Beskoitzeko ikastolari eraikitzeko baimena emango al dion erabaki behar du Herriko Etxeak
Hiru gela aurrefabrikatuk osatzen dute Beskoitzeko ikastola, eta haurren ongizateari eta proiektua garatzeko beharrari erantzun asmoz, ikastetxea eraikitzeko baimena eskatu diote Herriko Etxeari, ez besterik. Udal kontseiluarekin bildu dira eta ekaina bukaeran izango dute erabakiaren berri.
Egungo baldintzetan ezin dutela gehiago horrela segitu eta Beskoitzeko ikastolara doazen haurrei euskaraz ikasi, lan eta bizitzeko aukera eman behar zaiela azaldu diote ikastolako ordezkariek Kazeta.eus-i.
2013an lau haurrekin hasi zuen proiektuak ibilbidea eta ikasturte honetan 51 ikasle ditu. Herriko Etxeak dio ez dagoela zertan ikastola handitu, ikasle kopurua 50era murriztea dela irtenbidea. Murriztu ordez, garatzeko gogoa dutela dio ikastolak. Eraikitzeko baimena baino ez dutela eskatzen gogoratu dute, Seaskaren ardura izango dela proiektua aurrera ateratzeko beharko diren diru eta baliabideak lortzeko bidea egitea.
Orain arteko eskaerei ateak itxi dizkiete
Ez da eskaera egiten duten lehen aldia. “Bide ezberdin batzuk xerkatu ditugu: gela publiko batzuen galdea eginik, gela pribatu batzuen galdea eginik ere, lur pribatu batzuk xerkatu ditugu ere, alokatzeko edo erosteko gisan. Aztertu eta bide guztiak banaka-banaka hetsi zaizkigu”. Eskaera berri honen inguruko erabakia ekainaren amaierarako jakinaraziko du Herriko Etxeak.
“Egiazko ikastola bat merezi” dutela aldarrikatuz, sostengua emateko sinadura-bilketa ere abiatua dute sarean.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.
Haserre mintzatu da Peio Jorajuria Seaskako lehendakaria, Beskoitzeko Herriko Etxeak astelehenean hartutako erabakiarekin. 51 haur dituen ikastolarekin hitzarmena eten du auzapezak, eta sei hilabeteren buruan debekatuta izango dute bertan eskolak ematea. Gurasoek harridura... [+]
2.500 euskaltzale elkartu dira Seaskak eta Euskal Herriko Ikastolen Elkarteak deitutako manifestaziora. Herriko etxeak ikastolaren eraikin berria egiteko eskariari jarritako trabak salatu dituzte eta Beskoitzeko ikastolako haurrei babesa eman diete.