Ez du inolako eraginkortasunik izan oinarrizko hainbat produkturi BEZa murrizteko neurriak: ia laurdena garestitu egin dira otsailean.
2023. urtearen hasierarekin, ustez inflazioari aurre egiteko neurri berri bat sartu zuen indarrean Espainiako Gobernuak: Balio Erantsiaren Gaineko Zerga (BEZa) kentzea edo murriztea oinarrizko kontsumorako hainbat produkturi. Berez, bertan behera geratu da ogiari, esneari, arrautzari edota barazkiei ezarritako BEZa, eta %5era jaitsi da olioari nahiz pastari aplikatutakoa. Aurtengo ekainera arte egongo da martxan neurria.
FACUA kontsumitzaileen elkarteak, ordea, zalantzan jarri du esku-hartze horren eraginkortasuna. Berriki egin duen ikerketa baten arabera, otsailean %20 garestitu dira BEZ murriztua daukaten hainbat produktu. Oinarrizko produktuen prezioen gorakadak, beraz, ez du etenik izan. Fruituak, barazkiak, pasta eta oliba-olioa dira gehien garestitu diren elikagaiak.
Urtarrileko aurreneko astea igaro zenerako, zortzi supermerkatu-kate salatu zituen FACUAk, BEZaren jaitsierari lotutako merkatzeak ez aplikatzeagatik. 676 produkturen prezioak aztertu zituen elkarteak iazko abenduaren 30etik aurtengo urtarrilaren 3ra bitartean, eta 52 produktutan atzeman zuen prezioak ez jaistearen iruzurra.
Espainiako Estatistika Institutuak (INE, gaztelerazko sigletan) jakinarazi duenez, 2022ko abendutik hona, hiru hilabetez jarraian egin dute gora inflazio orokorraren datuek. Hautsi egin da, hortaz, udatik izan zen beheranzko joera.
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".
Atera berri dituzte zerga bilketaren datuak Araba, Bizkaia eta Gipuzkoako foru ogasunek, eta ikusi dugu inoiz baino diru gehiago jaso dutela. Berehala iragarri dute erreforma fiskalari buruzko gogoetarako beharrezko tartea hartuko dutela, ez dagoelako presarik, ezta premia... [+]
Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Hego Euskal Herrian, egun indarrean dagoen neurri mesedegarri batek soilik jarraituko du aplikatzen, gutxienez ekainera arte: oinarrizko elikagaiei BEZik ez ordaintzea.
Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]