Berta Caceresen hilketa kasuaren epaiketa bertan behera
COPINHek (Honduraseko Erakunde Herritar eta Indigenen Hiri-Kontseilua) eta Caceresen familiak Honduraseko Fiskaltzari errekurtsoa jarri dio Justizia Gorte Goreneko Epai Auzitegiaren kontra, epaimahaia aldatzea exijituz. Hala bada, errekurtsoa ebatzi artean epaiketa ez da martxan jarriko.
Otros Mundos elkarteak jakinarazi duenez, astelehenean, 2016ko martxoaren 3an gertaturiko Berta Caceresen hilketaren epaiketak hasi behar zuen egun berean, bertan behera geratu da prozesua. Auzitegiak epaiketa aurreko prozesu osoan egindako irregulartasunak eta hilketaren autore intelektualak (hilketa prestatu eta berau burutzeko sikarioak kontratatu zituzten norbanakoak) epaitzeko borondate falta tarteko, COPINHek epaimahaia aldatzea exijitu du, prozesua geldiaraziz. Hasierako epaimahaia “prozesuan justizia bilatzeko baldintzak bermatzen dituen epaimahai batengatik aldatzea eskatzen dugu”, adierazi du antolakundeak. COPINHen arabera, Berta Caceresen kasuan justizia egiteko prozesuak aukerak ematen ditu “Honduraseko komunitatearen eta zuzenbide-estatuaren kontra diharduten estrukturei aurre egin eta hauek desmuntatzeko”.
Hasiera batean aurreikusitakoaren arabera, epaiketa prozesuak urriaren 19a arte irautea espero zen. Baina azken orduko jazoerak tarteko, prozesuak ezingo du aurrera egin Fiskaltzak errekurtsoa ebatzi arte. Otros Mundosek adierazitakoaren arabera, epe tarte laburra dago errekurtsoa bideratzeko, azaroaren 5ean amaitzen baita zortzi auzipetuetatik lauren prebentziozko atxiloketa.
“DESA Errudun”
Epaiketa prozesuarekin batera “DESA Errudun” kanpaina abiatu du COPINHek, Caceresen hilketan DESA (Desarrollos Energéticos S.A.) enpresak daukan erantzukizuna bistaratzea xede. Caceresen borrokan jo puntuan zegoen “Agua Zarca” proiektu hidroelektrikoaren jabea da DESA enpresa. Proiektuak eraiki asmo zuen presa hidroelektrikoaren eraikuntzaren aurrean, lenca herria eta Gualcarque erreka gogor defendatu zituen Caceresek, eta horregatik erahil zuten. DESA enpresa Caceresen heriotzaren atzean dagoela ondorioztatzeko hainbat ebidentzia daude.
COPINHek azpimarratu duenez, Caceresen kausa antzerako proiektuen aurrean beraien lurraldea defendatzeagatik urtero erahiltzen dituzten 200 pertsonatik gorak borrokatutako kausa berbera da, baita herrien eskubide kolektiboak eta maila internazionalean emakumeen eskubideak aldarrikatzen dituzten erakundeena ere. Adierazi dutenaren arabera, gobernuen eta indar amatuen konplizitatearekin hainbat enpresek beraien “garapenaren” ikuspegia inposatzeko daukaten inpunitatea ageriko egiten du Caceresen hilketak. Kanpainak guzti hori bistaratzea du xede.
François Bayrouk dimisioa eman eta ordu gutxitara izendatu du Emmanuel Macron Frantziako presidenteak ordezkoa: Sébastien Lecornu izango da lehen ministro berria, aurretik Defentsa ministro izandakoa eta Macronen oso gertukoa. Oposizioa haserre mintzatu da, ezker zein... [+]
Irailean aurkeztu zuen enpresak Caparrosoko makroetxaldea handitzeko eskaera, eta ingurumen baimena argitaratu du gobernuak astelehenean. Asteartean hasi da makroetxaldearen aurkako epaiketa lurrak nitratoz kutsatu dituela leporatuta, eta akusazio partikularra osatzen duten... [+]
Ekologistak Martxanek eta Sustrai Erakuntzak diote txinatar inbertitzaileek atzera egiteak agerian utzi dituela Zangozako meatzearen "funtsik gabeko arrazoiak". Nafarroako Gobernuari eskatu diote "interes publikoari erantzuten ez dion proiektu defendaezina... [+]
Europa barruan hegaldiak hartzea trenez bidaiatzea baino 26 aldiz merkeagoa izan daiteke, 31 herrialdetako 142 ibilbidetan oinarritutako Greenpeaceren ikerketa baten arabera. Hegaldien zerga pribilegioei egotzi die desparekotasuna, eta trenbidea merketzeko neurriak eskatu ditu.
Donostiako hirigunetik Urumeak banandua, nekazaritza eremu zabala zen Egia: Nabarrizene, Txurkoene, Mikelaene, Polloene... 70 baserri baino gehiago zeudela uste da. Trenbidearen etorrerak beste destino petral bat ekarri zien lur horiei, ordea: zerbitzuetarako eta... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
Gaztetape (Getaria) eta Muriola (Barrika) hondartzak 2050. urterako desager daitezke Greenpeaceren txostenaren arabera. Itzurun (Zumaia), Karraspio (Mendexa), Isuntza (Lekeitio) eta Azkorri (Getxo) hondartzek hedaduraren erdia gal dezakete.
1994an altxatu zituzten lehen haize errotak Nafarroan, Erreniegako parke eolikoan, Iruñetik gertu. Segidan etorri ziren beste asko: Arizko parkea Leitzan eta Berueten, Izkokoa Irunberri inguruan, Oibarkoa, Cabanillasko Serralta parkea... ‘Haizearen aitzindari’... [+]
Hendaian etxebizitza larrialdi egoera bizia da: bizitokien %27 bigarren etxebizitza dira eta 700 familia alokairu sozial baten esperoan daude. Horren erdian, Herriko Etxeak Moleres izeneko 40.000 m2-ko eremuan 250 etxebizitza eraikitzeko egitasmoa jarri du mahai gainean... [+]
EAEko 1,3 milioi biztanlek Europar Batasunak 2030erako ezarri berri dituen mugak gainditzen dituen aire kutsatua arnastu zuten 2024an, Ekologistak Martxanek eginiko ikerketaren arabera.
Ekologistak Martxanek Bandera Beltzak 2025 txostena argitaratu du, urtero legez, "itsasertzeko kutsadura eta ingurumen-kudeaketa txarraren kasu esanguratsuenak ezagutarazteko". Hego Euskal Herriko kostaldeari dagokionez, Bilboko superportuari eta Getariako arrain... [+]
