Baztango euskara plana bertan behera utzi du Nafarroako Auzitegi Nagusiak

  • Euskararen normalizaziora bidean Baztango Udalak onarturiko planaren aurka egin du Nafarroako Auzitegi Nagusiak. 2014ko abuztuan euskara lehenesteko hainbat neurri onartu zituen erakundeak; tartean zeuden webgunearen euskarazko bertsioa lehenestea eta seinaleetan euskara erabiltzea.


2016ko maiatzaren 26an - 10:11
2014ko abuztuan euskara lehenesteko hainbat neurri onartu zituen Baztango Udalak (Arg: Kontseilua).

Baztango Udalak onarturiko neurri sortaren aurkako salaketa jarri zuen orduko Nafarroako Gobernuak, legearen kontrakoa zela argudiatuta. Bada, salaketatik bi urte igaro direnean, Nafarroako Justizia Auzitegi Nagusiak arrazoia eman dio.

Auzitegi Nagusiaren arabera, juridikoki ez zen zuzen egin euskararen normalizaziorako plana. “Ez dira administrazioaren eremuko jarraibide edo irizpideak, arau baten edukia duten neurriak baizik”, dio. Arau baten tramitazioa jarraitu beharko zukeela argitzen du.

Bestetik, Nafarroako Auzitegi Nagusiak iritzi dio Udalak mugak gainditu dituela: “Herritarren hezkuntza eskubideak errespetatuko direla esan arren, zenbait alderditan euskara erabiltzea da benetako xedea”. Haren esanetan, Euskararen Legeak eta administrazio publikoetan euskara erabiltzeko dekretuak ezarritako mugak gainditzen ditu neurriak. Baztango euskara ordenantza bera urratzea ere egozten dio Udalari.

Kontseilua: euskaldunen aurkako neurriak indargabetzeko eskaera

Nafarroako Auzitegi Nagusiaren aurkako idatzia igorri du Euskararen Gizarte Erakundeen Kontseiluak. Euskaldunen eskubideak irmotasunez defendatzen jarraitzeko erabakia berretsi du eta “lege berriak, egokiak, egiteko bideari ekiteko” eskatu dio Nafarroako Gobernu berriari, euskaldunen eskubideak bermatze aldera.

Salatu dute legea bera “traba” dela euskaraz bizi ahal izateko eta “euskaldunentzat kaltegarriak diren arau eta legeak berandu baino lehen” indargabetzeko deia egin die erakundeei. Ekainaren 4an “Bide eman euskarari, euskaraz bizi nahi dugu” lelopean egingo duten manifestaziora joatearen garrantzia azpimarratu dute.


Kanal honetatik interesatuko zaizu: Euskara Nafarroan
2024-05-31 | Ahotsa.info
Administrazioan Euskaraz taldea
“Nafarroako Kontseiluaren jardun euskarafobikoa salatzera etorri gara”

Administrazioan Euskaraz taldeak Nafarroako Kontseiluaren jardun euskarafobikoa salatu du ekintza baten bidez. Nafarroako Gobernuak euskarako dekretua prestatzen bost urte eman ondoren, Nafarroako Kontseiluari zirriborroa aurkeztu dio.


Mañeruibarko haur euskaldunak omendu dituzte Euskaltzaindiak eta IKF fundazioak

Atzo eguerdian, Mañeruko herriko plazan egindako ekitaldian, diploma bana eman zieten zortzi eta hamabi urte arteko ibarreko 45 haur euskaldunei. Horretaz gain, Oskar Alegriak umeokin ondutako film laburra estreinatu zuten.


Jauzi.eus, Iruñerriko eskolaz kanpoko euskarazko jardueren bilatzailea

Hilaren 29tik aurrera Sortzen Guraso Elkarteak Jauzi.eus bilatzailea martxan jarriko du. Xedea da euskararen normalizazioa bultzatzeko dagoeneko eskaintzen den aisia atari digital bakarrean biltzea.


Mañeruibarko haur euskaldunak sarituko dituzte Iruñeko Komunikabideak Fundazioak eta Euskaltzaindiak

Euskara galdua zen eremu mistoko eta ez-euskalduneko herrietako familien ahaleginak aitortuko dituzte ekitaldian. Oskar Alegria zinemagilearen bideoak emango dio hasiera ekitaldiari 11:30ean udaletxean.


2024-05-24 | Ahotsa.info
Larunbatean Euskal Jaia Tafallan Nafarroako erdialdean euskararen alde egiten den lana goraipatzeko

Erdialdeko Euskal Jaia larunbatean ospatuko da Tafallan egun osoko eta adin guztietarako egitarauarekin, euskarak eta bere kulturak Erriberriko merindadean daukan errotzea erakusteko helburuarekin.


Eguneraketa berriak daude