Bertso saioak egun pandemia aurrekoen erdiak dira
2021eko lehen bost hilabeteetako bertso plazen datuak eman ditu Bertsozale Elkarteak. Urte hasiera gogorra izan da bertsolaritzarentzat: pandemia aurretik (2019an) epe berean egin ziren saioak baino %60 gutxiago egin dira aurtengo lehen hilabeteetan, eta 2020an baino %25 gutxiago; kontuan izan behar baita iazko urtearen hasiera pandemiarik gabekoa izan zela.
2019an lehen bost hilabeteetan 366 saio antolatu ziren, eta 2021ean epe berean 144 saio besterik ez dira antolatu. Edonola ere, Bertsozale Elkarteak plazaratu duen irakurketa baikorra da: "Martxotik aurrera bertso plazen kopuruak goranzko bidea hartu du eta hala jarraitzen du egun ere: apirilean 29 saio egin baziren, 47 izan dira maiatzean".
Jaialdiak eta saio bereziak nagusi
Saio motari dagokionez, jaialdiek eta bat-bateko bereziek betetzen dute agenda batez ere: bertso hitzorduen %91,5a, zehazki. Lagunarteko eta plaza libreko saio gutxi antolatu dira, hau da, otorduetan egiten direnak eta gai jartzailerik gabe bertsolariek ikus-entzuleengandik hurbil kalean egiten dituztenak.
Saio gehienak Lanku enpresaren bidez antolatzen dira
Bertsozale Elkarteak autofinantziaziorako sortutako enpresa da Lanku, tokian tokiko antolatzaileei bertso saioak antolatzeko zerbitzua eskaintzen diena. 2021ean nabarmen egin du gora Lankuren bidez antolatutako saioen proportzioak: 2019an antolatutako saioen %30 izan zen Lanku bidez egindakoa, eta 2021ean saio guztien %45 izan da horrela.
Bertsozale Elkarteak ez du honen arrazoien berri eman, pentsa daiteke, batetik, pandemia garaian Bertsozale Elkartea eta Lanku plazak sustatzeko egiten ari diren ahaleginaren ondorio izan daitekeela, hein batean, eta bestalde, egiten diren saioetatik kopuru handiagoa orain erakunde publikoek antolatutakoak direla, eta herri ekimenekoak zeharo gutxitu direla.
Bertsozalea zen, eta hamarkada luzeetan aritu da bertsoaren plazako zereginetan: epaile eta gai-jartzaile lanetan, saio antolaketetan eta Bertsularien Lagunak elkartearen betebeharretan ere bai. Euskaltzain urgazle izendatua izan zen 1967an, eta ohorezko 2014an.
Señora Sariketaren V. edizioa izan da 2025ekoa, benetan berezia: aurtengo bertsolari parte-hartzaileak plazak utziak zituzten andre eta genero disidenteak izan dira. Binaka egin dute plazara itzulera, saioetarako giro goxo eta xamurra lagun.
Hamahiru urtean lehen aldiz, finalaren kokagunea aldatu du txapelketak, arrazoi koiunturalak medio: Bilbao Arenatik Casillara. Azken bi txapelketetako txapeldunak, Nerea Ibarzabalek, ez du parte hartuko aurtengo edizioan.
Iruñean eginen da lehen saioa, maiatzaren 23an, eta Jauntsaratsen bigarrena, maiatzaren 30ean. 12 bertsolarik hartuko dute parte, aurreko txapelketan aritu ez zirenak. Horietatik, sei sailkatuko dira urrian hasiko den txapelketara.
Hamabi bertsoko sorta dotorea jarri du pilotariak, galtzeari eta irabazteari buruz. Inspirazioa 2024an Larrun aldizkarirako egindako mahai-inguruak piztu zion, Jokin Altunarekin gai horri buruz aritu baitzen gogoetan. Bertso sorta musikatuta entzun daiteke Bertso Ikasgela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Irurtzunen jokatu da Nafarroako Eskolarteko Txapelketaren 39. edizioa. Sei bertsolari gaztek hartu dute parte txapelketan, eta horietatik, Arantzako Kattin Madariagak jantzi du txapela. Txapeldunorde, berriz, Kattalin Lizarraga izan da. Biak izanen dira Nafarroako ordezkari... [+]
Gipuzkoako Euskal Pilota Federazioak 100 urte betetzen ditu aurten. Ospatzeko antolatu dituen ekitaldien artean dago apirilaren 12an Zumarragan egingo den bertso saio berezia. Pilotari bat arituko da gai-jartzen, eta pilotarekin harremana duten Gipuzkoako lau bertsolari kantuan... [+]
Maiatzaren 8an hasiko da Bizkaiko Bertsolari Txapelketako sailkapen fasea. Zortzi saio bikoitz jokatuko dira maiatzeko eguenetan. Sarrerak eskuragai daude bertsosarrerak.eus atarian.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]