Beiruteko alkateak gelditu egin du erraustegi proiektua, eztabaida eta protesta artean

  • Egunean 600 tona zabor erreko lituzkeen erraustegiak eztabaida sutsua piztu du Libanon eta Beiruteko alkatea behartuta aurkitu da proiektua lehiaketa publikora ateratzeko prozesua atzeratzera.


2019ko uztailaren 12an - 11:10
Erraustegiaren kontrako protesta Beiruten: ikurrak Libanoko banderaren erdian ipinita dauka erraustegia. (Argazkia: Daily Star Lebanon)

Ekialde Hurbileko gatazka zibil handietakoa bihurtu da hondakinen kudeaketa Libanon. Zabortegiak gainezka zeuzkala, Siriako gerrak errefuxiatu uholdea ekarri zion herrialde txiki honi eta agintariak soluziotzat erraustegi handi bat eraikitzea proposatzen ari ziren, Europako multinazional handiekin eskutik hartuta. Ingurumen Justiziaren Atlasak dioenez, egunean 600 tona erretzeko proiektuan sartuta daude –Libanoko zenbait konpainiarekin batera– Danimarkako Ramboll, Koreako Doosan eta Frantziako Vinci eta Suez, zerbitzu publikoen kontrata pribatuetan berezitutako multinazional erraldoiak.

Erraustegiaren aurkako ekintzaileek Beiruten protestan ezarritako tximinia kea dariola. (Argazkia: Greenpeace)

Mobilizazio handiak, sinadura bilketak eta protestak eragin ditu erraustegi asmo honek Beiruten 2017tik, lehendik oso kutsatuta daukaten ingurumen batean gizakien osasunari kalte handiagoak ekarriko dizkiolakoan. Alderdi politikoen artean ere eztabaida handia zen eta ordezkari politiko askok azaldua zuten beren kontrako jarrera.

Uztailaren 4an Beiruteko alkatearen asmoa zen proiektua lehiaketa publikora ateratzeko pleguak erabakitzea. Kontrako ekintzaileak bildu ziren herriko etxearen atarian bezala zenbait auzunetan eta hainbat zinegotzik ere eztabaida eskatu zuten, ez zela posible aurrera jarraitzea aurretik ingurumen eta osasunaren arriskuen azterketa zehatza egin gabe.

Eta azkenean udalak erabaki du prozesua gelditzea, interpretazio batzuen arabera gaia atzeratuz denbora irabazteko, beste batzuen ustez Beiruteko osoko batzarrean gehiengoa daukatelako erraustegiaren kontrakoek.

 


Kanal honetatik interesatuko zaizu: Errausketa
2023-09-08 | ARGIA
Errausketaren aurkako giza katea antolatu dute Kontxako estropaden egunean

Gipuzkoako hondakinen kudeaketak okerrera egiten jarraitzen duela salatu du Errausketaren Aurkako Mugimenduak. Donostiako erraustegiak kutsadura areagotu eta gaikako bilketa beheragotu duela azaldu dute, eta herrialdean aurreikusten diren proiektu berriek bide hori sakonduko... [+]


2023-08-04 | Ilargi Manzanares
GHK-k onartu du aurrez tratatu gabeko hondakinak errausten aritu dela 42 egunez

“Behin-behinean” egin dutela adierazi dute, “mantentze-lanen" ondorioz. “Ingurumen eskaera guztiak” bete dituztela ere esan dute, eta araurik ez dutela apurtu.


2023-05-28 | Zero Zabor
Agur, Iñaki Usabiaga

Gipuzkoan Zubietako erraustegiaren kontrako mobilizazioetan parte hartu duten askok horietan ezagutuko zuten Iñaki, bere 80 urte paseekin aktibista beteranoena. Argazkian ageri da militante gazte batekin solasean erraustegiraino mendiz egindako martxan, 2018an.


2023-04-24 | Zero Zabor
Paris hiriburuko oilategietako arrautzak ez jatea gomendatu dute agintariek, dioxina, furano eta PCBz kutsatuta daudelako

Ile-de-France (Paris hiriburua eta inguruko metropoli osoa) eskualdeko Osasun Agintaritzak herritarrei gomendatu die beren etxeetako oilategi txikietako arrautzarik ez jatea: aginte publikoak enkargatutako azterketa batek berretsi du aurretik ToxicoWatch fundazioak beste ikerlan... [+]


2023-02-27 | Zero Zabor
PFAS toxikoak kontrolik gabe hedatzen ari direla eta, Europako Batzordeak horien arautzeari ekin dio

Europako zenbait hedabide handik sustatutako ikerlan batek argitu du PFAS kutsagarriak milaka puntu beltzetan hedatuta daudela kontinente osoan. Oinezko herritarrak aipatzen entzun ez dituen PFAS-ak (konposatu per- eta polifluoratuak, ingelesez ‘Per- and polyfluoroalkyl... [+]


Eguneraketa berriak daude