Beste behin epaitu dute Trump, oraingoan dokumentu konfidentzialak gordetzea egotzita
Etxe Zuria utzi ostean gobernuko dokumentu konfidentzialak gordetzea egotzi diote AEBetako lehendakari ohiari. Lehen aldia da bertako lehendakari ohi bat federalki epaitzen dutena.
Beste behin epaitu dute Donald Trump, AEBetako lehendakari ohia. Oraingoan, baina, lehendakaritza galdu ostean gobernuko dokumentu konfidentzialak gordetzea egotzi diote. Epaiketa asteartean, ekainaren 13an, izan da, Miamin (Floridan).
Guztira 37 kargu egotzi dizkiote, horietatik 31k espioitzaren legearekin dute lotura. Epaiketan, besteak beste, testigantza faltsuak ematea, justizia oztopatzea eta segurtasun nazionaleko informazioa gordetzea egotzi diote. Lehen aldia da lehendakari ohi bat federalki epaitzen dutena.
Jack Smith abokatuaren esanetan, 2021eko urtarrilean, Etxe Zuria utzi ostean, Trumpek hainbat dokumentu hartu zituen, tartean segurtasun nazionaleko sekretuak zirenak. Gainera, nahiz eta epaitegiek dokumentuak bueltatzeko eskaria egin, Trump ukatu egin zela salatu du. Horregatik, gertaerek espioitza legea urratu eta justizia oztopatzen dutela dio.
Lehendakari ohiak, bere defentsan, Bill Clinton eta George W. Bush lehendakari ohiek ere dokumentu konfidentzialak gorde zituztela adierazi du, baina haien aurkako epaiketarik ez zela egin salatu du. Gainera, epaiketa egin izana Joe Biden lehendakariari egotzi dio, eta “sorgin-ehiza” baten biktima gisa aurkeztu du bere burua.
Las Vegas hiri ezagunetik ordubetera Creech-eko aire-base militarra dago basamortuaren erdian. 1950eko hamarkadan, Gerra Hotzean, ia mila leherketa nuklear "esperimentalen" lekua izateagatik ospetsu egin zen. Creechen koordinatu dituzte azken 20 urteotan AEBek mundu... [+]
Palestina NBEko estatu kide gisa onartzeko ebazpena ostegun honetan bozkatu dute Segurtasun Kontseiluan. Gehiengoa –12 boto– alde agertu bada ere, bi abstentziorekin batera, AEBen ezetza nahikoa izan da proposamena bertan behera uzteko.
Energia krisiak eta Ukrainako gerrak hauspotuta, Gas Natural Likidotua (GNL) bihurtu da munduko lehengai estrategiko eta preziatuenetakoa. AEBetako hegoaldean gasa modu horretan biltegiratu eta esportatzeko planta erraldoiak egin asmo ditu industriak, baina Joe Bidenen gobernuak... [+]
Killingworth (Connecticut, AEB), 1701. Collegiate School goi mailako ikasketa zentroa fundatu zuten. 1716an eskola berria New Havenera aldatu zuten eta handik bi urtera, 1718an, Yale izena hartu zuen gaur egun AEBetako eta munduko unibertsitate prestigiodunetakoa denak.
Urte... [+]