Pub kolektiboak bederatzi proposamen plazaratu ditu, Tokiko Publizitatearen Araudia eztabaidan delarik momentu honetan.
Uda aurretik, irakasle talde batek ekimen bat jarri zuen martxan ikasleek proba euskaraz erantzun ahal izateko. Kazetak adierazi duenaren arabera, orain gertatutakoa ikertzeko prozesua zabalik dago.
Politikari zentrista ezaguna, 1986tik 1991ra Departamendu kontseilari izan zen, 1991tik 2014ra Miarritzeko alkate eta Frantziako senatari 1992tik 2011ra. 86 urte zituela zendu da abuztuaren 21ean, infartu baten ondorioz.
Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]
Nork aurreikusten ahal zuen 2024an Peio Dufau –Marie Heguy-Urain duelarik ordezko– EH Baiko hautagaia, diputatu izanen zela? Eskuin muturraren kontrako kanpainak eta estrategiak funtzionatu du. Ipar Euskal Herriak ez du faxistarik bidaliko Frantziako Asanblea... [+]
Iñaki Echanizek irabazi du Zuberoa, Nafarroa Beherea, Hazparne eta Biarnoko zati bat barnebiltzen dituen laugarren hautesbarrutian. 2022an bezala, garaile atera da, ezkerreko Fronte Herritar Berriaren izenean.
Ekainaren 30ean, lehen itzulian, 11.000 boto eskas gehiago lortu zituen Fronte Herritar Berria koalizioak Batasun Nazionalaren aldean. Orain, 30.000 boz atera dizkio. Parisera joango diren hiru hautesbarrutietako ordezkariak Fronte Herritar Berrikoak izanen dira.
Nafarroa Behereko zati bat, Zuberoa eta Biarnoko zati bat hartzen dituen laugarren hautesbarrutian %73ko parte-hartzea izan da (Frantziako estatukoa %65,5). Ezkerreko Fronte Popular Berriko Iñaki Etxaniz nagusitu da bozen %38,01ekin. Eskuin muturreko Batasun Nazionaleko... [+]
Sindikatuek eta Alda elkarteak deituta karrikara atera dira herritarrak eskuin muturraren gorakada salatzeko.