Berriozarko kiroldegiko tabernaren kontratuan euskara eskakizuna baliogabetu du auzitegiak
Navarra Sumari arrazoia eman dio Nafarroako Administrazio auzitegiak. Taberna kudeatzeko kontratua "hizkuntzagatik diskriminatzailea" dela ebatzi du. Euskararen Kontseiluak eta Hizkuntza Eskubideen Behatokiak erabakia gaitzetsi dute.
Nafarroako Administrazio Auzitegiak bertan behera utzi du Berrikilan sozietate publikoaren administrazio-kontseiluak 2020ko ekainaren 11n hartutako erabakia, Berriozarko udal kiroldegiko tabernaren eta eremu osagarrien ustiapenaren kudeaketa kontratatzeko klausula ekonomiko-administratiboen agiria onartu zuena. Horren bitartez, euskararen eskakizuna bertan behera utzi du auzitegiak.
Zehazki, honako hau eskatzen duten bi preskripzio tekniko hauek baliogabetu ditu: "Esleipendunak ziurtatuko du jendaurreko zuzeneko arretako langileek euskaraz ahoz komunikatzeko gaitasuna dutela (B2)", eta "lokalean euskarazko hedabideak (telebista, irratiak, prentsa, musika) egotea bermatuko du". Navarra sumaren udal taldeak errekurtsoa jarri zuen horien aurka Berriozarko Udalean.
Euskarazko hizkuntza-gaitasunari buruzko preskripzioak eta baldintzak ordenamendu juridikoaren aurkakoak dira ebazpenaren arabera. "Izan ere, ez Europako araudiak, ez naziokoak, ez foru-araudiak ez dute aukera ematen imajinagarriak ez diren baldintzak ezartzeko arlo ekonomikoan edo berrikuntzarekin lotutakoak, ingurumenarekin, gizartearekin edo enpleguarekin lotutakoak", zehaztu du auzitegiak.
Kontratuaren esleipendunak lokalean euskarazko hedabideak egotea ziurtatzeari buruzko klausulari edo baldintzari dagokionez, honako hau uste du auzitegiak: "Eskakizun horrek ez badakar berekin gaztelaniazko komunikabide horiek lokalean egotea, kontratua gauzatzeko baldintza hori diskriminatzailea ere bada hizkuntzagatik".
Euskararen Kontseiluak eta Hizkuntza Eskubideen Behatokiak auzitegiaren erabakia gaitzetsi dute, salatuz zerbitzuak jaso behar dituztenen eskubideak bermatzeko neurriak baliogabetzen ari dela "behin eta berriz" Nafarroako Administrazio Auzitegia.
Epaiak legez kanpokotzat jotzen du hizkuntza eskakizun egiaztagiria ez duten pertsonak Lan Eskaintza Publikotik kanpo geratzea. Gipuzkoako Foru Aldundiak jarritako helegitearen kontrako epaia izan da. CCOOk eman du epaiaren berri eta garaipen gisa hartu du.
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
2023an B1 maila eskatu zuen udalak kale garbitzailea posturako, baina horren kontrako epaiak eman zituten Donostiako Administrazioarekiko Auzien 2. eta 3. zenbakiko epaitegiek. Epai horien aurkako helegiteak atzera bota dituzte orain. Hizkuntza eskubideen urraketei... [+]
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]
Osakidetzan egun, ez dago bermatuta euskarazko zerbitzua. Zerbitzu gehienetan ez dago hizkuntza irizpiderik eta herritar euskaldunek bere burua nabarmendu beharra daukate, egoera oso zaurgarrian, euskarazko zerbitzua jaso ahal izateko.
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]
"Poloniar bat etortzen bada eta bost urte pasako baditu proiektu batean, joder agian ez zaio egoki irudituko seme-alabek euskaraz ikastea, ezta?", bankuko lehendakari Anton Arriolak adierazi duenez. Euskalgintzako eragileek gogor kritikatu dute eta esandakoa... [+]
Ba al dakizue frantses batzuk harritu egiten direla mugaren alde honetan ere euskaldunak bagaudela jakitean? Ba bai, harrigarria bada ere, behin, Donostian, frantses batzuei entzun nien sinetsi ezinik beren buruari galdetzen: “Saint-Sébastien est au Pays... [+]
Gasteizko 1 zenbakiko Auzitegi Kontentzioso-Administratiboak emandako epaia berretsi du EAEko Justizia Auzitegi Nagusiak. Lan poltsan parte hartzeko euskara maila altuenaren baliokide diren 3. eta 4. eskakizunak indargabetu zituen Gasteizko Auzitegiak.
Euskal Herrian Euskarazen arabera, Tolosako tren geltokiko segurtasun agente batek eraso egin zion militante bati, agenteari euskaraz hitz egiteko eskatu ziolako. Tolosako alkateak "kezka" adierazi du eta azalpenak eskatuko dituela jakinarazi.
Euskarazko B2 eskakizuna zuten bi udaltzain lanpostu baliogabetu zituzten epaileek iazko urtarrilean, euskara eskatzea "diskriminatzailea" izan zitekeela iritzita; eta aitzineko astean, Donostiako Udalak aurkezturiko helegitea ez aztertzeko erabakia hartu du EAEko... [+]
