Emakumeak borrokan

Beste langile bat hil da AHTren obretan: azpikontratatua eta atzerritarra

  • Abiadura Handiko Treneko obretan ari zela langile bat hil da Zizurkilen asteartean arratsaldeko 18:30ean. Egun gutxiren buruan obra horretan zendutako bigarren langilea da.

Urko Apaolaza Avila @urkoapaolaza
2018ko urriaren 03a
Hormigonatze lan erritmo bizian ari ziren azken egunetan langilea hildako AHTko obren zatian (arg: ETS)

Zizurkil eta Andoain arteko tunelean, hormigoia egiteko kamioitik ateratakoan, ibilgailua dirudienez mugitu eta beste kamioi baten kontra harrapatuta geratu da langilea; esku-frenoa eman gabe utzi zuela da hipotesietako bat.

Abdel, 30 urteko gazte marokoarra ezaguna zen garabi-langileen artean, Logroño ondoko enpresa batean egiten zuen lan –Araban inskribaturiko Tecnolevers and Mobile Cranes SL-n–, eta enpresa hori Comercial Urratz azpikontratarentzat ari zen AHTko obretan.

Zizurkilgo zati hori egiteko lanak 2012an esleitu zitzaizkion Amenabar, Comsa, Isolux-Corsan eta Dragadosek osaturiko enpresa elkarteari 180 milioi euroren truke eta Euskal Y delakoan luze eta garestienetakoa da; gutxienez bi urteko atzerapena darama.

Langileen iturrien arabera erritmo oso bizian ari ziren azken egunetan hormigonatzen tunel barruan, 4.500 metroko sakoneran. ELAko kideak bertan izan dira eta azaldu dutenez heriotza gertatu den momentuan hormigoia egiteko lau kamioi ari ziren lanean toki berean.

Antzibarreko zubi-bidea Zizurkilen, tunel horretan hil da AHTko azken langilea (arg: ETS))
Antzibarreko zubi-bidea Zizurkilen; tunel horretan hilda AHTko azken langilea (arg: ETS)

Egun gutxiren buruan AHTko obretan hildako bigarren langilea da. Irailaren 23an Zornotzako zatiko obretan 46 urteko beste lagun bat hil zen ondoezik sentitu eta gero. Obrako arduradunen esanetan “heriotza naturala” izan zen, baina kontrara, egun hartako bero boladak jota hil zitekeela uste dute lankideek. Hierros Sancho azpikontratarentzat ari zen obrako lan astunenetako bat egiten: kofratuarentzako ferralla edo burdinak okertzen eta jartzen.

Zerrenda luzean, baldintza kaskarrak nagusi

Jadanik ofizialki bederatzi lagun hil dira azken urteetan AHTko obretan eta beste ehunka zauritu, horietako batzuk larri. Gehienak azpikontrataturik eta atzerritarrak. Hala, ez da lehen aldia kamioiarekin istripua edukita langile bat hiltzen dela: 2011n Tolosan beste gidari bat hil zen, esku-frenoa eman gabe utzi zuelako. 47 urteko portugaldarra zen eta 12 orduko txandak egiten zituen.

Zuloan liburuan AHTko obretako lan-esplotazioa azaleratu genuen, ELA sindikatuak lagunduta. Kontratisten presioak erasandako sisteman, langileak oso baldintza kaskarretan ari dira beharrean, lanegun amaigabeak eginez eta jai egunik hartu gabe, ondorioz segurtasun falta ere nabarmena da.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Prekarietatea kanaletik interesatuko zaizu...
Bilboren 'B' aldea
Salgai dagoen hirian, gazteria ikusezin

Ikusezin zaigun izebergaren zatia azaleratzeari ekin dio Eragin Bilbo mugimenduak. Gazteen ikuspegitik, instituzioek ezarritako politikek sortzen dituzten albo-kalteen berri emateari, hain zuzen. Hiriburu bizkaitarra ardatz hartuta jendartean kontzientzia garatu nahi du Eraginek, Bilboren alde prekarioa ere postaletan ager dadin.


2019-04-10 | ARGIA
40 ordu zeramatzan jarraian lanean Bilboko portuan joan den igandean hildako langileak

Bilboko portuko Ibaizabal 8 atoiontziko makinen burua hilda aurkitu zuten bere lanpostuan joan den igandean. 40 ordu zeramatzan jarraian lanean.


2019-04-07 | Juan Mari Arregi
Pobrezia, gure gazteriaren patua?

Egoera ekonomikoan eta enpleguaren kalitatean ez bada funtsezko aldaketa bat gertatzen, egungo gazteria pobrezia eta bazterkeria sozialean eroriko da seguru. Azkenaldian Espainiako Estatuan agertu diren estatistika eta ikerketek hala diote. Tamalez, ez ditugu Hego Euskal Herriko egoerari buruzko datu zehatzak.


2019-04-05 | Amaia Fernández
Zaintzako langileen borrokak mahaigainera atera ditugu
MULTIMEDIA - erreportajea

Bilbon antolatu genuen mahainguruan zaintzari lotutako lau sektore prekarizatu feminizatuetako langileek hartu zuten hitza: Arantza Arrien baserritarra, Silvia Rivas etxeko langilea, Soraya Garcia zaharren egoitzako langilea eta Elena Vasconez hoteletako garbitzailea. Bakoitzak bere sektoreko egoeraz eta borrokaz hitz egin zuen. Hemen duzue laburpen bideoa.

 


2019-04-01 | Jon Torner Zabala
Dozena bat Carlos Sobera RETAren Errekaldeko egoitzan, apustu-etxeen kontrako ekintzan

Eragin Bilbo gazte prekarizatuen asanblada osatzen duten dozena bat lagun RETA enpresak Errekalde auzoan duen egoitzara sartu dira, Carlos Sobera telebista aurkezlearen maskarak jantzita, "gazte langileen egoera ekonomiko lotsagarriaz baliatzen diren enpresa nazkagarriak" auzoetatik joan daitezela eskatzeko.


2019-03-22 | ARGIA
Basoko langile bat hil da Muxikan, lan istripu baten ondorioz

"Babes eta elkartasunik zintzoena" bidali nahi izan diote LAB sindikatutik hildakoaren senitarteko, auzokide eta gertukoei. Gutxienez, hamar langile hil dira jada Euskal Herrian, urtea hasi zenetik: Bizkaian bost, Gipuzkoan hiru eta Nafarroan bi.


2019-03-20 | ARGIA
Uber enpresa Bilbon: VTC-ekin ezin lan egin, janari-banatzaile prekarioekin bai

Eusko Jaurlaritzak VTC ibilgailuen sektoreari galga jarri dien arren, Uber enpresak kudeatutako etxez etxeko janari-aplikazioak ez du inolako eragozpenik aurkitu Bilbon.


Martxoak 8, greba feminista
Mobilizazio anitzak, aldarrikapen politiko zehatzak

2018ko Martxoak 8ak aurreikuspenak hautsi zituen. Aurtengo greba feministan ere, txiki geratu dira egindako kalkuluak. Begi-bistakoa izan da. Hiriburuetan zer gertatuko geunden, eta horietako indar erakustaldiek iazkoa gainditu badute, aurtengo sorpresa auzoetakoa eta herrietakoa izan da. Txokorik txoko antolatu dira eta iaz mugimendurik egon ez zen herrietara ere heldu da olatua. Ez da kasualitatea izan, mugimendu feministak mobilizazio deszentralizatua akuilatu du eta emaitza ikusi da.


2019-03-13 | Goiberri
Prekarietatea neskaz jantzita

Prekarietateak emakume aurpegia du. «Kapitalismoak emakumeen esplotazioa aberasteko erabiltzen du» eta horren adibide da, «etxeko lanek eta zaintza lanek, barne produktu gordinaren heren bat» egiten dutela. Eztizen Agirresarobe LAB sindikatuko abokatu eta Koordinadora Feministako kidearen hitzak dira. Lan munduan, gizonezkoen eta emakumezkoen artean dauden desberdintasunak izan ditugu mintzagai.


Azkenak
EGILEA
Eguneraketa berriak daude