Basque Culinary Center berria eraikitzeko zuhaitzak mozteari ekin diote Donostian

  • BCCren Donostiako bigarren egoitza eraikitzeari ekin diote aste honetan, eta SOS Manteo elkarteak salatu du astelehen goizean zuhaitzak botatzen hasi direla. Auzotarren arabera, Nafarroa hiribideko espaloiko zuhaitzak ez zirela ukituko agindu zieten bizilagunei. Astearte arratsaldeko protestara batzeko deia luzatu dute.


2024ko urtarrilaren 23an - 10:20
Azken eguneraketa: 12:43

Iragan astean ekin zioten Donostiako (Gipuzkoa) Manteo aldean BCC berria eraikitzeko lurrak mugitzeari, eta astelehen honetan dagoeneko hasi dira Nafarroa etorbideko espaloiko hemezortzi zuhaitz mozten. SOS Manteo elkarteak azaldu du “inolako bermerik gabe” abiarazi dituztela lursaileko eta inguruko eremuetako landarediarekin lotutako lanak, eta Donostiako Udalari azalpenak eskatu dizkio. Elkartearen esanetan, “zuhaitzak moztea obren eremutik kanpo zeudela” adierazi zuten Amenabarreko ordezkariek.

“Txikizioa” hasi dela azpimarratu du elkarteak, eta proiektua aurkeztu zenetik bizilagunek zein elkarteek beraien kezka eta kontrakotasuna adierazi dutela. SOS Manteo elkarteak azaldu du BCC eraikin berria geratzeko protestan jarraituko duela, eta auzotarrekin batera Manteo-Zemoria parkearen aldeko astea programatu dute datozen egunetarako.

Astearte arratsean, 19:00etan, mobilizazioa deitu dute Okendoko kultur etxetik abiatuta udaletxeraino. Asteazkenerako berriz, arratsaldeko 19:00etan, bilera informatiboa iragarri dute, aurrekari historikoak gogoratu eta egungo egoeraren berri emateko. Azkenik, ostegunean, eguerdiko 12:00etan, Osoko Bilkurara joateko deia zabaldu dute.


Kanal honetatik interesatuko zaizu: Ingurumena
2024-05-17 | ARGIA
Zubietako Erraustegira martxa egingo dute larunbatean Lasartetik abiatuta

Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.


2024-05-16 | Uriola.eus
Eusko Jaurlaritzak Bilboko Zorrotzako Profersa enpresa kautelaz ixtea erabaki du

Astelehenean egindako inspekzioaren ostean hartu da erabakia, azken asteetan izan diren istripuen harira.


Balmasedako zentral eolikoaren proiektua atzera bota dute, "gutxiago eragingo" duen beste bat egiteko

Kolitza mendiaren magal batean eraiki nahi zituzten haize erroten proiektua atzera bota du Eusko Jaurlaritzak, hala adierazi du Balmasedako alkateak. Baina horren ordez, "eragin gutxiago" duen beste zentral bat aurreikusi dute inguru bertsuan. Maiatzaren 26an Euskal... [+]


Basoilar kantauriarra hibridatzea proposatu dute, galzoritik ateratzeko

Basoilar kantauriarrak (Tetrao urogallus cantabricus) biziraun dezan, beste populazio baten geneak behar dituela ondorioztatu dute Doñanako Estazio Biologikoko ikertzaileek (CSIC). Izan ere, gaur egun basoilarra ehizatzea debekatuta badago ere, aurreko mendean bereziki... [+]


Eguneraketa berriak daude