ZORRETAN
Testua eta zuzendaritza: Agurtzane Intxaurraga.
Aktoreak: Miren Gaztañaga, Iñake Irastorza, Jabi Barandiaran.
Noiz eta non: Urriaren 25ean, Donostiako Gazteszenan.
----------------------------------------
Bere argi propioa bilatzen ari den loreari itzala dakarkio sustraietara helduta egoteak. Kolore ugari ditu eta ez soilik zuria eta beltza. Horregatik dagokio lurra erein aurretik lantzea, lurpean zein gainazalean distira egin dezan. Ez gara plastikozkoak.
Miren Gaztañagak antzezten duen emakume bat da Zorretan obrako protagonista nagusia. Amarekin izandako harremanak inoiz baldintzatu eta oraindik ere desegonkortu egiten duela aurkezten da hasieratik: urduri, nahasita eta emozio sakonez beteta. Bikotekidea zintzo agertzen zaio atzetik, beti errespetuz eta maitasunez, baina harekin kontatu gabeko erabaki bat hartu du: ama gonbidatzea euren etxera bizitzera. Horixe izango da dramaren gatazka, hortxe hasiko da lurrikara: harreman parentalek etorkizuneko harremanetan eragiten badute, eta hori ulertzea kostatu bazait, eta nirea propioa eraiki badut, eta amak gona janzteko esaten bazidan, eta satorrek bezala lur-azpira sartu nahiko banu, eta bikotea biluzteko gogoa badaukat, eta atzera joateko arriskua badago eta bakarrik bizi nahi badut...
Honela bada, nola aurkeztu mundura? Harremanen konplexutasun horri buruz hitz egiteko egoera komiko ugari aurkezten ditu lanak: absurdoak eta surrealistak, sinpleak eta sakonak. Sinboloz eta irudiz beterikoa da, poesiaz jantzia. Etengabe ari da zerbait gertatzen izkina bakoitzean eta keinu txikienak ere badauka esanahia. Kontrasteak bilatzen ditu, era berean, ikuslegoaren emozio guztietara iristeraino, atximur egiteraino, samurra bezain mingarria baita.
Estiloari dagokionez, erabaki ederrak hartu ditu zuzendariak. Antzerki klasikotik edaten duen sofa mardul bat erabiltzetik guztiz hauskorra diren elementuetara: hondarra lurrean botatzea, telefonoak zintzilik, kaxa hutsak, eszenografia mugikorra, pijamak… Nonahi dagoen amaren presentzia eta egotearen eta ez egotearen dikotomia ere izan daiteke gakoetako bat. Horrekin batera, istorio ustez kronologiko bat orainean, iraganean eta etorkizunean kokatzeko gaitasuna dauka. Ez da erraza, gainera, dramarako zineman edo antzerkian guztiz ohikoa den hirukote bat hautatu eta ikuspegi aurrerakoi bat ekartzea. Trentza horrek sortzen dituen korapiloak bestelakoak izatea, eta zaintzari beste zentzu bat ematea, batez ere, protagonistaren garapen pertsonalari eta bere buruaren zaintzari hainbesteko garrantzia ematea; argi-ilunak konplexurik gabe azaltzea eta penarik bat ere ez. Bizitzaren gordintasuna eta edertasuna batera aurkezten ditu, ahulezia eta ausardia, huskeria eta osotasuna. Eta zorrak. Hain pisutsuak izan daitezkeen horiek ezin direla maitasunarekin lotu. Berezko lore bat izateko bidea arantzaz beteta dagoela erakustea, baina norberak minik ez hartzeko direla beharrezkoak.
Hala bazan eta ez bazan, inoiz huts egin dizuedanoi, berriro gerta ez dadin eta hurrengoetarako ez espero ezer nitaz.
Urriaren 4tik 19ra iraganen da Nafarroako arte eszeniko komunitarioen jaialdia Iruñean, nazioartekotza eta kritika soziala ardatz harturik.
Ganbaran arrak bizi dira, arrek arrentzat sortutako munduan. Sotoan berriz emea, zoritxarreko egun batean sortutako “akatsa”. Goian jaun eta jabe. Behean kateak eta iraultza. Gela biak inkomunikatuta daude, ez dago nahasterik. Nola etorriko da orduan, aldaketa... [+]
Zer egingo zenuke lagun baten bizia salbatzeko? Zer emango eta zer gordeko zenuke? Komedia honetako hiru lagunek auzi honi eman behar diote erantzuna. Gau zoro batean, ezusteko gertaerak bata bestearen atzetik etorriko dira, fisika modernoaren axioma bati men eginez: gerta... [+]
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Marmarra
Dramaturgia: Jon Gerediaga/Atx Teatroa
Zuzendaritza: Atx Teatroa
Noiz: Uztailaren 4an ... [+]
Kolpe bat jaso eta memoria galdu berri duzu. Dakizun bakarra, poliziak esan dizulako, zera da: bere ohean zetzan elbarritu babesgabe bat tiroz akatu duzula; duela gutxirarte maitekiro zaintzen zenuen gizona, hain zuzen. Zeure burua duin eta zintzotzat duzu, eta hala ere,... [+]
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Gosea, txizalarria, maitasuna, gorrotoa, egarria, sexua, beldurra... eta zelan ez... biolentzia. Besteak beste, gure instintoetako batzuk dira hauek. Haiei esker bizi gara historiaurretik gaur egun arte. Oinarrizko tresnak izan dira, badira eta izango dira bizitzan aurrera... [+]
Bigarrenez Aresti etorkizunaren aurrean
Nork: Ekida Arte Ekimena.
Noiz: ekainaren 20an.
Non: Azkoitiko Baztartxo antzokian.
------------------------------------------------------------------
50 urte dira Gabriel Aresti euskal idazle marxista hil zela, eta Ekida arte... [+]
Euskal musikaren imajinario kolektiboan murgilduko gaituen ikuskizuna da “Ez dok Hiru”. Euskal Herriko kantutegian oinarritutako ikuskizun teatrala.
Eoa, deskonzertantea eta irrigarria azalez, baina azal horren poro bakoitzari geure musikarekiko maitasuna dario... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Miss Karaoke-k abesti bat kantatzeko enkargua jaso du, eta urduritzen hasia da. Zer kantatuko du Ebento Handian, Antolatzaile Handiaren enkarguz, Jende Guztiaren aurrean? Are gehiago, zein hizkuntza aukeratuko du? Gutxiengo gutxitu, gehiengo gutxitu, gutxiengo... [+]
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Liluragarria da zinez aulkien disdira. Orok merezi du lanaren osteko atsedena. Kasu, ostera, sakona da loaren eztena. Esertzen bazara aginduetara makurturik, heriok ohartu orduko, jango dizu barrena
- Zuzendaria: Ander Lipus
- Testua: Gotzon Barandiaran
- Musika: Mikel... [+]
Takoidun Zapata Gorria hogei minutuko iraupena duen antzezlan labur bat da, Piszifaktoria Ideien Laborategiaren bigarren proiektua da. Ezohiko gunetan erakusteko obra bat da, ez baitu eszenatoki baten beharrik. Hartara, antzez-ekintzaren barruan egoteko eta ekintza bertatik... [+]